Sarah, tikom ang bibig sa pagpapasara sa ABS-CBN

Julie Bonifacio / Winner

Karla, aminadong nagka-career uli dahil sa anak na si Daniel

Nagbahagi ng kanyang sentimyento si Karla Estrada via video na ipinost niya sa kanyang social media account kagabi.

Tulad ng ibang Kapamilya stars, naglabas din ng kanyang saloobin ang ina ni Daniel Padilla.

"Ako po ay magbabahagi lamang ng aking sentimyento, pagkalungkot at siyempre, pagkabigla dito sa nangyari sa amin sa ABS-CBN," panimula ni Karla.

Ramdam daw niya ang kalooban ng mga momshies na gaya niya na dumaraan sa hirap ng buhay dahil sa COVID-19 pandemic.

"'Yung bigla kang nawalan ng trabaho? Ang tagal kong na-experience 'yan kaya alam ko ang pakiramdam at pangamba. Pangamba na hindi mo alam kung saan ka kukuha ng ipapakain mo sa pamilya mo, sa mga anak mo sa mga susunod na araw. Galing po ako d'yan, mga momshies.

Twenty-eight years ko pong dinaanan 'yan. Kaya alam ko po ang pakiramdam. Karamay ninyo ako sa pangamba at takot na 'yan," paniniyak ni Karla.

Hiling niya sa mga momshies, tulangan siya at ang iba pang Kapamilya stars sa pananalangin.

"Sama-sama po tayong magdasal na haplusin ng Panginoon ang puso ng mga taong nagbubunyi sa pagkawala ng ABS-CBN sa ere. Ang pagbubunyi nila ay kapalit ng ilang libong taong manggagawa at trabahador na katulad namin na nawalan ng trabaho, sa gitna ng krisis na meron tayo ngayon, sana, hinihiling ko na samahan n'yo kaming magdasal na palambutin ang mga puso ng mga taong nagbubunyi at gumawa."

Pakiusap pa ni Karla, samahan din daw sila na magdasal na maibalik sa ere ang ABS-CBN para sa napakaraming kababayan natin na naputulan ng inspirasyon. Mga naputulan daw ng pagkakataon na marinig at matulungan.

"Mga momshies, alam ko ang pakiramdam ng nagugutom dahil galing ako diyan. Hindi mo alam kung saan ka kukuha ng pambayad mo sa mga bills mo.

"Alam n'yo 'yung parang pinagsarahan ka ng pinto habang nakikiusap ka kung puwede ka bang makahiram ng pera, bigas.

"Dinanas namin lahat 'yan. Dinanas namin lahat 'yung sitwasyon na 'yan. Ramdam ko 'yung mga mensahe na, 'Kailan kayo babalik?' 'Hindi ninyo ba kami ipinaglaban?'

"Ipinaglaban namin kayo, kung alam n'yo lang. Pero alam n'yo po, ang pinakamabisang sama-samang pakikipaglaban natin ay ang pagdarasal. Na tayo sana'y maging united sa panahon ngayon.

Tayo talaga dapat ay nagtutulungan. Hindi tayo dapat magkawatak-watak ngayon. Kailangan natin ang isa't isa."

Ipinahatid naman ni Karla ang kanyang pasasalamat sa ABS-CBN at sa mga Kapamilya.

"Dahil sa tiwalang ibinigay ninyo sa anak kong si Daniel, sa ibinigay ng ABS-CBN, 'yung pagkakataon na 'yun, nabigyan din ako. Nasama rin ako. At 'yung pagkakataon na ibinigay ng ABS na 'yun ay nagkaroon ng pagkakataon na makatulong, hindi lamang sa aking malawak na pamilya," pagtatapos ni Karla.

***

SARAH, TIKOM ANG BIBIG SA PAGPAPASARA

SA ABS-CBN

Sa gitna ng pakikipaglaban ng mga Kapamilya stars dahil sa ABS-CBN shutdown, tahimik man si

Sarah Geronimo, este Sarah Guidicelli, may ipinost naman siya sa kanyang Instagram account na piktyur ng malaking ribbon na identified sa ABS-CBN.

Caption ng misis ni Matteo Guidicelli sa naturang piktyur: "Praying for my ABS-CBN family."

Comments naman ng mga followers ni Sarah…

"Hope you find your voice."

"Hope she'll speak out."

"It is necessary for her to speak out on the matter if she already uses the most powerful and that is PRAYER. Let's just respect her decision to keep the matter low key."

