Igagapos, bubusalan, itatapon sa Pasig River — P-Duterte… ‘Salvage’ sa pasaway na online seller

Pinag-iingat ni Pangulong Rodrigo Duterte ang publiko sa mga online scam sa face mask kasabay ng babala niya na ipatatapon sa Ilog Pasig ang mga mapagsamantalang online sellers sa gitna ng Coronavirus Diseases 2019.

"Do not go for that kind of s**t 'yung magbili-bili kayo online, mask, tapos ka-text ninyo [na seller] is from Pampanga, from Abra. Saan man sila magkuha ng mask doon? Wala nga sa Maynila," sabi ni Pangulong Duterte sa kanyang public address.

"Dito kayo sa Maynila, sa mga holdaper, puwede pa. Puwede kayong bumili, mayroon pa ‘yang p******** stock [ng mask] iyang mga animal na iyan," wika ni Pangulong Duterte.

Kailangan umanong suriin munang mabuti ng publiko ang binibiling face mask bago magbayad sa mga online sellers.

"Do not fall for that thing na online-online. It has never been perfected and all of the scams that man could think of, that they can perpetrate on the innocent public, pinag-aaralan nila 'yan," giit ng Punong Ehekutibo.

"Ang iyo d'yan is i-deliver mo, papasukin mo sa loob iyong nagdala ng mask, talian mo. 'Pag gabi, maghanap ka ng sasakyan, ihulog mo sa Pasig River. Maraming tulay d'yan, alas-3:00 ng madaling-araw, wala nang dumadaan d'yan, maski anong ihulog mo wala nang makialam d'yan," ani Pangulong Duterte.

"Kung ako, iyan ang gawin ko sa inyo: talian ko iyong paa ninyo, pati kamay ninyo, saksakan ko iyong bunganga ninyo ng medyas niyong mabaho, 5 araw na walang laba tapos talian ko ng panyo. Ihulog kita sa Pasig," saad pa ng Punong Ehekutibo.

China Telecom bilang 3rd telco, pinalagan

Pinalusot ang House Bill No. 78 para makakawala ang telcos mula sa 60 percent Filipino ownership requirement ng Konstitusyon, ayon kay dating Supreme Court Justice Antonio Carpio.

Ang HB No. 78 ay inaprubahan ng Mababang Kapulungan ng Kongreso noong Marso 10, 2020. “That House bill, if approved by the Senate, will amend the Public Service Act to exclude telcos as public utilities which, under the Constitution, must at least be 60 percent Filipino-owned,” ayon sa retired SC magistrate.

Aniya, ang pagsususog ay magpapahintulot sa foreign investors na magmay-ari ng 100 percent ng telco companies, na nagpapahiwatig na ang China Telecom ay maaaring maging 100 percent owner ng third telco na inudyukan umano ni Pangulong Rodrigo Duterte noong November 21, 2017.

Sa kasalukuyan, ang third telco sa bansa ay iginawad sa Dito Telecommunity, isang partnership ng Davao-based Udenna consortium at ng China’s state-owned telecom.

Subalit sinabi ng dating SC justice na “Apparently China Telecom wants to come in as a majority, or even 100 percent owner, of the third telco.”

Lugi sa COVID-19 Ilang branch ng Victoria Court, isasara na

Kinumpirma ng hotelier at car racer na si Angelina Mead King ang pagsasara ng ilang mga branch ng Victoria Court na kanyang pag-aari.

Si Angie ang nagmamay-ari sa southern branches ng Victoria Court habang ang kapatid niyang si Atticus King naman ang sa northern branches.

Sa kanyang video, binanggit ni Angie ang pagkalugi na ng negosyo dahil sa COVID-19 pandemic.

Kaugnay nito, sa kanyang mensahe para sa mga empleyado ng hotel, sinabi ni Angie na naging mahirap para sa kanya ang pagdedesisyon.

Ihahanda na rin aniya ang retirement at retrenchment packages para sa mga empleyado na makatutulong sa kanila sa susunod na mga buwan.