Smart, Sun at TNT, may free access sa mga kostumer sa DOH website

Bulgarific

Hello, Bulgarians! Muling itinanghal bilang pinakama­bilis na fixed at mobile internet networks sa Pilipinas ang PLDT at Smart ayon sa Ookla, ang nangungunang kumpanya pagdating sa internet testing at analysis.

Ayon sa pagsusuri ng Ookla gamit ang mga Speedtest na isinagawa sa loob ng huling anim na buwan ng 2019, nagtala ang Smart ng Speed ScoreTM na 18.13, average download speeds na 20.42 Mbps at average upload speeds na 9.87 Mbps. Base ito sa 1,822,401 user-initiated tests gamit ang Speedtest at LTE-capable devices sa bansa noong Q3-Q4 2019.

Ayon sa Ookla, nagtala rin ang PLDT ng Speed Score na 25.03, top download speeds na 62.87 Mbps at top upload speeds na 80.07 Mbps. Ito naman ay base sa 29,505,821 Speed­test noong Q3-Q4 2019. Mas tumaas pa ito kumpara noong Q1-Q2 2019 kung saan nagtala ng Speed Score na 17.07 ang Smart at 20.44 ang PLDT.

“Ang mga lumabas na resulta sa mga ginawang test ay patunay lamang na naaabot na natin ang ating goal na mas mapaganda ang service quality na mae-enjoy ng bawat customer. Bukod sa pagpapalawak ng coverage, nagawa natin na mas ma-enjoy at ma-experience ng bawat customer ang enter­tainment at matuto sa iba’t ibang online videos, mobile games at ma-boost ang kanilang online business gamit ang social media accounts,” bahagi ni Mario G. Tamayo, PLDT-Smart Senior Vice-President for Network Planning and Engineering.

Ang Ookla awards ay patunay na patuloy na nagbubunga ang pagpapalawig at pagpapaganda ng PLDT ng kanilang network. Ang parangal na ito ay dagdag pa sa ibang mga award na ipinagkaloob sa PLDT at Smart noong nakaraang taon, tulad ng “Best in Test Award” mula sa global benchmarking company na umlaut, na pinuri ang Smart sa pagbibigay ng pinakamaganda at pinakamalawak na 4G/LTE coverage at pinakamabilis na upload and download speeds sa bansa.

♥♥♥

Sa pagdeklara ng gobyerno sa State of Public Health Emergency dahil sa COVID-19 ay minabuti ng Smart, Sun at TNT na magkaroon ng libreng access ang kanilang mga customer sa Department of Health (DOH) website.

Ito ay para maging updated at tama ang makukuhang impormasyon tungkol sa COVID-19. Maaaring bisitahin ang https://ncovtracker.doh.gov.ph, www.doh.gov.ph at hindi lang ito, maaari rin nilang ma-access ang PHIVOLCS website nang libre sa www.phivolcs.dost.gov.ph.

♥♥♥

For event invitations, please, email bulgarific@ gmail.com or PM us on our Facebook page.

Got to go! It’s so Bulgarific!

xoxo

Etiqa, katuwang ng SSS para sa insurance ng mga retiree-pensioners

Bulgarific

Hello, Bulgarians! Kamakailan ay inanunsiyo ng Social Security System (SSS) na tuluy-tuloy pa rin ang pakikipagtulungan nito sa Etiqa Life and General Assurance Philippines, Inc. (Etiqa) sa katatapos lamang na ceremonial signing ng Memorandum of Agreement (MOA) noong March 5, 2020 sa SSS Building, Diliman, Quezon City.

Ang Etiqa o AsianLife & General Assurance Corporation ang naging credit insurance partner ng SSS mula nang ilunsad ang Pension Loan Program (PLP) noong September, 2018. Layunin ng PLP na bigyan ng tulong-pinansiyal ang mga SSS retiree-pensioners para sa kanilang miscellaneous expenses. Mula sa naturang guidelines, ang mga SSS pension loan borrowers ay covered ng Group Credit Life Insurance. Kasama rito ang full amount ng loan sa biglaang pagkamatay ng pension-borrower. Ibig sabihin, ang outstanding balance ng loan ay mababayaran na kahit ilang buwan pa ang naaprubahan na pension loan. Mula October, 2019, ang mga retiree-pensioners ay maaaring mag-avail ng maximum amount of P200,000 na maaaring bayaran ng dalawang taon o 24 monthly installments.

Present sa ceremonial signing ng MOA sina SSS Business and Development Loans Department Manager III Ma. Gracia G. Abas, SSS Lending and Asset Management Group Senior Vice-President Pedro T. Baoy, SSS Investments Sector Executive Vice-President Rizaldy T. Capulong, Etiqa President and Chief Executive Officer Rico T. Bautista, Etiqa Chief Financial Officer and Treasurer James Patrick Q. Bonus at Etiqa Group Marketing Department Manager Jeremy B. Ramirez.

♥♥♥

For event invitations, please, email bulgarific@ gmail.com or PM us on our Facebook page.

Got to go! It’s so Bulgarific!

xoxo

Malas sa lotto, numero ng kaaway ang dapat itaya para manalo

Socrates Magnus

Salaminin natin ang panaginip ni Leonino na ipinadala sa Facebook Messenger. Dear Professor, Napanaginipan ko na tumaya ako sa lotto at hindi ako nanalo. Sa tunay na buhay, palagi akong tumataya pero hindi rin ako nananalo. Nakakatawa kasi kahit sa panaginip ay hindi ako tumatama. Ano ang ibig sabihin nito? Hihintayin ko ang sagot ninyo. Maraming salamat!

Naghihintay, Leonino

Sa iyo Leonino, Nakakatawa nga yata ang panaginip mo dahil maging sa panaginip ay hindi ka nananalo. Bakit hindi mo ikonsidera na huminto na? Ang pahabol na suhestiyon ay ipunin mo sa latang lalagyan ang mga pera na sana ay itataya mo.

Kapag medyo marami na, ibili mo ito ng bagay at ang susunod na payo ay ibenta mo sa iyong kakilala o sa isang malapit sa iyo ang binili mong ito.

Kapag nagbebenta ka, ito ay pagtitinda at ang nagtitinda ay kailangang kumita kaya dagdagan mo nang konti ang presyo ng ibebenta mo kung saan ang idinagdag mo ay ang tutubuin mo.

Ganu’n nang ganu’n ang gawin mo at magugulat ka na ang sana ay itinaya mo sa lotto na hindi nakabalik sa iyo ay puwedeng magpayaman sa iyo.

Pero bago mo ito gawin, may isang bagay na gusto kong ipagawa sa iyo kung saan tayaan mo ang mga numero ng iyong kaaway, kagalit o kontrabida sa buhay mo.

Subukan mo dahil ito rin ay pormula ng tagumpay na nagsasabing ang ating mga kaaway ay lihim na nakatutulong sa atin para tayo ay magtagumpay.

Hanggang sa muli, Professor Seigusmundo del Mundo