Maraming balang, sign na dapat paghandaan ang panahon ng taggutom o taghirap

Socrates Magnus

Salaminin natin ang panaginip ni James na ipinadala sa Facebook Messenger.

Dear Professor, Nanaginip ako ng napakaraming locust o balang na mga nakikita sa bukid na tatalun-talon.

Noong mga bata pa kami, nanghuhuli kami nu’n sa Nueva Ecija at pinaglalaruan namin, pero may mga matatanda na nanghuhuli rin kasi kinakain namin ‘yung mga locust o balang.

Pabalik-balik sa panaginip ko ang mga ito hanggang sa nagising na ako.

Naghihintay, James

Sa iyo James, May panahon ng paglabas ng mga balang o locust at ito ay kapag ang mga bundok ay may malalawak na damuhan at natutuyo na ang mga halaman sa gubat.

Doon ang natural habitat ng mga balang. Ibig sabihin, hindi naman sila talaga nakatira sa bukid na taniman ng mga palay, gulay at mga halamang kinakain ng tao.

Kaya kapag dumarayo sila sa mga barangay, bayan at maging sa mga siyudad, sila ay libu-libo o baka milyun-milyon pa, as in, sila ay sobrang dami.

Para sa mga magsasaka, salot o peste ang mga ito, kasi kapag nag-landing ang mga balang sa taniman ng palay, masisira ang tanim na palay, ganundin ang nangyayari kapag sa mga gulay sila naminsala. Kaya ang iyong panaginip ay nagbababala ng taggutom o taghirap sa bayan ninyo sa Nueva Ecija.

Baka naman matakot ka at sobrang mag-alala, kaya bago pa mangyari ito, gusto kong ibahagi sa iyo ang kuwento ni Joseph, The Dreamer na nakasulat sa Banal na Aklat.

“Sa pamamagitan ng mga panaginip, nakita ni Joseph ang magaganap na magkakaroon ng taggutom sa lupain kaya ang kanyang ipinayo sa hari ay mag-imbak ng mga pagkain para kapag dumating ang panahon ng taghirap, ang mamamayan ay may kakainin.”

Pero sa totoo lang, James, may mga balang man o libu-libong locust ang dumagsa, dapat paghandaan ng tao ang mga araw na darating. Kumbaga, kapag ang tao ay nakahanda para sa kinabukasan, hindi siya mag-aalala anuman ang dumating.

Kaya ang iyong panaginip ay para rin sa iyo na ang mensahe ay nagsasabing isabuhay mo ang paghahanda sa iyong hinaharap. Muli, ngayon na, hindi bukas kundi ngayon na mismo.

Hanggang sa muli, Professor Seigusmundo del Mundo

P72 milyong Megalotto winner, mula sa Antipolo

Bulgarific

Hello, Bulgarians! Isang masuwerteng tumatangkilik ng Megalotto 6/45 ng PCSO ang nakapag-uwi ng jackpot prize na nagkakahalagang Php 72,372,679.40 na binola noong Lunes, ika-2 ng Marso 2020.

Ayon sa Philippine Charity Sweepstakes Office (PCSO) Gaming Sector, ang ticket na may kombinasyon na 08, 13, 36, 22, 04 at 03 ay nabili sa isang lotto outlet na matatagpuan sa Antipolo City, Rizal.

Samantala, 36 na masuwerteng manlalaro naman ang nakakuha ng limang tamang numero at makapag-uuwi ng tig-Php29,210. Mag-uuwi naman ng tig-Php490 ang 1,696 na manlalaro na nakakuha ng apat na tamang numero at ang 28,016 naman na manlalaro na may tatlong tamang numero ang mag-uuwi ng tig-Php24.00 o balik-taya. Ang 6/45 Megalotto ay nilalaro tuwing Lunes, Miyerkules at Biyernes, alas-9 ng gabi at napapanood nang live sa PTV 4.

Malugod na nagpapasalamat ang mga opisyal at kawani ng PCSO sa mga masusugid na tagatangkilik ng lahat ng produkto ng PCSO tulad ng Lotto, KENO, Sweepstakes, STL at Scratch-It. Ang inyong walang sawang suporta sa aming mga produkto ang nagbibigay-daan sa patuloy na tulong-pangkalusugan at pagbibigay ng kawanggawang serbisyo sa ating mga kababayan sa buong bansa.

Sa bawat ticket na inyong binili, mas malaki ang pagkakataong maging milyonaryo at nakasisigurado pang makatutulong sa mga nangangailangan.

Para sa mga winning combination at schedule ng iba pang PCSO gaming products ay maaaring bisitahin ang opisyal na website ng PCSO sa

www.pcso.gov.ph at FB page na https://www.facebook.com/pcsoofficialsocialmedia at youtube account PCSO GOV.

♥♥♥

For event invitations, please, email bulgarific@ gmail.com or PM us on our Facebook page.

Got to go! It’s so Bulgarific!

xoxo