Hirit ng basher: KC, ayaw magpakatotoo, dinadaya ang katabaan kaya walang makuhang lalaki

Julie Bonifacio / Winner

Ipinagtanggol ng misis ni Gary Valenciano na si Angeli Pangilinan si KC Concepcion sa isang basher niya sa kanyang Instagram account recently.

Sa ipinost na piktyur ni KC sa kanyang IG account kung saan hawak niya ang suot na mala-snake na gold necklace niya, caption ng Mega Daughter, "Today, my aunt told me, 'This lockdown? It’s so good for you! Of course!!! God wants you all to himself. No man, no maid. You know?' Hahahah, well what can I say, guess I’ll have to take her word for it."

Ang "aunt" pala na tinutukoy ni KC ay walang iba kundi si Angeli na kapatid ni Sen. Francis

"Kiko" Pangilinan na stepdad niya.

Sa comment section kasi, sey ni Angeli, "Hahaha, I love you sweetheart."

Sinagot naman 'to ni KC ng, "Classic quotes."

Pagkatapos ay nag-comment naman ang isang follower ni KC ng, "You made your IG like Tinder, you post old photos and say single then guys would see you look double then he won't show up again.

Guess better to show your real self to find real love."

Instead of KC, si Angeli ang nag-reply sa netizen.

Aniya, "Better if you mind your own business po."

At ang reply pa ni Angeli sa basher ni KC, "Can you go bully someone else. MEAN AND UNKIND YOU ARE."

Sa bandang ibaba naman ay nag-comment ang isa pang celebrity friend ni KC na walang iba kundi ang mister ni Judy Ann Santos na si Ryan Agoncillo.

Sey ni Ryan, "Ganda mo, Baxx!"

Reply ni KC kay Ryan, "Hiyang pala ako KR (Kuya Ryan) sa lockdown."

Hindi naman lingid sa kaalaman ng marami na very close ang family ni Mega sa mag-asawang Ryan at Juday.

Pero may isa pang IG follower ni KC ang nag-comment ng… "Selos5 asawa mo."

Hala... inintriga pa nito si Ryan, huh?

***

EEric, nagpagupit ng buhok sa condo, proud na ipinost sa socmed, binash dahil pasaway sa social distancing

Kanina ay sumalang nang live ang aktor-direktor na si Eric Quizon sa Quarantine Chikahan ng celebrity photographer na si Raymond Isaac sa kanyang Facebook page.

Muling nag-apologize si Eric sa publiko, especially sa follower niya sa Quarantine Chikahan na isang nurse, dahil sa ipinost niya sa Instagram account na isang piktyur habang nagpapagupit siya sa loob ng kanyang condominium sa Libis, Quezon City.

Tiniyak ni Eric na in-observe naman nila ng nanggupit sa buhok niya ang social distancing at paghuhugas ng alcohol.

"I had a haircut at home. Apologies. I couldn't resist anymore. Thank you @masterjun_parcerosalon for going out of your way to cut my hair. Embracing my salt and pepper.

#donotfollowmyexample #staysafe #saltandpepper #saltandpepperhair #gupit sa bahay," caption ni Eric sa kanyang ipinost na piktyur.

Sa kabila ng paghingi ni Eric ng paumanhin sa kanyang caption, may nag-react pa rin na netizens sa ginawa niyang pagpapagupit sa kanyang condo.

Sey ng netizen, "6 feet distance, sana 'di mo na dinisplay sa social media, you're violating social distancing."

Post naman ng isang follower ni Eric na nagpakilala pa na isang frontliner (nurse), "Goodmorn po....

Please be careful in posting like this. Others may follow and break the protocol of getting out and going for home service haircut… let's stop the virus to spread. God bless… frontliner nurse here."

Sinang-ayunan pa ito ng isa pang follower ni Eric sa kanyang Instagram, "Yes,... so disappointing.

Sana hindi na nag-post kahit nagpagupit. Tapos sasabihin na 'wag gayahin. Haay.."

Pero meron naman ding nag-comment na gusto ring gayahin si Eric na magpagupit ng buhok sa loob ng bahay.

Sey naman ng celebrity friend ni Eric sa IG na si DJ Durano, "'Yun, oh. Batang-bata@eric_quizon."

Sey naman ng isa pang netizen, "You never change Eric Quizon. You're still handsome. I remember you at the Zu Shangri La Makati. You gave me drinks many times."

