Panghuhuli sa pasaway na e-bike, e-trike, stop — PBBM

ni Eli San Miguel - Trainee @News | April 18, 2024

Iniutos ni Pangulong Ferdinand "Bongbong" Marcos Jr. na magbigay ng palugit sa pagbabawal sa ilang mga electric vehicle sa national road.

Sa isang pahayag na inilabas nitong Huwebes, sinabi ni Marcos na inutusan niya ang Metropolitan Manila Development Authority (MMDA) at mga lokal na pamahalaan sa Metro Manila na magbigay ng grace period para sa mga e-bikes, e-trikes, at iba pang apektadong sasakyan na patuloy na gumagamit ng mga national roads sa Metro Manila.

Hindi niya ibinigay ang eksaktong petsa o panahon para sa palugit.

“Ang sakop ng grace period ay hindi pag-ticket, pag-multa, at pag-impound ng mga e-trike,” ani Bongbong.

“Kung paparahin man sila, ito ay upang maayos na maituro ang mga kalsadang maari nilang gamitin, pati na ang pagpapaalala ng mga bagong patakaran na ipinapatupad upang paigtingin ang kaligtasan at kaayusan sa mga lansangan,” dagdag niya.

Nagsimula noong Abril 15 ang pagbabawal sa mga tricycle, puschart, pedicab, kuliglig, e-bike, e-trike, at mga mababang klase ng electric vehicles (EVs) sa mga 20 national roads sa Metro Manila.

P-BBM isa sa "100 Most Influential People of 2024” ng Time Mag

ni Angela Fernando - Trainee @News | April 18, 20244

Nakapasok si Pangulong Ferdinand "Bongbong" Marcos Jr. sa "100 Most Influential People of 2024" ng Time Magazine.

Kinilala rin ng Time ang mga pagsisikap ni Marcos sa pagbangon ng ekonomiya matapos ang pandemyang dala ng COVID-19 at kung paano muling itinaas ng presidente ang 'Pinas.

Binanggit din ang Chief Executive sa kanyang posisyon sa West Philippine Sea (WPS) sa gitna ng tumataas na tensyon sa nasabing rehiyon.

"Bongbong has stood steadfast against Chinese aggression in the disputed South China Sea and bolstered his nation’s alliance with the U.S. in the face of “rising tensions in our region and the world,”" saad sa artikulo ng Time patungkol kay Marcos.

Tinapos ang artikulo sa kung paano sinusubukan ni Marcos na baguhin ang tingin sa pangalan ng kanilang pamilya kasabay ng paghuhubog nitong muli sa bansa.

P-BBM, Liza Marcos nagdiwang ng kanilang ika-31 na anibersaryo

ni Angela Fernando - Trainee @News | April 17, 20244

Nagdiwang ang Pangulo Ferdinand "Bongbong" Marcos Jr. at First Lady Liza Araneta-Marcos ng kanilang ika-31 na anibersaryo nitong Miyerkules.

Nag-post sa Instagram ang First Lady ng isang collage ng kanilang mga larawan na kuha noong Abril 1993, Abril 2018, at Abril 2024 na may caption na "Happy 31st anniversary!!"

Sinundan naman ito ng post ni Marcos na binabati ang kanyang asawa ng “Happy Anniversary” kadikit ng kanilang mga collage photos na may caption na "Thank you for a wonderful 31 years of marriage."