Kahulugan ng souvenir

ni Estrellia de Luna @Panaginip Gabay ng Buhay | July 6, 2024

Analisahin natin ang panaginip na ipinadala ni Rebecca ng Laguna.

Dear Maestra,

Napanaginipan ko na dumating ‘yung bestfriend ko galing abroad. Nakangiti siya sa akin, at binigyan niya ako ng souvenir. Agad naman akong nahiya, kaya bago siya umalis binigyan ko rin siya ng souvenir na alam kong magugustuhan niya. 

Ano ang ibig sabihin ng panaginip ko?

Naghihintay,

Rebecca 

---

Sa iyo, Rebecca,

Ang ibig sabihin ng panaginip mo na dumating ang bestfriend mo galing abroad, at nakangiti siya sa iyo ay susuwertehin ka sa maraming bagay. Maraming magagandang pangyayari ang mararanasan mo sa susunod na mga araw.

Ang binigyan ka niya ng souvenir ay nagpapahiwatig na makakatanggap ka ng nakakagulat na balita mula sa kaibigan mo, at hindi ka na muli pang malulungkot.

Samantala, ang binigyan mo ng souvenir ang bestfriend mo ay senyales ng mabuting kalagayan sa buhay. Bubuti na ang sitwasyon sa paligid mo at madaragdagan pa lalo ang mga tapat at maaasahan mong mga kaibigan.

Matapat na sumasaiyo,

Maestra Estrellia de Luna

Kahulugan ng nag-camping at umulan

ni Estrellia de Luna @Panaginip Gabay ng Buhay | June 30, 2024

Analisahin natin ang panaginip na ipinadala ni Dante ng Davao.

Dear Maestra,

Napanaginipan ko na sumama ako sa camping ng mga kaibigan ko. Dinala ko ang camera ko, at nag-selfie akong mag-isa. Pero biglang umulan, kaya hindi rin ako nag-enjoy. 

Ano ang ibig sabihin ng panaginip ko?

Naghihintay,

Dante

---

Sa iyo, Dante,

Ang panaginip mo na sumama ka sa camping ng mga kaibigan mo, at hindi ka nag-enjoy dahil biglang bumuhos ang ulan ay nagpapahiwatig na magiging maligaya ang pagsasama n’yo ng magiging asawa mo. 

Samantala, ang dinala mo ang camera, at nag-selfie ka mag-isa ay senyales na papalitan mo na ang kasalukuyan mong trabaho, at mag-a-apply ka ng ibang trabaho na mas magaan at mas malaking suweldo. 

Matapat na sumasaiyo,

Maestra Estrellia de Luna

Kahulugan ng pinagtaksilan ng nobyo

ni Estrellia de Luna @Panaginip Gabay ng Buhay | June 29, 2024

Analisahin natin ang panaginip na ipinadala ni Lorna ng Masbate 

Dear Maestra,

Napanaginipan ko na pinagtaksilan ako ng boyfriend ko, at may iba pa pala siyang girlfriend. Sobra akong nalungkot, at nagkataon pang dumating ang barkada ko. Dinalaw nila ako, at maski sila ay nalungkot din nang malaman nilang niloko ako ng dyowa ko.

Ano ang ibig sabihin ng panaginip ko?

Naghihintay,

Lorna

---

Sa iyo, Lorna,

Kabaligtaran ang ibig sabihin ng panaginip mo na may ibang girlfriend ang dyowa mo, ito ay nangangahulugan na tapat ang pag-ibig niya sa iyo, at ikaw lang ang tangi niyang mahal. 

Ang nalungkot ka dahil akala mo pinalitan ka na ng dyowa mo sa iba ay pahiwatig na magiging masaya ka sa susunod na mga araw. Sobra kang matutuwa, dahil sa mga pangyayaring nagaganap sa buhay mo.

Samantala, ang dumating ang mga barkada mo at nalungkot din sila, ito ay senyales na magiging masaya sila, at may mga suwerte silang mararanasan. 

Matapat na sumasaiyo,

Maestra Estrellia de Luna