Sonny Parsons ng Hagibis, inatake habang nagmo-motor, patay

Julie Bonifacio / Winner

Ceasefire muna sa mga nagpasara sa ABS-CBN…

Bea, Kim, Coco, Angelica at Boy, biglang-kambiyo, todo-post ng pagmamahal sa madir

Break muna ang Kapamilya stars na sina Bea Alonzo, Kim Chiu, Angelica Panganiban, Boy Abunda at Coco Martin sa pagpo-post ng kanilang "rant" tungkol sa ABS-CBN shutdown sa social media today.

Bagkus, nagkani-kanya sila ng post ng picture with their respective moms and greetings in celebration of Mother's Day.

Ipinost ni Bea ang piktyur nila ng mommy niya na si Mary Anne Ranollo kung saan magkapareho ang suot nila na white t-shirt at maong shorts.

Caption ni Bea, "If there is anything this crisis is teaching me, it is to appreciate and be grateful for the people in my life who matter. Kayo ang yaman ko."

Nagpasalamat si Bea sa Diyos na healthy at safe ang kanyang ina.

"Happy Mother’s Day, Ma," bati pa rito ni Bea.

"I would never trade that smile for anything in this world."

Sa huli ng kanyang caption ay binati rin ni Bea ang iba pang mga nanay.

"Happy Mother’s Day to all the moms. Sana’y ligtas kayo at kasama n'yo ang inyong pamilya."

Same naman ang ginawang pagbati ni Angelica for her mom sa kanyang Instagram account.

"Happy Mother’s Day Mama. I love you," pagbati ni Angelica.

Gayundin naman si Coco, simple lang ang mensahe niya ng pagbati ng "Happy Mother's Day" sa kanyang IG account.

But unlike Bea and Angelica na kasama ang kanilang ina, ang Lola Matilde ni Coco ang kasama niya sa piktyur na ipinost niya. Ang piktyur nina Coco at Lola Matilde niya ay kuha sa Tokyo Disneyland trip nila.

It's a common knowledge naman na ang Lola Matilde niya ang nag-alaga at nagpalaki kay Coco.

Nakaka-touched naman ang ipinost ni Kim na piktyur ng kanyang ina na si Louella Yap Chiu na naka-frame and nakadikit sa pader at napapaligiran ng malalaki at makukulay na bulaklak.

"Happy Mother's day, Mama!!! Thank you for that comforting dream I had last night! Yes I will be strong! I will and will forever make you proud! Kita ta puhon. Happy Mother's Day everyone!!!"

Last but not the least, ang madamdaming pag-alala naman ng King of Talk na si Kuya Boy Abunda ang nasulyapan namin na ipinost niya sa kanyang Facebook account.

Sa piktyur ni Kuya Boy na nakahilig siya sa bandang tiyan ng kanyang ina ay nakasulat din ang mensahe at pagbati niya sa lahat ng mga ina.

"Everyone in this world is a child of a mother! Make her proud! It's the best way to love her," mensahe ni Kuya Boy.

Tulad ni Kim, yumao na rin ang ina ni Kuya Boy na si Licerna "Nanay Lesing" Romerica Abunda last December, 2019. At ngayong Mother's Day ang unang taon na hindi niya kasama physically si Nanay Lesing.

Bagama't ilang buwan na ang nakalipas, iniinda pa rin ni Kuya Boy ang sakit ng pagkawala ng kanyang ina.

***

SONNY PARSONS NG HAGIBIS, INATAKE HABANG NAGMO-MOTOR, PATAY

Isa na namang nakakalungkot na balita para sa showbiz industry ang pagkawala ng miyembro ng sikat na all-male group na Hagibis at action star na si Sonny Parsons.

As of this writing, nagsimula nang mag-circulate ang balita tungkol sa pagyao ni Sonny.

Mula sa Facebook account ng miyembro ng banda noong 80s, ang Boyfriends, na si Bob Guzman, ipinost niya ang sinapit ni Sonny.

"Just got a call from Male Rigor ng VST. He was informed by Sampaguita that Sonny Parsons HAGIBIS had a heart attack in Batangas, naka-big bike but unfortunately he passed away. Let's offer a prayer for his eternal rest," post ni Bob.

Nakuha raw ni Bob ang message mula sa kasamaham din niya sa Boyfriends na si Gary Ariola. At napag-alaman naman ito ni Gary mula kay Male Rigor na member ng sikat na banda rin noong dekada '80, ang VST & Co..

Pakikiramay po sa mga naiwan ni Sonny Parsons.