Na-extend nga ang prangkisa, pero… Kumalat sa socmed, diumano: ABS-CBN, ila-lockdown dahil sa COVID-

Julie Bonifacio / Winner!

Dahil sa pag-iingat na hindi maging biktima ng Coronavirus, stay na lang sa house ang marami nating kababayan at watch na lang ng favorite shows nila on TV.

Ilang araw din naming natutukan ang mga palabas sa TV lalo na ang dalawang noontime shows sa magka­bilang network. Ang weird lang nu’ng live sila pero wa­lang audience. Tapos, ‘yung mga hosts, harutan nang harutan at nagtatakbuhan sa area ng audience na mga upuan lang ang makikita.

Ang host ng It’s Showtine na si Vice Ganda, nag-post na sa kanyang social media account tungkol sa “walang pi­pol” from “madlang pipol.”

Siyempre, safety first nga naman, ‘di ba?

Speaking of ABS-CBN, days ago ay may kumalat na news sa social media na mag­la-lockdown diumano ang net­work. Kasama kasi ang Kyusi sa mga lugar sa Metro Manila na nagkaroon ng COVID-19 patient.

Pero pinabulaanan na­man ito ng mga kilala naming taga-ABS-CBN. In fact, nu’ng mapasyal kami kaha­pon (Huwebes) sa Ka­pamiilya Network, hindi naman sila naka-lockdown.

Kaya lang, nu’ng papasok na kami sa entrance, hindi kami pinapasok. May mga tinanong sa amin and then, hi­nanapan kami ng ABS-CBN ID. ‘Yung mga emple­yado na lang daw ang pinapapasok nila sa loob ng ELJ Building.

Pagkatapos, may narinig kaming balita na magla-lockdown ang ABS-CBN later that night. So, tinext agad namin ang ilang kakilala namin sa ABS-CBN. Hindi raw true. Unless buong Metro Manila ang ipa-lockdown, si­yempre, susunod sila.

Nakampante naman kami sa sagot ng kilala naming Kapamilya employee.

Kalurky lang, kung kailan mukhang malaki ang pag-asa na ma-renew ang franchise nila at in-extend na ng NTC (National Telecommunication) ang permit nila to ope­rate ‘til June, saka naman may ganitong balita ng lockdown.

Ano ba ‘yan?

'Di pa raw BF noon ng gay host si Ion… Daryl, umaming ilang beses din silang inumaga ni Vice

Julie Bonifacio / Winner!

Kanselado ang mga events sa entertainment industry dahil sa biglaan at ma­bilis na pagkalat ng Coronavirus sa Metro Manila. Partly na-pa­ra­lize ang showbiz dahil sa kumalat na virus.

Isa sa mga nakansela ay ang Buda­­khel LIVE: The Best of the ‘90’s concert nina Bugoy Drilon, Daryl Ong at Michael Pangilinan sa Resorts World Manila’s Newport Performing Arts Theater.

Originally, sa March 20 na dapat ang concert nila. But we were informed ng mga pro­ducers ng show na ini-reschedule nila ang event to a later date in view of the COVID-19 situation.

Ang mga nabiling ticket(s) for the concert ay io-honor daw nila ‘pag may definite date na while details on the rescheduled date will be announced soon.

Naunawaan naman ng tat­long singers ang mga pang­yayari. Sey nga ni Da­ryl, kung ano raw ang maka­kabuti at mas mainam sa lahat, go lang siya.

“‘Yung una kasi namin ni Bugoy (Drilon), dalawa lang kami. Dapat kasama rin doon si Michael pero hindi nagtugma ‘yung schedule niya para sa concert. Kaya kami lang muna ni Bugoy,” kuwento ni Daryl.

Sa pagsasama nilang tatlo sa concert for the first time, maiiba ang line-up ng mga songs.

“Now, may mga ilang kanta kami ni Bugs (Bugoy) na mare-retain. Pero may papalitan din kami. Kasi napansin na­min na konti ‘yung OPM. So, mas ma­ganda na mas maraming OPM this time. And at the same time, si Khel siyempre, may iba siyang line-up. May mga prod na dati kaming dalawa lang ni Bugs, ngayon isasama na si Khel siyempre. So, very interesting din kung ano ‘yung mangyayari sa hatian (ng song).”

Wish ni Daryl na maka­panood ang anak niya na nasa U.S. sa concert ng Bu­Da­Khel. It’s been three years. Eight years old lang kasi ‘yung bata nu’ng huling makita nang personal ni Daryl.

That was the time nu’ng isinama siya ni Vice Ganda sa U.S.. Ito rin ang naging mitsa kaya na-link si Daryl kay Vice.

“Oo nga po, eh. Close kasi kami ni Vice. Nami-miss ko na nga ‘yun. Ngayon, hindi na ka­mi masyadong naka­ka­gi­mik,” sey ni Daryl.

Once pa lang daw niya na-meet ang karelasyon ni Vice na si Ion Perez. At hindi pa raw sina Vice at Ion that time na nag­kasama sila.

“Ngayong sila na? Hindi pa. Sana nga, eh. Sana nga ma-meet ko siya. Hindi ko alam kung saan sila masyadong (nagpupunta). Hindi na yata masyadong umiinom si Vice. Sa Showtime, nagkikita kami. Pero kasi, mas nae-enjoy ko ‘pag wala sa work. Kasi, oo, siyempre, parang mas na­tural. Kuwentuhan lang.”

Inamin ni Daryl na ilang beses din si­yang sumama kay Vice ‘pag gumigi­mik ang komedyante.

“Hindi ko kinakaya kasi minsan, 5 AM, 6 AM sila natatapos. So, eh, hindi naman ako masyadong umiinom.”

