P91B benepisyo para sa health workers, kasado na — DBM

ni Eli San Miguel - Trainee @News | March 20, 2024

Sinabi ng Department of Budget and Management (DBM) nitong Miyerkules, na naglabas na ito ng higit sa P91 bilyon para sa mga benepisyo ng mga healthcare workers mula 2021 hanggang 2023.

Inihayag ng DBM na inilabas nila ang P91.282 bilyon sa Department of Health (DOH) para sa mga Public Health Emergency Benefits and Allowances (Pheba).

Sa isang liham ng DBM sa DOH, sinabi ng budget department na kasama sa kabuuang halaga ang:

–P73.26 bilyon para sa Health Emergency Allowance (HEA) o One COVID-19 Allowance

–P12.90 bilyon para sa Special Risk Allowance

–P3.65 bilyon para sa COVID-19 Sickness and Death Compensation

–P1.4 bilyon para sa iba pang mga benepisyo, tulad ng allowance para sa pagkain at transportasyon.

251 bagong kaso ng COVID, 7 patay

ni Eli San Miguel - Trainee @News | March 14, 2024

Iniulat ng Department of Health (DOH) ngayong Huwebes na mayroong 251 bagong kaso ng COVID-19 ang naitala sa mga ospital sa buong bansa mula Pebrero 27 hanggang Marso 4, na naglalarawan ng isang average na 36 kaso ang naitala kada araw.

“This is 27 percent lower compared to the average daily cases recorded last February 20 to 26,” sabi ng ahensya.

Gayunpaman, iniulat din ng DOH na sa mga bagong kaso ng COVID-19, pito ang namatay.

Sinabi ng DOH na nagpapakita ang bagong datos ng “low severity and fatality,” na dahil sa proteksyon na ibinibigay ng pagpapabakuna.

Idinagdag din ng kagawaran na patuloy itong nagbabantay para sa anumang banta ng nakakahawang sakit na nakakaapekto sa mga Pilipino.

Breast cancer tests, libre na sa Hulyo

ni Eli San Miguel - Trainee @News | March 13, 2024

Simula sa Hulyo, maaari nang mag-avail ang mga kababaihan ng libreng mammogram at breast ultrasound tests taun-taon sa ilalim ng breast cancer prevention and detection package mula sa Philippine Health Insurance Corp. (PhilHealth)

Sinabi ni Speaker Martin Romualdez noong Martes na ipinaabot sa kanya ni PhilHealth President Emmanuel Ledesma Jr. ang impormasyon sa isang pulong.

Pinuri ni Romualdez ang PhilHealth para sa kanilang mabilis na aksyon at sinabing ito ang pinakamagandang balita na maaaring ibigay sa mga kababaihan sa Pilipinas, lalo na ngayong Women’s Month.

“Early detection is key in addressing various health concerns, and by removing financial barriers to these essential services, PhilHealth is helping to save lives and promote a healthier future for our women,” aniya.

Nagtaas din ang PhilHealth ng kanilang benepisyo para sa breast cancer, na kasalukuyang nasa P1.4 milyon mula sa dating P100,000.