Tumatakbong kagawad at tserman, pinagbabaril sa Masbate City

ni Angela Fernando - Trainee @News | October 23, 2023

Patay ang isang kandidato sa pagka-kagawad matapos pagbabarilin kahapon sa Brgy. Maingaran, Masbate City.

Sugatan naman ang kasalukuyang brgy chairman na si Joseph Martinez.

Ayon sa inisyal na report ng Philippine National Police, nasa burol ng kapitbahay ang mga biktima nang dumating ang mga suspek na sinasabing kaalyado ng kalaban sa pagka-chairman.

"Habang ito pong mga biktima po at 'yung isa nga po niyang kasama po ay uma-attend daw po ng burol doon sa isang namatay nilang kapitbahay, noong bigla nga po nitong grupo ng mga suspek na kandidato nga po sa pagka-chairman ay bigla nga pong dumaan sa area at bigla na lang daw po na nagkaroon ng commotion," saad ni Acting Chief Col. Jean Fajardo ng PNP Public Information Office (PIO).

Kasalukuyang tinutugis ng mga awtoridad ang walong suspek sa nangyaring pamamaril at pinaigting ang mga checkpoint sa Masbate City.

SK candidate, binaril sa ulo, dedo

ni Angela Fernando - Trainee @News | October 19, 2023

Patay ang isang 23-anyos na estudyante na kinilalang si Mark Allen Tacbobo na tumatakbo bilang kagawad sa nalalapit na barangay elections matapos paulanan ng bala sa Initao, Misamis Oriental nitong Lunes, Oktubre 16.

Sa isang panayam kay Misamis Oriental Provincial Police Office Spokesperson Lieutenant Theofratus Pia, sinabi nito na ayon sa impormasyong kanilang nakalap, binaril ang biktima sa ulo ng dalawang hindi kilalang armadong suspek na sakay ng motorsiklo.

Nagtamo ng tatlong tama ng bala ng baril si Tacbobo na kumitil sa kanyang buhay.

Ngayon ay pinaghahanap pa rin ang mga suspek na agad namang nakatakas matapos ang insidente.

MOA Signing: P40 milyon mula sa Comelec para sa AFP sa nalalapit na BSKE 2023

ni Jeff Tumbado @News | September 30, 2023

Personal na iniabot ni Commission on Elections (Comelec) Chairman Atty. George Erwin Garcia kay Armed Forces of the Philippines (AFP) Chief of Staff General Romeo Brawner ang tseke na nagkakahalaga ng P40 milyon mula sa pondo ng komisyon para gamitin ng sandatahang lakas sa operasyon sa panahon ng Barangay at Sangguniang Kabataan Elections (BSKE) sa Oktubre 30, 2023. Kasamang sumaksi sa Memorandum of Agreement (MOA) si Defense Secretary Gilberto “Gibo” Teodoro at dalawa pang Comelec officials