Bureau of Immigration dinagdagan na ng 80% ang onsite NCR workforce

ni Jasmin Joy Evangelista | February 3, 2022

Dinagdagan na ng Bureau of Immigrarion (BI) ng 80% ang onsite workforce nito sa lahat ng opisina sa National Capital Region (NCR).

Ito ay inanunsiyo ni Immigration Commissioner Jaime Morente matapos isailalim sa Alert Level 2 ang NCR at iba pang probinsiya mula February 1 to 15.

Ayon kay Morente, ang mga fully-vaccinated clients ay hindi na required na mag-reserve ng slot sa online appointment system bago makapagtransaksiyon sa naturang ahensiya. Kailangan na lamang ipakita ang vaccination card dito.

“Aliens, including the fully-vaccinated, who intend to file their annual report at the BI main office in Intramuros, Manila are still required to apply slots in the online appointment system,” ani Morente.

“The online appointment requirement also applies to all unvaccinated and partially vaccinated individuals, who have businesses to transact at the BI main building,” dagdag niya.

Ang mga opisina ng BI ay bukas mula 7 a.m. hanggang 5:30 p.m. sa ilalim ng Alert Level 2.

Samantala, isinailalim din ng Inter-Agency Task Force (IATF) ang ilang lugar sa bansa sa Alert Level 2 kabilang ang Batanes, Bulacan, Cavite, Rizal, Biliran, Southern Leyte, at Basilan.

BI muling nagpaalala sa mga empleyado hinggil sa patakarang pagbabawal na mag-Tiktok

ni Jasmin Joy Evangelista | October 26, 2021

Muling pinaalalahanan ng pamunuan ng Bureau of Immigration (BI) ang mga opisyal na nakadestino sa mga international airport na huwag mag-post sa Tiktok na sumasayaw o kumakanta lalo na kung naka-uniporme ang mga ito.

Batay sa memorandum sa lahat ng BI port personnel, sinabi ni Immigration port operations chief Atty. Carlos Capulong na posibleng maharap sa administrative cases ang sinumang lalabag dito dahil sa insubordination at misconduct.

Sinabi rin ni Capulong na ipinag-utos na raw ni BI Commissioner Jaime Morente na imbestigahan ang mga lumabas na balitang mayroong BI employees na nakadestino sa Ninoy Aquino International Airport (NAIA) na patuloy na nagpo-post ng kanilang mga videos sa Tiktok na kanilang kinuha habang naka-duty at nakasuot ng official uniform.

“Our policy on the wearing of the BI uniform is clear. As public servants, employees must proudly wear their uniform at all times, present a professional image to the public and observe proper decorum and good taste in all their actions while they are on duty,” ani Morente sa kanyang inilabas na memo.

Matatandaang noong Disyembre ay sinabi ni BI Commissioner Jaime Morente na ang mga video ng mga empleyado sa TikTok habang naka-uniporme ay nagpapahina sa reputasyon ng institusyon at lumilikha ng negatibong imahe para sa mga tauhan ng ahensiya, lalo na ang mga frontline immigration officer na nakatalaga sa mga port of entry.

Lumuwag man ang quarantine protocols… Travel restrictions sa mga papasok sa bansa, tuloy pa rin

ni Jasmin Joy Evangelista | October 11, 2021

Mananatili ang general travel restrictions sa mga foreigners na papasok sa Pilipinas, ayon sa Bureau of Immigration.

Ito ay sa kabila ng desisyon ng pamahalaan na luwagan ang quarantine period para sa mga returning OFWs, balikbayans, foreign students, and workers.

Hindi pa rin daw pinapayagang makapasok sa Pilipinas ang mga foreign tourists, at ‘yung mga galing sa tinatawag na “red list” countries na nakasaad sa ilalim ng IATF Resolution No. 142, ayon kay Bureau of Immigration spokesperson Dana Sandoval.

Nakasaad sa naturang resolusyon na ang mga fully vaccinated mula sa “green” o “yellow” list countries, teritoryo, o jurisdictions ay kailangan na sumailalim sa facility-based quarantine hanggang sa makuha nila ang kanilang negative RT-PCR test.

Nagbabala naman si Sandoval sa mga airlines na magpapapasok ng mga foreigners na walang kaukulang dokumento.

Sakaling mayroong lumabag ay pababalikin daw ang mga biyaherong ito sa kanilang pinanggalingan.

Ang mga biyahero naman na makikitaan ng kahina-hinalang COVID-19 negative result o pekeng vaccination card ay pananagutin ng Bureau of Quarantine.