Malas sa lotto, numero ng kaaway ang dapat itaya para manalo

Socrates Magnus

Salaminin natin ang panaginip ni Leonino na ipinadala sa Facebook Messenger. Dear Professor, Napanaginipan ko na tumaya ako sa lotto at hindi ako nanalo. Sa tunay na buhay, palagi akong tumataya pero hindi rin ako nananalo. Nakakatawa kasi kahit sa panaginip ay hindi ako tumatama. Ano ang ibig sabihin nito? Hihintayin ko ang sagot ninyo. Maraming salamat!

Naghihintay, Leonino

Sa iyo Leonino, Nakakatawa nga yata ang panaginip mo dahil maging sa panaginip ay hindi ka nananalo. Bakit hindi mo ikonsidera na huminto na? Ang pahabol na suhestiyon ay ipunin mo sa latang lalagyan ang mga pera na sana ay itataya mo.

Kapag medyo marami na, ibili mo ito ng bagay at ang susunod na payo ay ibenta mo sa iyong kakilala o sa isang malapit sa iyo ang binili mong ito.

Kapag nagbebenta ka, ito ay pagtitinda at ang nagtitinda ay kailangang kumita kaya dagdagan mo nang konti ang presyo ng ibebenta mo kung saan ang idinagdag mo ay ang tutubuin mo.

Ganu’n nang ganu’n ang gawin mo at magugulat ka na ang sana ay itinaya mo sa lotto na hindi nakabalik sa iyo ay puwedeng magpayaman sa iyo.

Pero bago mo ito gawin, may isang bagay na gusto kong ipagawa sa iyo kung saan tayaan mo ang mga numero ng iyong kaaway, kagalit o kontrabida sa buhay mo.

Subukan mo dahil ito rin ay pormula ng tagumpay na nagsasabing ang ating mga kaaway ay lihim na nakatutulong sa atin para tayo ay magtagumpay.

Hanggang sa muli, Professor Seigusmundo del Mundo

Nakakita ng nag-away sa kabilang barko, sign na inilalayo ni Lord sa kapahamakan

Socrates Magnus

Salaminin natin ang panaginip ni Maricar na ipinadala sa Facebook Messenger. Dear Professor, Ano ang ibig sabihin kapag nanaginip ng kuto? Pinatay ko ‘yung kuto kasi makati sa ulo.

Naghihintay, Maricar

Sa iyo Maricar, Araw-araw, may mga nakakasama tayo, minsan, ang iba sa kanila ay nakatutulong sa atin at minsan naman, ang iba ay nagpapasakit sa ating ulo kaya sa huli, ‘yung nagpapasakit ng ating ulo ang inilalarawan sa panaginip na kuto. Dahil dito, ang kuto sa panaginip mo ay taong nagpapasakit ng iyong ulo.

Ang pinatay sa mundo ng panaginip ay hindi aktuwal na pagpatay, bagkus, ito ay nagsasabi na tapusin mo na ang pakikisama mo sa kanya.

Sa buhay ng tao, ang magandang makasama ay ang mga taong napagkukunan ng inspirasyon, gayundin ang mga taong nagpapalakas ng loob natin at ang mga taong nakatutulong sa ating mga kailangan sa buhay.

Sila ang hanapin mo at kapag nakita mo na sila, huwag mo na silang hayaang mawala pa sa buhay mo.

Hanggang sa muli, Professor Seigusmundo del Mundo

Agricultural products, puwede nang mabili online dahil sa MAGRI app

Bulgarific

Hello, Bulgarians! Dahil sa umuunlad na teknolohiya sa ating bansa, hindi lang ang mga millennial entrepreneurs ang makapag-e-enjoy ng online selling kundi pati na rin ang mga magsasaka! Ito ay sa tulong ng Shopee, ang leading e-commerce platform sa buong Southeast Asia at Taiwan kasama ang Go Negosyo.

Ang MAGRI app ay mobile application kung saan maaaring makabenta ang mga local farmers direkta sa kanilang consumers. Pinauunlad nito ang mga local at affordable products mula sa mga magsasakang Pinoy.

Sa app na ito, maaaring i-post ng mga magsasaka ang kanilang mga produkto, ilagay ang presyo at makipag-negotiate direkta sa businesses at consumers. Hindi lang ‘yan, makatutulong din ito sa mga consumers na naghahanap ng iba’t ibang variety ng produkto sa murang halaga.

“Excited kami na makipagtulungan sa Go Negosyo para mas matulungan ang mga magsasaka para mas mapadali ang pagbebenta ng kanilang mga produkto gamit ang teknolohiya ngayon. Ngayong taon, kasama ang Go Negosyo, ay patuloy naming susuportahan ang digitalization ng agriculture through MAGRI app, isang online platform para sa agricultural products,” bahagi ni Karen Perez, Head of Operations sa Shopee Philippines.

“If we really want to change the landscape of prosperity for all in this country, we must pay attention and give importance to our farmers and other players in agriculture. The Philippines, as an agricultural country, can become an even stronger player in the ASEAN, if we align our efforts to ensure that innovation in the field is supported and that the programs we develop can sustain growth.

“We need to empower all farmers and turn them into enterprising agri-preneurs for the Philippines to achieve inclusive prosperity. We are very thankful that Shopee also recognizes their efforts and advocates for their welfare by investing in their future and ushering them into the digital age,” sabi ni Presidential Adviser for Entrepreneurship and Go Negosyo Founder Joey Concepcion.

Para sa mga interesadong consumers, i-search lamang ang produkto na gustong bilhin at direktang makipag-usap sa mga magsasaka.

♥♥♥

For event invitations, please, email bulgarific@ gmail.com or PM us on our Facebook page.

Got to go! It’s so Bulgarific!

xoxo