‘Pinas, pasok sa bibigyan ng US ng donasyong 80 M doses na Covid vaccine

ni Mary Gutierrez Almirañez | June 4, 2021

Magbibigay ang America ng 80 million doses ng COVID-19 vaccines na hahatiin sa iba’t ibang bansa bago mag-Hulyo, at ang 75% nito ay ipamamahagi sa ilalim ng COVAX program, ayon kay United States President Joe Biden.

Aniya, magdo-donate ang America sa mga prayoridad na bansang sakop ng Latin America, Caribbean, South Asia, Southeast Asia at Africa, kung saan laganap ang virus. Paraan aniya iyon upang masugpo ang pandemya.

"We are sharing these doses not to secure favors or extract concessions. We are sharing these vaccines to save lives and to lead the world in bringing an end to the pandemic, with the power of our example and with our values," sabi pa ni US President Biden.

Naglabas din ng pahayag ang White House sa kanilang website, kung saan mababasa na kabilang ang ‘Pinas sa makatatanggap ng donasyon.

Batay dito, “Approximately 7 million (doses) for Asia to the following countries and entities: India, Nepal, Bangladesh, Pakistan, Sri Lanka, Afghanistan, Maldives, Malaysia, Philippines, Vietnam, Indonesia, Thailand, Laos, Papua New Guinea, Taiwan, and the Pacific Islands.”

Dagdag nito, “The Administration announced its framework for sharing at least 80 million U.S. vaccine doses globally by the end of June and the plan for the first 25 million doses.

“This will take time, but the President has directed the Administration to use all the levers of the U.S. government to protect individuals from this virus as quickly as possible. The specific vaccines and amounts will be determined and shared as the Administration works through the logistical, regulatory and other parameters particular to each region and country,” pagtatapos pa ng kanilang statement.

Sa ngayon ay Pfizer pa lamang ang American brand COVID-19 vaccines na nakarating sa ‘Pinas. Inaasahan namang darating ang 300,000 doses ng Moderna sa ika-21 ng Hunyo.

Matatandaang mas dinumog ng mga Pinoy ang rollout ng Pfizer kumpara sa ibang brand na inaaloka sa bansa, kaya nagpasya si Pangulong Rodrigo Duterte na Pfizer ang gagamitin sa indigent population.

Late na turok ng 2nd dose ng bakuna, oks pa rin

ni Mary Gutierrez Almirañez | June 3, 2021

Nilinaw ng mga eksperto na walang magiging problema kung ma-delay ang pagpapaturok ng isang indibidwal sa kanyang second dose ng COVID-19 vaccines, ayon kay Dr. John Wong, founder ng health research institution na EpiMetrics Inc.

Aniya, "Okay lang naman basta ang importante, bumalik sila para sa second dose. Without the second dose, kulang ang protection nila. Kahit na you miss by 1 week or 2 weeks, basta bumalik ka."

Batay sa huling tala, 3,974,350 indibidwal na ang nabakunahan ng unang dose, habang 1,206,371 lamang nito ang fully vaccinated o nakakumpleto ng dalawang turok.

Sa ngayon ay patuloy na hinihikayat ng gobyerno ang publiko na magpabakuna.

Iba’t ibang pakulo na rin ang inihanda ng ilang local government units (LGU) upang mapabilis ang vaccination rollout at nang tuluyang maabot ng bansa ang tinatarget na herd immunity.

Matatandaan namang aprubado na ng US Food and Drug Administration (US FDA) ang application ng Pfizer COVID-19 vaccines upang magamit sa menor-de-edad ang kanilang bakuna.

Kaugnay nito, sisimulan na sa ika-15 ng Hunyo ang pagbabakuna kontra COVID-19 sa mga edad 12 hanggang 18-anyos sa France, ayon kay President Emmanuel Macron.

Karagdagang 50,000 doses ng Sputnik V, dumating na

ni Mary Gutierrez Almirañez | May 31, 2021

Lumapag na sa Ninoy Aquino International Airport (NAIA) Terminal 3 ang karagdagang 50,000 doses ng Sputnik V COVID-19 vaccines mula sa Gamaleya Research Institute na inihatid ng Qatar Airways Flight QR928 nitong May 30 nang hating-gabi.

Ayon sa National Task Force (NTF) against COVID-19, ang dumating na bakuna ay kaagad dinala sa PharmaServ Warehouse sa Marikina City upang doon iimbak.

Sabi pa ng NTF sa kanilang Facebook post, “They will be deployed in centers of gravity or areas throughout the country that are experiencing surges in COVID-19 cases.”

Sa ngayon ay 80,000 doses ng Sputnik V na ang nai-deliver sa ‘Pinas. Kabilang dito ang tig-15,000 doses na naunang dumating noong May 1 at May 12.

Sinalubong naman nina Vaccine Czar Secretary Carlito Galvez, Jr. at Russian Ambassador to the Philippines Marat Pavlov ang pagdating ng bakuna sa NAIA.

"We have... decided to help the Filipino people and ... we are ready to deliver 20 million doses of Sputnik V according to the contracts that have been signed between the Russian Direct Investment Fund and the Government of the Philippines," giit pa ni Pavlov.

Kaugnay nito, inaasahan ding darating ang iba pang suplay ng bakuna, batay sa nakatakdang petsa ng mga sumusunod na brand:

• June 6: 1 million doses ng Sinovac

• June 7: 1.3 million doses ng Pfizer

• June 11: 900,000 doses ng Pfizer

• June 21: (walang specific doses) Moderna

• June (walang specific date at doses): AstraZeneca at Sputnik V

"Nakikita namin this coming June 7 and onward, mapapabilis tayo… Nakita natin ngayon we are very thankful na we have already reached 'yung 5 million doses administered. So meron tayong 5,120,023 vaccines that have already been administered," sabi pa ni Galvez.