2K kaso ng tigdas, naitala

ni Eli San Miguel @News | May 7, 2024

Iniulat ng Department of Health (DOH) ang mahigit sa 2,000 na kaso ng tigdas sa buong bansa.

Ipinakita ng pinakabagong datos mula sa DOH na mayroong 2,264 na kaso na iniulat hanggang ika-27 ng Abril, isang pagtaas na 39 porsyento kumpara sa 1,627 na naitala noong ika-6 ng Abril.

Base sa DOH, nasa pinakamataas na panganib sa tigdas ang mga bata na wala pang 10 taong gulang.

Isang nakakahawang sakit ang tigdas. Kumakalat ito sa hangin mula sa mga taong may tigdas, na kadalasan sa pamamagitan ng pag-ubo o pagbahing.

77 heat-related illnesses, naitala ng DOH

ni Eli San Miguel @News | May 4, 2024

Inihayag ng Department of Health (DOH) nitong Sabado na umabot na sa 77 ang bilang ng mga kaso ng mga sakit na nauugnay sa init ngayong taon, kasama na ang mga posibleng pagkamatay dahil sa mainit na panahon.

Sa kabuuang 77 na kaso, pito ang iniulat na mga namatay, bagaman itinuturing ang mga ito na "non-conclusive for heat stroke" dahil sa kulang na datos.

Sinabi ng DOH na maaaring nauugnay sa init ang mga pagkamatay na ito, kabilang ang heat stroke, malaking posibilidad ng atake sa puso, na nagresulta ng mataas na presyon ng dugo dulot ng mainit na kapaligiran.

Sinabi ng DOH na sa mga nakaraang taon, noong 2023 naitala ang pinakamaraming bilang ng mga kaso ng sakit na nauugnay sa init, na may kabuuang bilang na 513 kaso.uCor na 618 PDLs ang kanilang pinalaya.

Mga ospital, isasailalim sa 'Code White Alert'

ni Eli San Miguel - Trainee @News | March 23, 2024

Isasailalim ng Department of Health (DOH) sa 'Code White Alert' ang mga ospital bilang paghahanda sa pagdami ng mga babiyahe sa Holy Week ngayong taon.

Sa isang pahayag, sinabi ng DOH na magsisimula na ang Code White Alert sa Marso 24, Palm Sunday, at magtatapos sa Marso 31, Easter Sunday.

Sa pagpapatupad ng Code White Alert, ilalagay ang mga medical personnel at staff sa standby para sa agarang pagtanggap at paggamot sa mga darating na pasyente sa mga ospital.

"The DOH family joins all Filipino families in the solemn and healthy observance of Holy Week 2024. Following instructions of President Marcos, hospitals are now on Code White Alert, always ready to care for patients in the event of any medical crisis," pahayag ni Health Secretary Ted Herbosa.