CHR, mag-iimbestiga na sa Dacera case

ni Ronalyn Seminiano Reonico | January 5, 2021

Hustisya para sa pagkamatay ng flight attendant na si Christine Dacera ang sigaw ng Commission on Human Rights (CHR) at ayon kay Spokesperson Jacqueline de Guia, hindi maaaring ideklarang “solved” na ang naturang kaso.

Pahayag ni De Guia, “The CHR is deeply concerned and condemns the incident surrounding the death of Christine Angelica Dacera. As one of the sectors who most experience abuse, the government must ensure that greater protection be accorded to women. In this regard, CHR stands for the protection of women in all fronts of life and echoes the call for justice for her.

“This case cannot be regarded as solved until justice has already taken its due course and that the perpetrators are held to account,” dagdag pa nito.

Una rito, nagbitaw ng pahayag si Brig. Gen. Ilderbrandi Usana, PNP spokesperson, na “case solved” na ang naturang insidente dahil na-identify na umano ang mga suspek sa pagkamatay ni Dacera.

Pahayag ni Usana, “This is considered solved because the suspects have been identified and then it was resolved already by Scene of the Crime Operatives (SOCO).”

Aniya pa, "Identified na po ang mga suspects, although mayroon pa rin pong iba na maituturing na suspects, hindi lang din po sila nahuhuli pa. Pero in so far as those behind, implied naman po 'yun na kung sino 'yung mga nakasama ng biktima sa room kung saan pinagdausan 'yung party at the same time, nangyari na rin po 'yung kamatayan ng bata, eh, 'yun pong mga na-identify mismo na mga kasamahan niya po, sila po 'yung primary suspects po.

"'Yung usapin po ng solusyon ng case is dependent on identifying the persons na probably responsible po roon sa pangyayaring 'yun.”

Samantala, siniguro ng CHR na tutulong sila sa pagkamit ng hustisya sa pagkamatay ni Dacera.

Anila, “The Commission shall conduct its own investigation in coordination with local authorities to inquire about the nature of death and ensure justice for the victim.”

Yantok vs. mga pasaway sa health protocols, self-defense lang — CHR

ni Thea Janica Teh | December 7, 2020

Magsisilbi lang umanong paalala at self-defense sa mga lalabag sa health protocols ang paggamit ng yantok ng mga pulis, paglilinaw ng Joint Task Force (JTF) COVID Shield ngayong Linggo.

Ito ay matapos mabahala ang Commission on Human Rights (CHR) sa paggamit ng yantok ng mga pulis panlaban sa mga lumabag sa health protocols. Ayon kay Police Lt. Gen. Cesar Binag, head ng JTF COVID Shield, gagamitin lang din ng mga pulis ang yantok bilang panukat sa isang metrong physical distancing.

Bukod pa rito, isa rin umano itong paalala sa publiko na kung may lumabag sa patakaran at manlaban ay mapipilitan ang mga pulis na gamitin ito bilang self-defense.

Dagdag pa ni Binag, maaaring humantong sa pagkakakulong ang hindi pagsunod sa health protocols kaya dapat itong seryosohin at hindi ipagsawalang-bahala.

Samantala, pinaalalahanan naman ng CHR ang mga awtoridad na dapat isipin pa rin ng mga ito ang karapatang-pantao kahit sa panahon ng pandemya.

Tinatayang umabot na sa 439,834 ang kabuuang bilang ng kumpirmadong kaso ng COVID-19 sa Pilipinas ngayong Linggo.

Multa kesa yantok vs. pasaway sa health protocol – Locsin

ni Ronalyn Seminiano Reonico | December 5, 2020

Tutol si Department of Foreign Affairs Secretary Teddy Boy Locsin, Jr. sa isinusulong na paggamit ng yantok bilang “pagdisiplina” sa mga pasaway na lumalabag sa health protocols ngayong panahon ng pandemya at nais niyang pagmultahin na lamang ang mga ito.

Aniya, “Do what the superior races do—e.g. the Chinese. In Hong Kong and Singapore violators of health protocols are fined hundreds, even thousands of dollars.”

Nauna nang kinondena ng Commission on Human Rights ang paggamit ng “karahasan” sa pagdisiplina sa mga COVID-19 protocol violators.

Saad ni CHR Spokesperson Jacqueline Ann de Guia, "[W]e wish to caution the government against unnecessary use of force and actions that may lead to humiliation and trauma. Violence, even in its slightest suggestion, is not the best way to address the pandemic."

Ayon pa kay De Guia, "We recognize that the unknown nature of the pandemic has pushed others, including the government, into devising different, novel ways in enforcing health safety protocols so as to prevent COVID-19 infection among the population. However, the [CHR] has repeatedly stressed the importance of respecting the human rights and dignity of all as we address this health crisis.

"We stress that the pandemic is not a peace and order issue, but a public health agenda.”

Noong Biyernes, inanunsiyo ni Joint Task Force COVID-19 Shield Chief Police Lt. Gen. Cesar Binag na gagamit ng rattan sticks ang mga tauhan ng Philippine National Police (PNP) upang mapaigting ang pagsunod sa social distancing protocols ngayong holiday season.

Pahayag ni Binag, "We have what is called the 'social distancing patrol' ordered by our chief PNP Gen. [Debold] Sinas. They will have a yantok (rattan stick), one meter length. It will be used to reprimand [violators], to measure, and to hit hardheaded individuals as well."