Acad Arena Spaces sa campus Esports, mas palalawakin pa

ni MC @Sports | April 15, 2023

Sisimulan ng AcadArena ang campus gaming sa pamamagitan ng AcadArena Spaces-co-branded na gagawing isang convertible student hubs para sa mga mag-aaral na lumalahok sa gaming, esports, o technical knowhow-na unang itatayo sa National University (NU) Laguna ngayong Abril.

Ang dream space ng AcadArena ay magiging fully-equipped sa mga high-end PCs at may student lounge para sa pag-aaral, paglalaro at iba pang events, na may modular design na akma sa pangangailangan ng estudyante.

Bukod sa computer laboratory sa academic institutions, may mga programa rin para sa mga estudyante ng AcadArena para maunawaan ang esports at gaming at maging fundamental part ng campus life at maibigay ang pinakamainam na kapaligiran sa guro at mag-aaral. "We've always treated campuses as our partners in esports- thus when developing Spaces we focus on balancing the specific needs of a campus with the wants of esports athletes and student gamers," ayon kay AcadArena Scholastic Partnerships Manager Atty. Isaiah San Miguel.

Maglalaan ang NU Laguna ng mixed-use Space upang mapalawak ang physical space ng programa. Isang classroom at learning center sa buong araw at play area at mobile lounge makaraan ang class hours. "We’re proud to say that our approach has been well-received, and we're already in talks with several other campuses who are interested in developing their unique AcadArena Space," ayon kay AcadArena Co-Founder and Chief Executive Officer Kevin Hoang "We believe that the success of these Spaces is down to our ability to work closely with campus officials to understand the needs of their students and create Spaces that cater to those needs. Empowering people to be everyday heroes AcadArena is devoted to developing and supporting student gamers across our network of 800 campuses and 100+ student clubs. A clear focus on what communities need has been the guiding principle in the development of Spaces - we know what students need, we know what features Spaces can provide to empower them. "

Echo at Blacklist, pasok sa 2nd at 3rd seat sa MPL PH Playoffs

ni Ejeerah L. Miralles-OJT @Sports | April 4, 2023

Nanatiling nasa tuktok ng play-off set ang Echo matapos lagariin sa dikdikang labanan ang Nexplay Evos, 1-2, sa Mobile Legends Professional League Philippines (MPL PH) Season 11 noong Linggo, Abril 2.

Natapos ang 3rd at last game nang ma-secure ng Echo ang lahat ng objective ng laro at pumangibabaw sa mahigpit na depensa ng NXPE. Inagaw ng Echo ang 4th lord mula sa NXPE, dahilan upang tuluyang ma-wipe out ang NXPE at masalakay ang base nito. Pasok sa pangalawang puwesto sa playoff ang kasalukuyang M4 Champions na koponang ECHO matapos makamit ang 24 pts. Matatandaan na mula Week 1, halos lampasuhin ng ECHO ang ibang koponan at tanging napilayan lamang laban sa Onic PH noong February 25 (1-2), Smart Omega noong March 10 (2-1), Blacklist International noong March 17 (2-1), at Bren Esports noong March 18 (2-1).

Samantala, nagwagi naman ang champion ng dalawang previous ang Black International kontra RSG Slate PH. Mula drafting phase ay banned sa paggamit ng anti-Ube heroes ang Blacklist gaya nina Kaja at Franco, habang kinuha ng RSG ang mga key meta heroes gaya nina Wanwan, Joy at Diggie. Gayunman, naging mahaba at madugo ang labanan ng dalawang koponan sa huling 7 minuto ng laro dahil sa organisadong paraan at hawak na heroes ng Blacklist. Nang masabat ang dalawang lords ng RSG ay humina ang depensa nito, dito na tuluyang nasalakay ng Blacklist ang base nito na nagpawagi sa koponan. Pumapangatlo ang Blacklist sa playoff seat ng MPL PH sa puntos na 23.

Mapapanood ang unang dalawang laro sa Week 8 sa April 14, na pinangungunahan ng Bren Esports kontra Blacklist International, 4 p.m. at Smart Omega laban Echo ng 6:30 p.m.

Bubuo ng SIBOL sa SEAG, mula sa ECHO at Blacklist

ni Gerard Arce @Sports | January 19, 2023

Sasalangin ang pinakamahuhusay na koponan at manlalaro ng Mobile Legends: Bang Bang sa bansa na kinabibilangan ng M4 World Champions na ECHO Philippines at runner-up Blacklist International upang katawanin ang Pilipinas upang maging parte ng SIBOL national team para sa 32nd edisyon ng SEA games simula Mayo 5-17 sa Phnom Penh, Cambodia.

Inaanyayahan ng SIBOL at national sports association (NSA) nitong Philippine Esports Organization (PEsO) ang dalawang bigating koponan kasama ang kinatawan galing sa Collegiate Center for Esports na back-to-back champions Lyceum of the Philippines University at 2022 Realme Cup titlist Cerebrum Pro, upang magkaroon ng bigating National Seletion na makakatapat ang apat na iba pang koponan na magmumula sa Cambodia SIBOL MLBB men’s qualifier na kasalukuyang ginaganap ang single elimination round patungo sa semis.

Magtatapat sa Round 4 ang Bren Esports at Smart Omega Neos; Euphoria Esports laban sa Archives Esports; Big Four Global kontra Speed Depot; at ONIC Proud kaharap ang ZOL Esports.

Tangan ng Pilipinas ang back-to-back na titulo sa SEAG nang unang kunin ito noong 2019 sa Manila meet at madepensahan ng SIBOL, na kinatawan ng Blacklist sa Vietnam Games noong Mayo 2022, ngayon ay magkakaroon ng malupit na pagpili sa bisa ng National Selection sa walong koponan mula sa mga imbitado at semifinalist’s ng qualifier. “Hindi pa. Lahat daraan sa Qualifier which includes ECHO PH at Blacklist International. Though some teams, imbes na sa open qualifiers, kasali na sila sa closed qualifier if they accept the invitation. This will be decided by Team SIBOL management,” pahayag ni PESO secretary-general Joebert Yu. “Generally speaking naman, lahat may chance pa rin makasama at magrepresent,” dagdag ni Yu. Bukod sa popular na MLBB sa men’s team ay magkakaroon na rin ito ng koponan para sa women’s team.