Tinanong din namin si Daryl kung ma­saya ba siya sa relasyon ni Vice kay Ion.

“Oo naman. Sobrang happy.”

Happy din ang love life ni Daryl sa piling ng girlfriend niyang si Dea Formilleza. Ilang taon na rin silang magkarelasyon. And yet, ‘di pa raw nila planong magpakasal.

“Work muna,” ngiti niya.

“At saka, siya rin kasi gusto pa niya, actually, gusto niyang mag-flight attendant. Kaya lang, nagkaroon ng coronavirus. Ang daming hindi makapag-travel.”

Pero sana raw, two years from now ay puwede na niyang pakasalan si Dea.

“Kasi, magte-33 na ako nitong March. Eh, siya naman, bata pa siya, 26 siya. Saka ako naman, ready, gusto ko na. Ready na ako. Pero siya, may gusto pa siyang patunayan sa sairli niya. Magkaroon ng talagang… ma-experience niya na magkaroon din siya ng stable na career. Kasi, ano rin, eh, somehow, hindi naman totally breadwinner, pero, nag-a-assist din siya sa family niya sa probinsiya, sa Compostela Valley.”

Mag-utol, parehong palaban… Vin, ibinulgar na nakipagrambulan sila ni Aljur sa 10 katao

Julie Bonifacio / Winner!

Tinutukso na si Vin Abrenica ng mga kaibigan niya kung kailan naman siya magkakaroon ng baby. Naka-dalawang anak na kasi ang younger brother niya na si Aljur sa misis nitong si Kylie Padilla.

“Kung alam ninyo lang, naku, sa mga… at least, nailalabas ko naman ‘to sa dalawang bata. Magkasunod pa. At, parehong lalaki. Parang kami (ni Aljur). Nakakatuwa silang makita. Nae-excite na nga ako makita ‘yan kung paano sila lumaki. Kasi, parang kami noon,” pahayag ni Vin.

Isang taon lang kasi ang agwat ng edad nila ni Aljur. Madalas daw silang mag-away nu’ng mga bata pa sila. Nagsasapawan daw sila halos araw-araw.

“Muntik na nga kaming paghiwalayin dati. Tatay ko sa Batangas, eh, Batangas na sana ako, eh. Nanay ko, sa Pampanga. Kaya siya, sa Pampanga na. Ganu’n kami kagrabe noon.”

Nagkabati na lang daw sila nu’ng tumanda na at napaengkuwentro.

“Nagkaroon na ng time na ang kalaban namin, otso, sampu? Magkatalikod lang kami. As in, nanginginig ako sa takot. Kasi, ang dami! Matatanda sa amin. Sabi niya, ‘‘Tol, handa ka ba?’ Nag­­tanggal kami ng belt. Dalawa lang kami, ‘Sige, lapit. Bakbakan na ‘to.’ Umabot kami sa mga ga­nu’n. Kaya doon kami nagsi­mula na maging solid.”

Dream ni Vin na magka­sama sila sa mga proyekto especially sa ABS-CBN. Never pa raw kasi silang nagkasama ni Aljur sa isang teleserye o pelikula.

“Ang sarap nu’n. Diyos ko, kahit magkapatid, ‘no? Kahit ako na ‘yung gago, okey lang. Siya ‘yung bida, ako ‘yung kontrabida. Siya ‘yung mabait, ako ‘yung sira-ulo, okey lang. Gusto ko ‘yun.”

Sa ngayon, kabilang si Vin sa Ka­pamilya teleseryeng pinagbibidahan ni Gerald Anderson na A Soldier’s Heart.

“Magaling siya in a way na, team leader, eh. Team leader talaga siya. Seven-man team kami, eh. Isipin mo, iba’t ibang karakter kami, alam niya kung paano kausapin ‘yung lahat ng ‘yun. Iba’t ibang ugali, may bata, may matanda, ako. Alam niya kung paano kausapin lahat. Sa akin, mahusay siyang artista,” papuri ni Vin kay Gerald.

Looking forward naman si Vin na mabigyan ng chance na makagawa ng action scenes sa A Soldier’s Heart.

“Nag-aaksiyon na, sila. Diyos ko! Tagal ko. Gusto ko nang sumabak. Dream role ko ‘yun, eh. Nu’ng nagbabakbakan na sila, nagkaroon ako ng asawa’t anak, so, stay at home na military. Gusto ko na, gigil na gigil na ako, eh, sa karakter ko. So, sana, mapagbigyan ako na makapag-aksiyon,” dasal ni Vin nu’ng makausap namin sa contract siging niya bilang bagong endorser ng kilalang underwear na Handford.

Two years ang pinirmahang kontrata ni Vin sa Hanford at naka-schedule pa lang ang pictorial niya para sa posters and billboards.

Kaya naman, super naghanda na raw si Vin at abangan ang paglabas ng posters and billboards niya.

Haping-hapi naman ang long-time girlfriend ni Vin na si Sophie Albert sa pagiging Hanford endorser niya. Mas excited pa nga raw si Sophie kesa sa kanya.

“As in, sobrang happy siya para sa akin. Kasi, finally, she’s with me in my journey, eh. And because she’s very happy for me, she woke up very early para samahan akong mag-workout even if dapat, rest day siya today.

“Do you see my face? Mineyk-up-an niya ako,” pagmamalaki ni Vin.

Kuwento pa niya, “Wala pang driver ‘yun. Pagkatapos kong umalis, pagkaalis ko ng bahay kanina, umuwi pa siya sa kanila. Nag-drive pa siya pauwi. So, ‘yun, she’s super happy for me.”

Ganern!