Negang-nega sa netizens sa pagtatanggol sa ABS-CBN… Coco, nakahanap ng kakampi laban sa mga bashers

Erlinda Rapadas / Teka Nga

To the rescue si Michael de Mesa kay Coco Martin na sinentruhan ngayon ng mga banat ng mga bashers matapos maging sobrang emosyonal ang bida sa Ang Probinsyano dahil sa biglaang pagpapahinto ng National Telecommunications Commission sa ABS-CBN last week para mag-broadcast dahil sa expired na prangkisa.

To the highest level at umuusok sa galit si Coco sa mga taong nasa likod ng NTC. Hindi raw ito makatarungan at isang tahasang pagsikil sa press freedom.

Nag-aalala si Coco para sa 11,000 na empleyado ng ABS-CBN na nawalan ng hanapbuhay. Paano na raw ang mga pamilya ng mga ito?

Buwelta ng ilang netizens kay Coco, emote siya nang emote, eh, hindi raw muna inalam kung ano talaga ang problema/pagkukulang ng ABS-CBN kaya naipasara. Pati Pogo (Philippine Offshore

Gaming Operator), idinawit pa niya sa usapin ng ABS-CBN.

Ang magaling na aktor na si Michael de Mesa na kasama ni Coco sa Ang Probinsyano ang nagtatanggol ngayon sa aktor.

Aniya, napakabait at matulungin ni Coco sa mga maliliit na manggagawa sa pelikula at marami siyang natulungan sa Ang Probinsyano.

Sa tagal na nilang magkasama sa serye na umabot na nga sa halos limang taon sa ere, nakilala na nang husto ni Michael ang ugali ni Coco at naging matalik na silang magkaibigan.

Kaya kung may mga namba-bash man ngayon kay Coco Martin, masuwerte pa rin siya dahil may mga totoong kaibigang handang dumamay, sumuporta at magtanggol sa kanya.

Coleen, dinugo dahil sa stress sa COVID-19

Erlinda Rapadas / Teka Nga

Lorna at Boy, napaghandaan na ang pagsasara ng ABS-CBN

Kung saka-sakali na magtatagal pa ang ating pakikibaka sa COVID-19 at hindi na maibabalik sa dati ang normal nating pamumuhay, may nakahanda nang Plan B sina Lorna Tolentino at King of Talk Boy Abunda na magiging fallback nila kapag hindi na sila gaanong aktibo sa showbiz.

Balak ni Lorna na mag-full-time na sa pagpa-farm sa nabili niyang lupa at plano niyang dagdagan ang mga gulay at prutas doon. Nai-enjoy naman ni LT ang buhay sa farm.

Samantala, ang TV host namang si Boy ay may nabili ring property sa Lipa, Batangas. Nagtayo na siya roon ng rest house.

Ngayon, gusto niya na mag-full-time na sa farming at ito muna ang aasikasuhin niya hangga't nakasara pa ang ABS-CBN at may COVID pandemic, plus may enhanced community quarantine pa.

Gustung-gusto ni Kuya Boy ang farming at sa kanyang resort siya pumupunta kapag gusto niya ng magaan at stress-free na kapaligiran.

***

DINGDONG, AMINADONG 'DI MAKALIMUTAN ANG GINAWA NILA NI RHIAN 10 YEARS AGO

Labis na ikinatuwa ng Primetime King na si Dingdong Dantes ang pagbabalik sa ere ng Pinoy version ng K-dramang Stairway to Heaven kung saan ang leading lady ay si Rhian Ramos.

Taong 2009 noong umere sa GMA-7 ang Stairway to Heaven.

Maraming viewers na sumubaybay sa love story noon nina Jodi (Rhian) at Cholo (Dingdong) ang pinaiyak ng serye.

Nakasama nila rito sina Jean Garcia, Glaiza de Castro, TJ Trinidad, Jestoni Alarcon, Sandy Andolong, Barbie Forteza at Joshua Dionisio, ganu'n din sina Jake Vargas at Joana Marie Tan.

Sina Barbie at Joshua ang gumanap noon na young Jodi at Cholo.

Sampung taon na ang lumipas pero sa tuwing maririnig ang theme song ng Stairway to Heaven na kinanta ni Faith Cuneta, muling nagbabalik sa alaala ng mga viewers ang mga unforgettable scenes nina Jodi at Cholo.

Sey nga ni Dingdong, "Very memorable sa akin ang Stairway to Heaven dahil isa ito sa mga paborito kong serye na nagawa sa GMA Network. Sa Stairway to Heaven ako nanalo ng acting award (Star Awards for Television) at naging nominee rin sa Asian TV Awards."

