140 sex offenders, blacklisted sa 'Pinas

ni Eli San Miguel - Trainee @News | November 9, 2023

Tumaas na sa 140 ang bilang ng foreign sex offender na hindi pinapapasok sa Pilipinas ngayong taon, ayon sa Bureau of Immigration (BI) ngayong Huwebes.

Naitala ang kasalukuyang bilang dahil sa Amerikanong si Terry Lyn Spies, 60, na hinarang sa Ninoy Aquino International Airport (NAIA) noong Nobyembre 3.

"Naka-blacklist ang 140 RSO, pursuant to a provision in the Philippine Immigration Act which expressly prohibits the entry into the country of aliens previously convicted of crimes involving moral turpitude,” ayon kay BI Commissioner Norman Tansingco.

“Citing information provided by the US Department of Homeland Security (DHS), the Interpol’s (International Criminal Police Organization) National Central Bureau (NCB) in Manila disclosed that in November 2012 a court in Texas convicted Spies for engaging in online solicitation of a minor,” saad ng BI.

“He allegedly enticed a 14-year-old girl to meet him for ‘indecent purposes via telecommunications’ in violation of Texas’ penal code,” dagdag pa rito.

Barumbadong Amerikano, ‘di pinapasok sa ‘Pinas

ni Eli San Miguel - Trainee @News | November 9, 2023

Hinarang ang pagpasok sa Pilipinas ng isang Amerikano dahil sa 'bad manners' at paggamit ng 'expletives' sa eTravel online platform, ayon sa Bureau of Immigration (BI) ngayong Huwebes.

Kinilala ni Immigration Commissioner Norman Tansingco ang Amerikano bilang si Anthony Joseph Laurence, 34, na dumating sa Ninoy Aquino International Airport (NAIA) Terminal 3 mula sa Thailand noong Martes, Nobyembre 7.

"The passenger initially showed disdain towards the primary inspector after he was reminded to fill out the eTravel online form," sabi ni Tansingco.

Matapos asikasuhin ang eTravel form, iniulat ni Tansingco na padabog na tinapon ng Amerikano ang kanyang pasaporte at cellphone sa immigration officer sa kanyang pagbalik.

"After verifying in our system, the officer discovered that the passenger keyed in a made-up address in the Philippines, did not include his full name, and inputted profane words in his entry," dagdag ni Tansingco.

Binanggit din niya na pinapayuhan ang mga immigration officer sa airport na magpakita ng maximum tolerance sa lahat ng mga pasahero, ngunit sumobra na sa limitasyon ang Amerikano.

Chinese at South Korean fugitives, timbog — BI

ni Angela Fernando - Trainee @News | November 8, 2023

Inanunsyo ng Bureau of Immigration (BI) ngayong Miyerkules na kanilang inaresto ang dalawang fugitive mula sa China at South Korea sa magkasunod na operasyon.

Arestado sa operasyon ang Chinese na si Guo Shangming sa Paco, Manila nu'ng Martes at sa bandang Intramuros naman naaresto ang South Korean na si Hyeong Jinwoo.

Pahayag ni Immigration Commissioner Norman Tansingco, huwag gawing breeding ground ang Pilipinas para sa mga krimen at nagbabala ito na gagawin nila ang lahat para makamit ang hustisya.

Napag-alamang sangkot si Guo sa ilegal na pamamaraan ng paniningil ng utang at si Hyeong naman ay miyembro ng voice phishing syndicate sa Maynila.

Itinuturing na "undesirable aliens" ng BI ang dalawang naaresto.