Init sa Death Valley, French tourist dedo

ni Justine Berganio @Overseas News | August 26, 2026

Photo: Ang Death Valley sa California ang isa sa mga lugar na may mainit na temperatura na kayang umabot sa 49°C - AP

Patay ang isang 68-anyos na French tourist matapos ma-stranded sa Death Valley, California, kung saan umabot sa 46.6°C (116°F) ang temperatura.

Kinilala ang biktima na si Pierre Michel Formosa, na natagpuan ng mga pulis matapos ma-stuck sa putik ang kanilang sasakyan sa West Side Road.

Kasama ang isang French travel companion, naglakad si Formosa upang humingi ng tulong. Ngunit matapos ang tinatayang 1.3 milya o mahigit 2 kilometro, hindi na niya kinayang magpatuloy dahil sa matinding init.

Nakapagpa-hinto ng isang motorista ang kanyang kasama at nakahingi ng tulong. Kalaunan, natagpuan ng mga ranger at pulis si Formosa, na idineklarang patay sa lugar.

Ayon sa National Park Service, coroner ang tutukoy sa sanhi at paraan ng kanyang pagkamatay.

Kasalukuyang may extreme heat warning sa Death Valley, na kilala bilang “hottest place on Earth.” Naitala rito ang temperaturang 57°C (134°F) noong 1913.

Samantala, nagbabala ang National Weather Service na mararanasan ng Southern California ang pinakamainit na linggo ng tag-init ngayong taon.

Libu-libong tao sa California, lumikas dahil sa wildfire

ni Eli San Miguel @Overseas News | September 12, 2024

Tatlong malalaking wildfire sa kabundukan sa silangan ng Los Angeles, Southern California, ang sumira ng maraming tahanan at nagtulak sa libu-libong tao na lumikas, ayon sa mga opisyal nitong Miyerkules.

Hindi bababa sa 12 katao, karamihan ay mga bumbero, ang ginamot dahil sa mga pinsalang dulot ng sunog. Gayunpaman, wala pang naiulat na nasawi.

Mahigit 600 bumbero ang nakapagpigil sa pagkalat ng sunog nitong Miyerkules, sa kabila ng malalakas na hangin na nagpahinto sa mga eroplanong nagbubuhos ng fire retardant. Pagsapit ng gabi ng Miyerkules, nasa 30% na ang kontrol sa sunog.

Pangalawang pinakamalakas na bagyo, inaasahang tatama sa California

ni Angela Fernando - Trainee @News | February 3, 2024

LOS ANGELES, CALIFORNIA — Inaasahang tatama ang ikalawang pinakamalakas na bagyo sa Southern California ngayong weekend.

Nagbabala ang mga forecaster na magdadala ng panganib at magdudulot ng malubhang pagbaha at pagguho ng lupa ang nasabing bagyo.

Unti-unting paglala ng ulan ang mararamdaman sa California simula ngayong Sabado, at posibleng malakas na buhos naman sa isang 300-milyang pahabang baybayin ang mararanasan sa darating na Linggo at Lunes habang kumakalat ang bagyo mula San Luis Obispo at Santa Barbara patungong timog sa mga bayan ng Los Angeles at San Diego.

Samantala, naglabas naman ang National Weather Service (NWS) ng mga babala ukol sa baha para sa buong rehiyon mula sa inaasahang malupit na buhos ng ulan na posibleng bumagsak sa loob ng 36 na oras, kasama ang malakas at pabugso-bugsong hangin.