***

Heart, OA ang pagka-KSP, todo-yabang ng mga mamahaling damit

Todo-depensa ang mga fans at supporters ni Heart Evangelista sa mga bashers na lagi na lang pinagdidiskitahan ang mga sosyaling OOTD ng Kapuso actress.

Kung marami ang natutuwa at ginagaya ang pagiging fashionista ng misis ni Governor Chiz Escudero, meron namang nanggigigil sa inis dahil sa sobra raw ang kaartehan ni Heart. Kakain lang ng pansit canton, eh, ang OOTD pa ay aakalain mong rarampa sa Paris Fashion Show.

Gusto lang daw idispley ng aktres ang kanyang mga designer clothes. At pati raw ang mga alagang aso ni Heart, mga mamahalin din ang mga damit na ipinasusuot niya.

Well, likas na fashionista si Heart at kaligayahan na niya ang magsuot ng mga designer's outfit, bags, shoes at pati mga accessories. Wala naman siyang inagrabyadong tao at perang pinaghirapan naman niya ang kanyang ibinili.

Kasalanan ba ni Heart kung may mga mamahalin siyang gamit? At nagse-share siya ng kanyang blessings dahil regular siyang donor sa Kapuso Foundation at nagdo-donate din ng mga food packs at PPEs sa mga ospital ngayong may COVID pandemic.

***

COLEEN, DINUGO DAHIL SA STRESS SA COVID-19

Mabuti naman at itinigil na pala ni Billy Crawford ang kanyang paninigarilyo at pag-inom simula nang mabuntis ang misis niyang si Coleen Garcia. Ang doctor mismo nina Billy ang nag-advise na kung desidido na siyang maging tatay, dapat ay alisin na niya ang mga toxins niya sa katawan na dulot ng paninigarilyo at pag-inom ng alak.

Naging masunurin naman si Billy dahil gusto niyang maging healthy ang panganay nila ni Coleen.

Handa si Billy na magsakripisyo at i-give-up ang kanyang mga bisyo dahil gusto niyang maging isang mabuting ama.

Samantala, may mga nagpapayo kay Coleen na iwasang malungkot at ma-depressed dahil hindi ito maganda sa isang buntis.

Nagkaroon ng mild spotting si Coleen sa unang semester dahil na-depressed siya nang lumaganap ang COVID pandemic kaya advise sa kanya ng kanyang OB Gyne ay mag-relax-relax lang.

Kung totoong concerned daw, kesa magtatalak... Coco, hinamon ng netizens na bigyan ng ayuda ang mga

Erlinda Rapadas / Teka Nga

May hamon (at mabigat na challenge) ang mga netizens kay Coco Martin a.k.a. Cardo Dalisay na sobrang nagpakita ng galit nang magsara ang ABS-CBN. Kung totoo raw sa loob ng aktor ang pakikisimpatya sa libu-libong empleyado ng Dos na nawalan ng trabaho dahil sa biglaang pagsasara ng Kapamilya Network, abonohan at bigyan daw niya ng ayudang bigas, groceries at kahit konting cash assistance ang mga ito lalung-lalo na ang maliliit na talents na kasama sa serye niyang Ang Probinsyano.

Sila talaga ang nakakaawa ngayong naka-lockdown ang ilang lugar sa bansa dahil sa COVID-19 pandemic. Sila ang literal na "no work, no pay" dahil per day ang kanilang trabaho sa teyping.

'Di bale na ang malalaking cast ng Ang Probinsyano dahil may naisubi naman ang mga ito at hindi makakaranas ng gutom tulad nina Ms. Susan Roces, Yassi Pressman, Lorna Tolentino, Rowell Santiago, Tirso Cruz III, Michael De Mesa atbp..

Kapag nagawa ni Coco na mag-share sa mga maliliit na movie workers, bayani talaga siya.

♥♥♥

Herbert, out sa showbiz, Army na

Isang simpleng lunch with his family (Tates Gana and their two kids, Athena and Harvey) ang naging selebrasyon ng 52nd birthday ni former QC Mayor Herbert M. Bautista na nagdiwang ng kanyang kaarawan ngayong May 12.

Pero siyempre, hindi siya nakalimutang batiin ng kanyang mga dating staff sa City Hall, mga malalapit na kaibigan, pamilya, kamag-anak, mga kasamahang artista at ganoon din ng mga kaibigang entertainment press.

