Sputnik V, darating na

ni Mary Gutierrez Almirañez | April 30, 2021

Darating na sa ‘Pinas ang 15,000 doses ng Sputnik V COVID-19 vaccines galing Russia matapos itong ma-delay nang dahil sa ‘logistic concerns’, ayon sa kumpirmasyon ni Philippine Ambassador to Russia King Sorreta.

Batay sa kanyang Facebook post kahapon, "First shipment of Sputnik V vaccines (15,000 doses) left today, 29 April, from Moscow and should be in Manila by May 1. More to come in the next weeks and months. Great working with the DOH, DFA, Special Envoy for Russia and the other members of the IATF to make this happen."

Matatandaang nu’ng Linggo pa lamang ay nag-abiso na ang pamahalaan hinggil sa magiging delay sa ika-28 ng Abril, kung saan nakatakda rin sana itong masundan ng 480,000 doses kinabukasan.

Nauna nang sinabi ng Department of Health (DOH) na nangangailangan ang Sputnik V ng cold storage facility na hindi lalagpas sa 18 degree Celsius na temperatura, kaya may posibilidad na hindi lahat ng local government units (LGU) ay mabibigyan nito.

DFA, nagprotesta na laban sa mga illegal na barko ng Chinese sa WPS

ni Mary Gutierrez Almirañez | April 23, 2021

Dalawang diplomatic protests ang isinampa ng Department of Foreign Affairs (DFA) laban sa China hinggil sa 160 Chinese vessels na palaging namamataan sa West Philippine Sea.

Ayon sa DFA, "The vessels were observed within the territorial sea of high tide features in the Kalayaan Island Group, in the Philippine Exclusive Economic Zone (EEZ), and in and around the territorial waters of Bajo de Masinloc."

Bukod sa 160 Chinese vessels, kabilang din sa sinampahan ng diplomatic protest ang lima pang Chinese Coast Guard vessels na may bow numbers: 3103, 3301, 3305, 5101 at 5203 na namataan sa teritoryo ng Pag-asa Island, Bajo de Masinloc at Ayungin Shoal.

Paliwanag pa ng DFA, “Through these protests, the DFA reminded China that Bajo de Masinloc, Pag-asa Islands, Panata, Parola, Kota Islands, Chigua and Burgos Reefs are integral parts of the Philippines over which it has sovereignty and jurisdiction. The Philippines exercises sovereign rights and jurisdiction over Julian Felipe Reef and Ayungin Shoal."

Matatandaang ipinatawag ng DFA kamakailan si Chinese Ambassador to the Philippines Huang Xilian upang iutos na alisin nito ang mga illegal Chinese vessels na namamalagi sa teritoryo ng ‘Pinas at para mapag-usapan ang tungkol sa international law, kabilang ang 1982 United Nations Convention on the Law of the Sea (UNCLOS).

"The continued swarming and threatening presence of the Chinese vessels creates an atmosphere of instability and is a blatant disregard of the commitments by China to promote peace and stability in the region," sabi pa ng DFA.

Pinoy abroad, puwede nang umuwi sa 'Pinas

ni Mary Gutierrez Almirañez | March 19, 2021

Pinapayagan nang makabalik sa Pilipinas ang lahat ng Pinoy na nagtrabaho, tumira at nagbakasyon sa ibang bansa, ayon sa memorandum na inilabas ng National Task Force (NTF) Against COVID-19 na pinirmahan ni NTF Chairman and Defense Secretary Delfin Lorenzana nitong Huwebes, Marso 18.

Batay sa ulat, inilabas ang panibagong memo ngayong umaga matapos ang pagpupulong na isinagawa kahapon ng Inter-Agency Task Force on the Management of Emerging Infectious Diseases (IATF-MEID) kung saan nakasaad sa Memorandum Circular No. 6, Series of 2020 na mula sa ika-22 ng Marso hanggang sa April 21 ay suspendido muna ang pagpasok ng foreign nationals sa ‘Pinas maliban na lamang sa mga sumusunod:

• mga diplomat at miyembro ng internal organization kasama ang kanilang dependents na may valid visa

• mga foreign nationals na bahagi ng medical repatriation at may endorsement mula sa DFA at OWWA

• mga foreign seafarer sa ilalim ng ‘Green Lanes’ program

• mga asawa at anak ng Pinoy na bumiyahe sa ibang bansa na may valid visa

• mga kinatawan sa emergency at humanitarian cases na aprubado ng NTF Against COVID-19

Nauna nang iniulat ang paglimita sa mahigit 1,500 na mga biyaherong puwedeng makapasok sa ‘Pinas kada araw upang makontrol ang pagkalat ng COVID-19 sa bansa.

Sa ngayon ay pinag-aaralan pa ang magiging proseso sa posibleng pagdagsa ng mga balikbayan.