Utak ng panggugulo sa kilos-protesta kontra-korupsiyon, panagutin

by Info @Editorial | September 23, 2025

Binalot na naman ng karahasan ang Mendiola — lugar na matagal nang simbolo ng boses at paninindigan ng bayan.S

Sa halip na maging ligtas na espasyo para sa mapayapang pagpapahayag ng saloobin laban sa korupsiyon, nauwi ito sa insidente na nagbunga ng gulo, takot, at pagkadismaya.Arestado ang mga kabataang nanunog ng mga sasakyan, nanira ng government at private properties, nanakit ng kapulisan at may iba pang nadamay.

Hindi biro ang panawagan ng mga raliyista: Itigil ang korupsiyon, managot ang mga tiwali. Ito’y lehitimong hinaing na matagal nang isinisigaw ng sambayanan. Gayunman, ang mga kilos-protestang tulad nito ay sinisira ng mga elementong ang layunin ay hindi ang makiisa kundi manggulo para sa pansariling interes o pampulitika.Kaya’t marapat lamang na magkaroon ng masusing imbestigasyon. Tukuyin at panagutin hindi lamang ang mga nasa lansangan kundi pati ang mga nasa likod ng operasyon. 

Kung may mga pulitiko na may kinalaman, dapat silang pangalanan at sampahan ng kaso.

Huwag nating hayaang malunod sa karahasan ang boses ng mamamayan. Ang Mendiola ay dapat maging tagpuan ng pag-asa at pagbabago, hindi ng takot at dugo.

Pondong ibinalik sa PhilHealth, dapat magbunga ng konkretong benepisyo

by Info @Editorial | September 22, 2025

Marami ang naniniwala na ang anunsyo ng gobyerno na ibabalik na ang P60 bilyong kinuha mula sa PhilHealth ay isang hakbang sa tamang direksyon. 

Sa gitna ng patuloy na krisis sa kalusugan at reklamong kulang ang serbisyong medikal, malaking tulong ito sa pagpapalakas ng Universal Health Care (UHC) program.

Gayunman, hindi sapat na ito’y ibalik lamang. Dapat tiyakin na ang pondong ito ay magagamit nang tama, mabilis, at may buong transparency. 

Kailangang malinaw kung saan ito mapupunta — serbisyo ba sa mga ospital? Bayad sa pasyente? Pagpapalawak ng benepisyo?

Hindi na natin kayang maulit ang mga iskandalo at isyu sa maling paggamit ng pondo at pahirapang paghabol sa mga may pananagutan tulad ng nangyayari ngayon sa flood control projects.

Dapat ding pakinggan ang panawagan ng taumbayan na ang bawat pisong ibabalik ay dapat magbunga ng konkretong benepisyo. Tulad ng libre o abot-kayang gamutan, mas maayos na serbisyo sa mga pampublikong ospital, at higit sa lahat, totoong “zero balance billing” para sa mahihirap.

Napapanahong rally, pagpapaalala sa aral ng kasaysayan

by Info @Editorial | September 20, 2025

Sa mahabang panahon, isa sa mga matinding reklamo ng mga motorista, partikular ng mga may-ari ng motorsiklo ay ang mabagal na paglalabas ng kanilang plaka. Ilang buwan, minsan taon, ang inaabot bago makuha ang plaka na bahagi ng legal na dokumento sa isang sasakyan. 

Ngunit kamakailan, tila nagkaroon ng himala, napaulat na plano ng Land Transportation Office (LTO) na magpatupad ng polisiya kung saan ilalabas ang mga plaka, official receipt at certificate of registration (OR/CR) ng mga motorsiklo sa parehong araw ng pagbili nito.

Naglabas na ng memorandum circular sa guidelines at inaasahang magkakabisa ito sa

Oktubre 15.

Sa bagong patakaran, layuning maiwasang maulit ang backlog ng mga plaka.

Ang mabilis na paglalabas ng plaka ngayon ay isang patunay na kaya naman pala — kung gugustuhin. Isang leksyon ito para sa iba pang ahensya ng gobyerno na mabagal magserbisyo: hindi sapat ang palusot. 

Ang mamamayan ay may karapatang humingi ng maayos, mabilis, at makataong serbisyo. Hindi na dapat hintayin pa ang reklamo o galit ng publiko para lang magtrabaho nang maayos.