Mas magaan at mababang interest sa bagong Loan Program ng GSIS

Bulgarific

Hello, Bulgarians! Inanunsiyo kamakailan ni GSIS Acting President and General Manager (APGM) Rolando Ledesma Macasaet ang bagong loan product ngayong darating na May, 2020, ang “Multi-Purpose Loan” (MPL) Program.

Ang bagong programang ito ay loan restructuring at debt consolidation na makatutulong sa mga government employees na may outstanding debts sa ahensiya.

“Kung ang isang empleyado ng gobyerno ang may Salary Loan, Emergency Loan at Conso-Loan 3 years ago na may 12% interest, iko-consolidate ng GSIS ang mga loan bilang “Multi-Purpose Loan” account. Pagkatapos nito ay saka ire-restructure ang payment terms. Imbes na magbayad ng 12% interest, ang babayaran na lamang nila ay 7%-8% interest sa ilalim ng MPL. Imbes na 3 years to pay, maaari itong i-adjust sa 5 years para hindi mabigat sa empleyado,” paliwanag ni Macasaet.

Ang outstanding penalties at surcharges ng mga loan ay mawe-waive ng GSIS kapag naaprubahan ang aplikasyon ng empleyado.

Bukod pa rito, pinapayagan na ring mag-loan ang mga newly-hired government employees sa ilalim ng programang ito. Dati, kinakailangan na mayroong 20 months of service sa gobyerno bago makapag-loan, ngunit ngayon, 3 buwan lang ang kailangan at puwede ka nang mag-loan.

“Napansin kasi namin, ‘yung mga newly-hired public school teachers natin for example, hindi makautang sa GSIS. So, what do they do? They go to the loan-sharks. They fall prey to the ‘five-six.’ Kasisimula pa lang nila sa serbisyo, baon na kaagad sila sa utang kasi hindi nila alam na ang taas-taas pala ng interest na sinisingil sa kanila. This is what GSIS is really trying to prevent,” dagdag pa ni Macasaet.

Ang mga GSIS members na 15 years nang nagtatrabaho sa gobyerno ay maaaring manghiram ng halos 14 times ng kanilang basic monthly salary. Ang interest rate nito ay 7% to 8% lamang per annum depende sa amount ng loan at length ng repayment.

♥♥♥

For event invitations, please, email bulgarific@ gmail.com or PM us on our Facebook page.

Got to go! It’s so Bulgarific!

xoxo

Nakakita ng nag-away sa kabilang barko, sign na inilalayo ni Lord sa kapahamakan

Socrates Magnus

Salaminin natin ang panaginip ni Ya Ne na ipinadala sa Facebook Messenger. Dear Professor, Ano ang ibig sabihin ng nakasakay kami ng asawa at anak ko sa barko at may nag-aaway pa sa kabilang barko?

Naghihintay, Ya Ne

Sa iyo Ya Ne, Minsan, akala ng tao, siya mismo ang gumagawa ng kanyang kapalaran na para bang nakalimutan na niya na may lumikha sa kanya at ang lumikha sa kanya ay ‘yun din ang lumikha sa kanyang kapalaran.

Minsan, akala ng tao, siya mismo ang pumili sa gusto niyang gawin, pero ang hindi niya alam ay may isang nasusunod sa lahat ng bagay at ito ay ang “makapangyarihan sa lahat.”

Sa ganitong katotohanan, ayon sa iyong panaginip, ginusto ng langit na sa ibang barko ka sumakay dahil kung sa isa pang barko ay maaaring mapahamak ka dahil may nag-aaway doon.

Ang barko sa panaginip ay ang nagdadala sa tao sa dulo ng kanyang mga pangarap, kaya ang unang barko kung saan kayo nakasakay ay nagsasabing makakamit n’yo ang iyong pangarap.

Ang isa pang barko na may nag-aaway kung saan hindi kayo nakasakay ay barko ng kapahamakan. Dahil dito, mas magandang magpasalamat ka kay Lord dahil tulad ng nasabi na, Siya at wala nang iba pa ang lumikha ng iyong kapalaran.

Hanggang sa muli, Professor Seigusmundo del Mundo

Libreng linis ng septic tank, sagot ng Maynilad!

Bulgarific

Hello, Bulgarians! Good news muli ang hatid sa atin ng Maynilad Water Services, Inc. (Maynilad) ngayong Marso lalo na sa mga taga-Caloocan, Malabon, Muntinlupa, Las Piñas, Parañaque, Pasay, Valenzuela, Quezon City at Cavite dahil ang Maynilad ay may palibreng septic tank cleaning services!

Ibinahagi ni Maynilad President and CEO Ramoncito S. Fernandez na ang sanitation program na ito ay nakatutulong para mabawasan ang polusyon sa ating bansa.

“Ino-offer natin ang desludging service sa mga area na hindi covered sa sewer network. Sa pag-avail ng serbisyong ito, makaiiwas tayo na marumihan ang environment at mapapanatili ang maganda nating kalusugan. Kaya naman, inaanyayahan natin ang ating mga customer na mag-avail nito.”

Ang mga barangay na maaaring maka-avail nito ay ang barangay 1 hanggang 3, 5 hanggang 7, 9, 13, 15, 16, 18, 33 to 35, 37, 152, 154, 160, 163 hanggang 165, 167, 171, 177, 178, 180 at 185 hanggang 187 sa Caloocan; Bayan-Bayanan, Hulong Duhat, Ibaba, Longos, Muzon, Panghulo at Potrero sa Malabon; Bignay, Lingunan at Punturin sa Valenzuela; Apolonio Samson, Bungad, Kaligayahan, Paltok at San Antonio sa Quezon City at sa Merville, San Jose at San Rafael sa Pasay. Ang mga residenteng ito ay makatitipid ng halos Php5,000!

Maaari ring mag-avail ang mga customers sa South tulad sa Talon Uno, Kuatro at Singko sa Las Piñas; Sucat sa Muntinlupa; San Antonio, San Dionisio, San Isidro at Santo Niño sa Parañaque; Ligas I hanggang III, Mambog I, Molino II at VII, Niog II at III, Queens Row Central, Queens Row East at San Nicolas III sa Bacoor, Cavite at Alapan I-A hanggang I-C sa Imus, Cavite.

Ang mga interesadong kumuha ng serbisyong ito ay maaaring tumawag sa Maynilad Hotline 1626 o bisitahin ang kanilang website sa www.mayniladwater. com.ph o sa social media accounts (Twitter: @maynilad Facebook: MayniladWater) para sa iba pang katanungan.

♥♥♥

For event invitations, please, email bulgarific@ gmail.com or PM us on our Facebook page.

Got to go! It’s so Bulgarific!

xoxo