Gobyernong Marcos, uutang ng P2.57T

ni Eli San Miguel - Trainee @News | April 30, 2024

Itinaas sa P2.57 trilyon ng rehimen ni Marcos ang plano nitong utangin para sa kasalukuyang taon dahil sa mas malaking kakulangan sa pondo kaysa sa unang halagang inasahan nito.

Nagpapakita ang mga pigura na inilabas ng Department of Finance (DOF) na mas mataas ng 4.47 porsyento ang planong utangin ngayon kaysa sa naunang 2024 borrowing program na P2.46 trilyon.

Magdudulot ng pagtaas sa porsyento ng debt-to-GDP na hanggang 60.3 ang mas malaking borrowing plan para sa 2024, na mas mataas pa rin kaysa sa 60-porsyentong limitasyon na itinuturing na kayang panghawakan ng mga credit rating agencies.

Samantala, inaasahan na mananatiling mataas ang interes sa loob ng mahabang panahon dahil sa patuloy na mataas na inflation.

P-BBM, siniguro ang investment sa Cebu

ni Angela Fernando - Trainee @News | April 28, 2024

Siniguro ni Pangulong Ferdinand Marcos Jr. ang buo at solid na mga investment sa Cebu bilang pangunahing daan sa pag-unlad at pagpapalago ng ekonomiya sa 'Pinas.

Ibinahagi ni Marcos ang potensyal na P1.5-bilyong investment ng Megaworld na magdadala ng mas maraming trabaho at pamumuhunan sa Cebu.

Sinabi niya ito sa ginanap na Capsule Laying Ceremony ng Mactan Expo Center sa Lapu-Lapu City.

“The government, for its part, will also continue to invest in its success, which is why in 2024, the DPWH is funding about P2.9 billion in infrastructure projects here in Lapu-Lapu City alone,” saad pa ni Marcos.

Samantala, kasama sa mga nasabing proyektong pinangungunahan ng Department of Public Works and Highways (DPWH) ang pagpapalawak ng mga daanan, na makakatulong para sa suliranin sa trapiko sa mga pangunahing kalsada tulad ng Mactan Circumferential Road at Mactan.

Kasunduan sa WPS, inabandona ng administrasyong Marcos — China

ni Angela Fernando - Trainee @News | April 19, 20244

Binigyang-diin ng China sa isang pahayag na merong “internal understanding” at bagong modelo ang kanilang bansa kasama ang 'Pinas upang mabawasan ang tensyon sa Ayungin Shoal sa West Philippine Sea (WPS), ngunit inabandona ito ng administrasyon ng Presidente Ferdinand "Bongbong" Marcos Jr. pitong buwan matapos ang nasabing kasunduan.

Ang pahayag na ito, ay inilabas ng Chinese Embassy sa Maynila nu'ng Huwebes, isang linggo matapos na kinumpirma ng Beijing at dating Pangulong Rodrigo Duterte na mayroon silang "gentleman's agreement" upang panatilihin ang "status quo" sa WPS, na ang kanyang pamahalaan ay pumayag sa mga hirit ng China na hindi kumpunihin o palakasin ang outpost ng militar sa Ayungin - ang sira-sirang barko ng Ikalawang Digmaang Pandaigdig na BRP Sierra Madre.

Ayon sa pahayag, hindi naging lihim ang nasabing kasunduan dahil kinikilala ito ng mga kaukulang ahensya ng parehong panig upang mapanatili ang kapayapaan sa nasabing lugar.