Maraming bahagi ng 'Pinas, makararanas ng pag-ulan

ni Eli San Miguel - Trainee @News | November 21, 2023

Posibleng magpatuloy ang scattered light rains sa maraming bahagi ng Luzon at bahagi ng Visayas at Mindanao dahil sa shear line at northeast monsoon o "amihan," ayon sa Philippine Atmospheric, Geophysical and Astronomical Services Administration (PAGASA) ngayong Martes.

Sinabi ng PAGASA na inaasahan ang cloudy skies with scattered rain showers and thunderstorms sa Bicol Region, Oriental Mindoro, Occidental Mindoro, Marinduque, Romblon, Palawan, Visayas, Zamboanga Peninsula, Basilan, Sulu, at Tawi-Tawi dahil sa shear line—ang lugar kung saan nagtatagpo ang cold northeasterly winds at warm easterlies.

Pinalalahanan ang publiko sa posibleng flash floods o landslides dahil sa umiiral na katamtaman hanggang malakas na pag-ulan sa mga apektadong lugar.

Dahil sa amihan, magkakaroon ng cloudy skies with light rains sa Cagayan Valley at Quezon, habang partly cloudy to cloudy skies with isolated light rains ang mararanasan sa Metro Manila at iba pang bahagi ng Luzon.

Magkakaroon din ang ibang bahagi ng Mindanao ng partly cloudy to cloudy skies with isolated rain showers dahil sa localized thunderstorms.

Bagyong Jenny at habagat, joint forces

ni Mai Ancheta @News | October 2, 2023

Lalong lumakas ang tropical storm Jenny na magdadala ng mga pag-uulan sa ilang bahagi ng Central at Southern Luzon, Visayas at Mindanao sa susunod na tatlong araw.

Batay sa inilabas na abiso at pagtaya ng Philippine Atmospheric, Geophysical and Astronomical Services Administration (PAGASA), magpapatuloy ang pagpapalakas ng

Bagyong Jenny sa habagat na magdadala ng pag-ulan.

Naispatan ang bagyo sa silangang bahagi ng Tuguegarao City sa Cagayan na may lakas na hanging 95 kilometers per hour hanggang 115 kph.

Posibleng itaas ang wind signal sa Northern Luzon sa sandaling maabot ni Jenny ang typhoon category.

Nilinaw naman ng PAGASA na hindi direktang tatama ang bagyo sa bansa subalit aasahang magdadala ito ng malakas na mga pag-ulan sa Batanes, Babuyan Islands, at hilagang bahagi ng Cagayan at Apayao sa Martes o Miyerkules.

Ayon sa PAGASA, palalakasin ng Bagyong Jenny ang habagat na magdadala ng mga pag-ulan sa bahagi ng Palawan at Occidental Mindoro sa susunod na tatlong araw, habang malakas na hangin naman ang mararanasan sa Romblon at sa Visayas.

Bagyong Jenny, hahataw

ni Mai Ancheta @News | September 30, 2023

Inaasahang magiging maulan ang weekend dahil sa pagpasok ng Bagyong Jenny sa bansa.

Ayon sa Philippine Atmospheric Geophysical and Astronomical Services Administration (PAGASA), nakapasok sa Philippine Area of Responsibility (PAR) ang low pressure area sa silangang bahagi ng Central Luzon.

Ang Bagyong Jenny ang ika-10 tropical cyclone na pumasok sa bansa ngayong taon.

Inaasahang magdadala ang bagyo ng mga pag-ulan sa hilagang bahagi ng Visayas at Mindanao habang ang habagat naman ay magdadala ng mga pag-ulan sa Southern Luzon at Visayas.