Magsayo vs. Vargas, magsasagupa sa Texas

ni GA - @Sports | May 2, 2022

Pormal nang itataya ni newly-crowned WBC featherweight champion Mark “Magnifico” Magsayo ang kanyang titulo sa unang pagkakataon kontra kay undefeated Mexican boxer at dating WBC super-bantamweight titlist Rey Vargas sa Hulyo 9 sa Alamodome, San Antonio, Texas.

Tatangkain ng 26-anyos mula Tagbilaran Bohol na maipagtanggol ang titulo matapos talunin ang dating kampeon na si Gary Russel, Jr. nu'ng Enero 22 sa Borgata, Atlantic City, New Jersey. Nagsimula nang sumabak sa pagsasanay si Magsayo sa ilalim ng gabay ni legendary Hall of Famer trainer Coach Freddie Roach sa Wild Card Gym sa Los Angeles, California sapul nang magbalik mula sa bakasyon sa Pilipinas noong isang buwan, kung saan tumagal ng dalawang taong pamamalagi ito sa U.S.

“The championship showdown between WBC Featherweight World Champion Mark “Magnifico” Magsayo and unbeaten former world champion Rey Vargas which headlines action live on SHOWTIME Saturday, July 9 from the Alamodome in San Antonio, Texas in a Premier Boxing Champions event. Tickets for the live event, which is promoted by TGB Promotions, go on sale Wednesday, April 27 at 12 p.m. CT and are available through Ticketmaster.com,” ayon sa inilabas na release ng Showtime Boxing.

Hindi lingid sa kaisipan ng kampo ni Magsayo (24-0, 16KOs) na sunod nilang kakaharapin ang Mexican warrior dahil naudlot lamang ang paghaharap nina Russel (31-2, 18KOs) at Vargas (35-0, 22KOs) matapos magtamo ng broken leg ang 31-anyos na Mexican boxer na nagbigay-daan para lumaban ang Filipinong kampeon.

Boxing: Alvarez at Usman, nagkainitan

ni MC - @Sports | May 1, 2022

Nagpalitan ng maaanghang at maiinit na salita ang dalawang pound-for-pound fighters sa kani-kanilang sports sina undisputed super-middleweight at light-heavyweight boxing champion Saul “Canelo” Alvarez at UFC welterweight titlist Kamaru “The Nigerian Nightmare” Usman matapos simulang humirit ng manager ni Usman na si Ali Abdelaziz sa social media.

“Canelo is an absolute chicken. He is fighting guys with 5000 followers on Instagram, these guys will never do nothing for his legacy. Now I understand why he doesn’t wanna lose to someone like (Usman), this is chicken style, no risk — no reward,” wika ni Abdelaziz sa Twitter account.

“Who the f*** is this?” tugon ni Canelo sa tweet kasama ang laughing emojis.

Mas lalong pang tumindi ang mga binitawang akusasyon ni Abdelaziz patungkol sa mga pag-iwas ni Alvarez na labanang muli si Genndy “GGG” Golovkin.

“You know who I am, you know what’s the difference between you and @USMAN84kg? You’ve been ducking GGG for 2 years now, but Kamaru have fought everybody UFC threw at him. I’m being very nice to you, because it’s Ramadan.”

Samantala, inanunsiyo ng Prime video at ng ONE Championship ang isang multi-year agreement para mai-broadcast nang live ang MMA event kada taon.

Ang full live events ay eksklusibong available sa Prime Video ng U.S. at Canada. Ang unang event ay iaanunsiyo sa huling bahagi ng taon.

Ang ONE ngayon ang itinuturing na pinakamalaking martial arts organization at top five global sports property para sa viewership at engagement. Itinatampok ng ONE events ang iba't ibang kategorya ng martial arts, kung saan pawang mga world-class athletes ang sumasabak mula sa 80 mga bansa mula sa mundo ng MMA, Muay Thai, kickboxing, submission grappling, at iba pang disiplina.

Ikinagalak ito ni Chatri Sityodtong, ang Chairman at CEO ng ONE Championship, “ONE Championship is thrilled to work with Prime Video, one of the largest premium sports content providers in the world."

Samantala, ipinagmalaki rin ni Marie Donoghue, ang Vice President of Global Sports Video at Amazon ang proyekto.

GAB, pinaimbestigahan ang isyu ni Casimero

ni MC - @Sports | April 22, 2022

Kagyat na ipinag-utos ni Games and Amusements Board (GAB) Chairman Abraham ‘Baham’ Mitra ang masinsin na imbestigasyon hinggil sa ipinataw na kaparusahan ng British Boxing Board of Control (BBBofC) laban sa Pinoy boxing champion na si John Riel Casimero.

Nitong Miyerkules, ipinag-utos ni Mitra sa GAB Boxing and Other Contact Sports Division na magsagawa ng ‘independent investigation’ upang matukoy kung tama ang naging desisyon na alisin si Casimero sa nakatakdang boxing promotion, bunsod ng paglabag sa ‘medical guidelines’ ng boxing association.

Nakatakdang idepensa ni Casimero ang WBO bantamweight title laban sa hometown challenger na si Paul Butler sa Liverpool, England sa Biyernes (Sabado sa Manila). Ngunit, tinanggal sa boxing card si Casimero dahil umano sa paggamit nito sa sauna bago ang opisyal na weigh-in na isa umanong paglabag sa boxing regulation.

Ipinarating ng BBBofC ang naging desisyon sa manager ni Casimero na si Mr. Egis Klimas. “As the country’s pro boxing regulatory agency, we strongly condemn and discourage the commission of any illegal acts or violation of boxing rules. We will surely look into this and summon Mr. Casimero and his team to shed light on the issue,” pahayag ni Mitra.

Orihinal na nakatakda ang laban ni Casimero kay Butler nitong Disyembre 2021, ngunit naunsiyami matapos magtamo ng viral gastritis ang Pinoy champion. Binawi ang naturang korona kay Casimero, subalit naibalik din kalaunan matapos mapatunayan ng WBO na nagtamo ng karamdaman si Casimero.

Ipinalit ng WBO si Jonas Sultan, pambato ng Zamboanga del Norte, kay Casimero para sa interim WBO bantamweight title fight kontra Butler.

Naging ganap na world title contender si Sultan nang labanan ang kababayan ding si Jerwin Ancajas para sa IBF belt noong 2018. Nagawa naman niyang gapiin si Casimero sa world title eliminator.