Utang ng ‘Pinas, umakyat sa P17.71T sa pagtatapos ng 2025

by Info @Business News | February 4, 2026

File Photo

Isinara ng Pilipinas ang 2025 na may bagong record-high sovereign debt na P17.71 trilyon, ayon sa Bureau of the Treasury (BTr).

Batay sa datos na inilabas ng BTr, mas mataas ito ng P1.66 trilyon o 10.32% kumpara sa naitalang P16.05 trilyon sa pagtatapos ng Disyembre 2024.

“The increase due to the government’s strategic net issuance of debt instruments to fund development programs, as well as the valuation effects of peso depreciation against the US dollar and third currencies,” ani BTr.

Sa kabuuang utang ng bansa, nasa P12.12 trilyon ang domestic debt, habang nasa P5.59 trilyon naman ang external o foreign debt.

P1.60 taas-presyo sa diesel, P0.80 gasoline, P1.10 kerosene

ni Mai Ancheta @News | February 3, 2026

File Photo

Tataas na naman ang presyo ng produktong petrolyo ngayong Martes, Pebrero 3.

Sa hiwalay na abiso ng mga kumpanya ng langis partikular ng Chevron Philippines Inc., Seaoil Philippines Corp. at Shell Pilipinas Corp., ang presyo ng gasoline kada litro ay tataas ng P0.80; diesel P1.60 per liter; at kerosene P1.10 per liter.

Ang taas-presyo ay dahil sa mabagal na recovery ng Tengiz field sa Kazakhstan, ang mataas na banta sa premium ng Iran at ang desisyon ng OPEC+ na itigil muna ang pagtaas sa kanilang produksyon.

Ito na ang ikaapat na sunud-sunod na pagtaas sa presyo ng gasolina at parehong pang-anim na walang patid na pagtaas ng presyo ng diesel at kerosene.

‘No work, no pay’, isinusulong sa Kamara ni Rep. Sandro

by Info @Business News | February 3, 2026

Photo: Sandro Marcos / FB

‘No work, no pay sa Kamara?’

Isinusulong ni House Majority Leader Rep. Sandro Marcos ang pagpapatupad ng “no work, no pay” sa mga miyembro ng Kamara o House Bill No. 7432.

Sa ilalim ng HB No. 7432, makakatanggap lamang ng sweldo ang mga mambabatas kung makakadalo sila sa mga sesyon o opisyal na aktibidad na may kinalaman sa kanilang trabaho.

Ayon sa explanatory note ni Marcos, “This proposed legislation also provides safeguards by recognizing valid reasons for absence, such as illness or official representation duties, while penalizing misconduct and fraudulent claims.”