P-BBM, balik-bansa mula sa Vietnam

ni Eli San Miguel - Trainee @News | January 31, 2024

Natapos na ang state visit sa Vietnam ni Pangulong Ferdinand Marcos Jr. at bumalik na sa Pilipinas nitong umaga ng Miyerkules.

Ayon sa Palasyo, umalis si Marcos sa Vietnam alas-10:53 ng gabi noong Martes at dumating sa Villamor Airbase sa Pasay City alas-3:30 ng madaling-araw ngayong Miyerkules. Mas maaga ng isang oras ang Pilipinas kaysa sa Vietnam.

“We discussed areas of cooperation including defense, maritime, trade and investment, economics, education, tourism, and culture. We also witnessed the exchange of several agreements, including on rice, agriculture, culture, and maritime cooperation,” pahayag ni Marcos sa isang video sa Facebook.

“I also met with other leaders of Vietnam. The Prime Minister of Vietnam and the Chairman of Vietnam’s National Assembly. We discussed the strengthening of bilateral relations to people-to-people exchanges, parliamentary cooperation, and many other areas of collaboration,” dagdag niya.

Sa pagbisita ni Marcos, ilang kasunduan ang nilagdaan, kabilang ang isang 5-taong kasunduan kung saan mag-i-import ang Pilipinas ng hanggang 2 milyong metrikong tonelada ng bigas kada taon mula sa Vietnam.

Nilagdaan din ang mga kasunduang pangdepensa upang maiwasan ang mga pangyayaring magdadala ng tensyon sa South China Sea.

Resbak ni P-BBM: Ex-P-Duterte, gumagamit ng fentanyl

ni Eli San Miguel - Trainee @News | January 29, 2024

Inakusahan ni Pangulong Ferdinand Marcos Jr. ngayong Lunes na gumagamit umano ang dating pangulong Rodrigo Duterte ng fentanyl.

“I think it’s the fentanyl. Fentanyl is the strongest painkiller you can buy. It is highly addictive, and it has very serious side effects, and PRRD has been taking the drug for a very long time now,” sabi ni Marcos sa Pasay.

Noong Linggo, matatandaang sinabi ni Duterte na umano’y nasa government drugs watch list si Marcos.

Tumawa naman si Marcos nang tanungin kung gumagamit siya ng ilegal na droga, at sinabi na hindi niya ito sasagutin nang may dignidad.

Marcos, wala sa drug watchlist — PDEA

ni Eli San Miguel - Trainee @News | January 29, 2024

Nilinaw ng Philippine Drug Enforcement Agency (PDEA) ngayong Lunes na hindi kailanman nasama si Pangulong Ferdinand Marcos sa watchlist ng pamahalaan para sa ilegal na droga.

Noong nakaraang Linggo, kontrobersiyal na ipinahayag ng dating pangulo Rodrigo Duterte na gumagamit ng ilegal na droga si Marcos sa isang prayer rally laban sa charter-change sa Davao. Sinabi ni Duterte na noong alkalde pa siya, ipinakita sa kanya ng PDEA ang ebidensiyang kasama si Marcos sa kanilang listahan ng mga sangkot sa droga.

“The Philippine Drug Enforcement Agency categorically states that President Ferdinand R. Marcos, Jr is not in its watchlist, contrary to the statement of former President Rodrigo Duterte, claiming that ‘when he was the Mayor of Davao, he was shown evidence by PDEA that in the list, the name of the president was there’,” sabi ng PDEA sa isang pahayag.

Sinabi ng PDEA na naging alkalde ng Davao si Duterte mula 1988 hanggang 1998, 2001 hanggang 2010, at 2013 hanggang 2016, ngunit itinatag lamang ang ahensiya noong 2002.

Gayunpaman, binigyang-diin ng PDEA na may sariling narco-list si Duterte nang maging pangulo siya noong 2016. Iginiit ng ahensya na ito'y simpleng pagkumpirma ng listahan ni Duterte, na naging Inter-Agency Drug Information Database.

“The name of President Marcos is also not in the said list. Based on all the foregoing facts, the PDEA asserts that President Marcos Jr. is not and was never in its watch list,” saad ng PDEA.

Ngunit hindi nagtapos sa alegasyon ng ilegal na droga ang pag-atake ng mga Duterte kay Marcos.

Sinabi rin ng kasalukuyang alkalde ng Davao at anak ng dating Pangulong Duterte na si Sebastian Duterte, kay Marcos na mag-resign kung wala siyang pagmamahal at pangarap para sa bansa.