Ateneo, champ sa MPS; Adiwang, balik Octagon

ni MC - @Sports | October 13, 2022

Naghari ang Ateneo de Manila University's Loyola Gaming Helios sa Mobile Legends: Bang Bang Pro Series (MPS) SEA Campus Invitational Summer 2022 mula sa isang Filipino-Vietnamese tournament na idinaos nitong weekend.

Winalis ng Ateneo ang kapwa Pinoys na San Sebastian College-Recoletos Golden Stags, 2-0 tungo sa invitational title. Ang Ateneo rin ang defending champion sa Collegiate Center for Esports’ (CCE) University Clash Invitationals.

Sa kabuuan, 4 na teams mula sa Pilipinas at 4 na teams mula Vietnam ang lumahok sa kompetisyon kung saan ang semifinals ay binuo ng all-Pinoy showdown.

Pumasok sa final 4 ang Collegiate powerhouse Lyceum of the Philippines University Pirates at University of Santo Tomas’ Teletigers Esports Club na pawang mga tinalo rin ng Ateneo para makapasok sa finals. Naiuwi ng Ateneo ang $600 (P36,000) bilang premyo. Lumahok din ang Vietnamese squads na Dangerous Guys Team, Chi Thơ Ngok, Nextplay Esports, at CĐ Kinh Tê TP Ho Chi Minh sa kompetisyon.

Samantala, halos magaling na ang natamong ACL injury ni hard-hitting mixed martial arts strawweight Lito Adiwang matapos ang 7 buwang pagpapagaling at rehabilitasyon.

Huling sumabak sa aksyon ang 29-anyos na si Adiwang nang matalo siya sa kapwa Pinoy na si Jeremy Miado noong Marso sa ONE X kung saan nakuha niya ang kanyang injury.

Nanalo ang kinatawan ng Team Lakay sa laban hanggang sa mapunit niya ang kanyang kanang ACL sa ikalawang round na nagresulta sa anticlimactic na pagtatapos sa paligsahan sa pamamagitan ng technical knockout. “Kaunting push pa at babalik na ako.

Nagpapalakas na lang at ibinabalik ang reflexes. Nagulat ang doktor ko kasi mabilis ang recovery ko,” ani Adiwang.

Lyceum, kampeon sa Mobile Legends ng Collegiate Esports

ni MC - @Sports | July 30, 2022

Nakuha ng Lyceum of the Philippines University ang korona ng kampeonato sa Collegiate Center for Esports Mobile Legends: Bang Bang tournament nang patalsikin ang San Sebastian College - Recoletos sa Grand Finals, 2-0, na idinaos sa SM Mall of Asia Music Hall noong Huwebes.

Unang sumampa sa grand finals spot ang Lyceum nang ilagay ang SSCR sa lower bracket finals kung saan nakalaban ng Stags ang wax-hot College of St. Benilde squad.

Nang matalo ng Stags ang Benilde ay sumampa ito sa huling Grand Finals squad, naging dominante muli ang Pirates sa dalawang straight games upang masungkit ang titulo.

Nang maabot ng Lyceum ang match point sa Game 1, naging dikit ang bakbakan ng San Sebastian kontra Pirates sa Game 2.

Pero nakalamang sila laban sa Stags sa loob ng 17 minuto, at doon na sumurender ang SSC upang ganap na makuha ang CCE title. Tatapusin ng San Sebastian ang torneo sa 2nd place habang nalagay sa 3rd ang Benilde.

Unang naging dominante ang Lyceum sa Group Stages at maging top-seeded team sa kabuuan ng liga, nakapagwagi ng siyam na straight games upang makuha ang playoffs spot.

MLBB player Gonzales, Lalaro na bilang import

ni Gerard Arce - @Sports | July 19, 2022

Tila maging ang online gamers o Esports professional athletes ay nagsimula na ring sumunod sa yapak ng ibang mga pro-ballers ng bansa ng mapili ni dating Onic gold laner Jaylord “Hate” Gonzales na maglaro sa ibang bansa.

Makokonsiderang kauna-unahang Pinoy Mobile Legends: Bang Bang import si Gonzales na lalaro para sa Malaysia, upang maging ikalawang manlalarong Pinoy na naglaro para sa ibang bansa matapos mauna ng lumipat ang dating kakampi nitong si Kairi “Kairi” Rayosdelsol sa Onic Indonesia nitong kaagahan ng Hulyo.

Tutulong si Gonzales sa kampanya ng Team SMG sa MPL-Malaysia Season 8 champions sa local league nito sa Season 10 kasama si Lu Khai “Sasa” Bean. Kasama si Gonzales sa koponang tumapos ng ikalawang puwesto sa M3 Grand Finals ng MLBB World Championships sa Singapore na nabigo kontra sa kapwa Pinoy team na Blacklist International.

Hindi naging matagumpay ang kampanya ng Onic PH sa nagdaang season 9 ng MLBB Pro-league sa bansa ng magtapos lang sa 4th place ang grupo nito. Ilan sa mga kakampo nito sa Onic PH ay napapabalitaan na ring susubok na maglaro sa ibang bansa, partikular na sa Indonesia, na siyang matinding karibal ng Pilipinas sa MLBB.