Maging ang mga kapwa niya reservist sa Army ay nagpaabot din ng pagbati kay dating QC Mayor Bistek. Ang mga residente ng iba't ibang distrito ng Kyusi ay nagpaabot din ng pagbati kay Bistek.

Isang army reservist si Herbert na may ranggong Brig. General at ngayon ay nasa active duty na at tumutulong sa panahon ng COVID pandemic.

Nanghihinayang naman ang kanyang mga fans dahil natigil pansamantala ang serye nina Liza Soberano at Enrique Gil kung saan may special role si Bistek kasama ang younger brother na si Councilor Hero Bautista.

May guest role rin sila ni Harlene Bautista sa movie na Fusion na first directorial job ni Hero.

Well, sa gitna ng anumang krisis, tuloy ang buhay para kay Brig. General Herbert na kilalang superhero bilang si "Kumader Bawang".

♥♥♥

May sariling fundraising project si Drew Arellano para makalikom ng kanyang ido-donate sa mga health workers at frontliners.

Para sa kanyang Drew's Closet, nag-solicit si Drew sa mga kapwa niya Kapuso stars ng kanilang pre-loved stuff na puwedeng i-auction o ibenta.

Unang-unang nag-donate ay ang Kapuso Primetime King na si Dingdong Dantes. Kapag para sa charity projects ay laging nangunguna sa pagbibigay si Dingdong. Bukod pa rito ay meron ding ibang charities na tinutulungan si Dingdong at ang misis niyang si Marian Rivera. Sa Drew's Closet, may mga gamit din sila ng kanyang misis na idinoneyt for auction.

Ang kikitain sa project na ito ni Drew ay itutulong nila sa mga taong nangangailangan, ganoon din sa ilang ospital na kapos sa PPEs at medical kits.

Halos lahat ng GMA Artists ay kumikilos ngayon at nagpa-fundraising upang makatulong sa mga taong apektado sa COVID pandemic. Naririyan ang grupo ng Healing Hearts, ng Alalay sa Nanay, Rice Up at maging ang The Clash alumni ay nagsama-sama upang makalikom ng donations.

♥♥♥

Liza, may sumbat kay Ice sa Mother’s Day

Maraming kinilig sa Mother's Day surprise ni Ice Seguerra sa kanyang lady love, ang FDCP chairperson na si Liza Diño.

Special breakfast ang inihanda ni Ice para kay Liza. Siyempre, happy naman si Mother Liza pero may hugot ito na tuwing Mother's Day lamang siya ipinagluluto ng breakfast ni Ice at maghihintay na naman siya ng susunod na Mother's Day.

Pero appreciated naman ni Chairwoman Liza ang effort ng kanyang "Love" na ipagluto siya ng breakfast.

♥♥♥

Max, ayaw manganak sa ospital

Isang registered nurse ang Kapuso actor na si Pancho Magno, ang mister ng Kapuso actress na si Max Collins.

Three months na lang ay isisilang na ni Max ang first baby nila ni Pancho at pinaghahandaan niya ito nang husto.

Nagdesisyon si Max na sa bahay na lang siya manganganak (kung kakayanin niya) with the help and assistance of a midwife at isa pang assistant na may kaalaman sa pagpapaanak.

Pinalalakas ni Max ang kanyang loob upang kayanin niya ang home birth process. Tinitiyak niyang physically fit siya upang kayanin ang panganganak in a natural way.

♥♥♥

Kahit preggy na si Diane Medina, tuloy pa rin ang pagtulong nila sa mga frontliners at sa mga apektado ng COVID pandemic lalo na 'yung mga nasa depressed areas.

Nakikipagtulungan sina Diane at Rodjun sa mga kabataang bumubuo ng Bayanihan PH na ang layunin ay maghatid ng tulong o ayuda sa abot ng kanilang makakaya.

Kahit nasa bahay lang sila dahil sa enhanced community quarantine, tuloy pa rin ang online business ni Diane kung saan nagbebenta siya ng iba't ibang items. Ang kikitain niya rito ay ipantutulong niya sa mga less fortunate na nawalan ng hanapbuhay.

Nag-iingat din naman si Diane para sa kanilang baby ni Rodjun. Hindi niya pinababayaan ang kanyang sarili at sinisiguro niyang malakas at malusog ang kanyang baby.

Samantala, tumutulong din ang mag-asawang Diane at Rodjun sa mga local manufacturers ng Personal Protection Suits (PPEs). 'Yun ay bahagi na rin ng kanilang tulong para i-promote ang mga gawang Pinoy na PPEs na isang necessity sa mga ospital bilang protection sa mga health workers.