Bakbakan ng 8 teams sa MLBB, ikinasa na

ni Rey Joble @E-Sports | March 3, 2024

Walong koponan ang maglalaban-laban para sa puwesto para dalhin ang Pilipinas sa prestihiyosong MSC 2024, ang pinakamalaking Mobile Legends: Bang Bang Mid-Season Cup na gagawin sa Riyadh, Saudi Arabia.

Ito ang layunin ng bawat prangkisa na sasalang sa nalalapit na Mobile Legends: Bang Bang Professional League - Philippines (MPL-PH).

Ang ika-13 Season ng MPL-PH ay bubuksan simula Marso 15, tatlong beses isang Linggo – Biyernes, Sabado at Linggo – hanggang Mayo 5.

Lahat ng mga laban ay gagawin sa Shooting Gallery Studios sa Makati City.

May on-ground activities din na gagawin sa papalapit na season, kabilang dito ang  Winstreak, kuwento hango sa tema kung saan magbabahagi ng mga kaalaman sa mga laban. 

Ang video ng  Winstreak ay hinati sa limang parte kung saan magkakaroon ng pagkakataon ang mga kalahok at iba pang mga nahihilig sa Mobile Legends na mas madagdagan ang kanilang nalalaman sa laro.

Bukod dito, naglaan din ang liga ng  Super Star Match para sa nalalapit na MPL Week na gagawin tuwing Miyerkules. Bilang pasasalamat ito ng MPL Philippines sa kanilang mga manonood at taga-suporta sa pagbibigay ng mga codes or gabay sa mga laro para mas mabilis matuto at mahasa ang mga manlalaro.

Ang nalalapit na season ng MPL-PH ay sinusuportahan ng Smart Communications, Inc. bilang opisyal na kanilang telco partner. Nakibahagi rin ang Infinix ng mas mahabang pakikipagsosyo sa MPL-PH para sa mas maihatid ng ang mga laban sa simula ng Season 13. Ito  ang ika-apat na sunod na taon na magkaagapay ang Infinix at MPL-PH.

'Pinas handa na sa semifinals ng ASPAC Predator 2024

ni MC @Sports | January 13, 2024

Photo: SM Moa Arena / Fb

Umusad na sa semifinals ng Asia Pacific Predator League 2024 Grand Finals ang mga Filipino teams matapos dominahin ang group stages ng tournament.

Pasok na ang DOTA 2 powerhouses na Blacklist Rivalry at Execration sa semifinals ng tournament. Nangibabaw ang Blacklist, sa pangunguna nina Abed Yusop at Kim “Gabbi” Santos, sa Group A matapos ang 4-0 steamrolling ng kompetisyon.

Nakuha rin ng Execration ang semifinal spot na may 3-1 na puwesto sa Group A, kasama ang kanilang nag-iisang talo sa kamay ng Blacklist Rivalry. Natapos ang dalawang Filipino squad sa Group A laban sa Mythic Avenue Gaming ng Malaysia, ZOL Esports ng Pilipinas at India’s Whoops.

Nangunguna ang Team Aster ng China sa Group B ng DOTA 2. Sa Valorant, tinapos ng Team Secret of the Philippines ang paglalaro ng grupo na walang talo kasunod ng dominanteng performance laban sa TODAK ng Malaysia at Ender Dragon ng Singapore.

Nabigo ang Oasis Gaming at ZOL Esports ng Pilipinas na makapasok sa playoffs. Sa mga huling yugto ng Predator League, ang Team Secret ay makakaharap sa Team Flash mula sa Vietnam, FAV Gaming mula sa Japan at BOOM Esports mula sa Indonesia.

Tinapos ng Japanese at Indonesian teams ang group stage nang walang talo. Gaganapin ang grand finals ngayong weekend Sabado sa Mall of Asia Arena.                

'Pinas lulusot sa MLBB kung may Esports sa Olympics

ni GA @Sports | December 5, 2023

Lumaki ang posibilidad na makapasok sa Summer Olympic Games ang Esports matapos na paboran ni International Olympic Committee (IOC) President Thomas Bach na makapagbuo ng Esports Games sa prestihiyosong sports event, matapos ang matagumpay na pagdaraos nito sa Southeast Asian Games at Asian Games.

Hindi maipagkakaila ang pag-angat ng mga Filipino online gamers sa pandaigdigang kumpetisyon kabilang ang paboritong Mobile Legends: Bang Bang, kung saan kasalukuyang ginaganap sa Pilipinas ang M5 World Championships sa EVM Convention Center sa Quezon City.

Ayon kay Bach, inatasan na nito ang IOC Esports Commission na pag-aralan ang pagsasagawa ng Olympic Esports Games kasunod umano ng mas lalo pang lumalaking popularidad ng Esports sa buong mundo, na inaasahang aabot sa tatlong bilyon ang maaaring lumahok mula sa iba’t ibang bansa. “What is even more relevant to us, a majority of them are under the age of 34,” pahayag ni Bach.

Wala pang inilalabas na tugon at kumento rito ang International Esports Federation, ang opisyal na samahang pandaigdigan ng Esports, patungkol sa inilabas na pahayag ni Bach, na isang dating Olympic Fencing medalist.

Naging maganda naman ang simula ng Pilipinas mula sa M2 champion na AP Bren ng talunin ang Burmese Ghouls ng Myanmar sa iskor na 2-0 na binubuo nina Angelo Kyle "Pheww" Arcangel, Marco "Super Marco" Requitano, Michael "KyleTzy" Sayson, Rowgien "Owgwen" Unigo, David “Flap Tzy” Canon, Vincent “Pandora” Unigo sa pagmamando ni Francis “Ducky” Glindro, gayundin ang M3 champions na Blacklist International na ipinahinga ang top-two players na sina Johnmar “OhMyv33nus” Villaluna at Danerie “Wise” Rosario, ngunit ipaparada nina Stephen “Sensui” Castillo, Edward “Edward” Dapadap, Salic “Hadji” Imam, Kiel “Oheb” Soriano, Renejay “Renejay” Barcase, Lee “Owl” Gonzales, Kenneth “Yue” Tadeo na kino-coach ni Ariel “Master the Basics” Jiandani.