Papasok sa Baguio, oks nang walang medical certificate

ni Ronalyn Seminiano Reonico | February 15, 2021

Hindi na kailangang magpakita ng medical clearance/certificate ang mga traveler-residents mula sa munisipalidad ng La Trinidad, Itogon, Sablan, Tuba at Tublay (LISTT) na papasok sa Baguio City, ayon sa inilabas na bagong Executive Order ni Mayor Benjamin Magalong na epektibo simula sa February 16.

Sa ilalim ng naturang EO 21, series of 2021, ang mga papasok sa Baguio para sa work-related purposes ay hindi na required magsumite ng negative antigen o RT-PCR test results.

Pahayag din ng Public Information Office (PIO) ng Benguet, “Cargo and logistic services for essential and non-essential goods and utilities for water, electricity, IT, telecommunications, fuel products and waste management shall be afforded unhampered passage, but may be subject to random inspection by the member of the Philippine National Police (PNP).

“Government agencies and those providing emergency services of humanitarian aid during times of typhoons or calamity shall also be afforded unhampered passage.”

2 nagbebenta ng pekeng travel at medical certificate, arestado

ni Ronalyn Seminiano Reonico | February 6, 2021

Arestado ang dalawang lalaki sa isinagawang entrapment operation matapos mahuli ang mga ito na gumagawa at nagbebenta ng pekeng travel documents at health certificates, ayon sa Baguio City police.

Kinilala ng awtoridad ang mga suspek na sina Ace Codli Dicca, 25, at Wilfred Lohan Pinyuhan, 22.

Pahayag ni Capt. Marnie Abellanida, information officer ng Police Regional Office Cordillera (PROCOR), “Our police acted on a report about a computer center at the Central Business District that makes and sells travel documents and health certificate. They did an entrapment and they were able to get document for a fee.”

Si Dicca ang may-ari ng computer shop at attendant naman nito si Pinyuhan.

Ayon kay Abellanida, nagpanggap na kliyente ng naturang computer shop ang ilang pulis officers at nagpagawa ng medical certificate. Nakalagay din diumano sa naturang certificate ang pangalan nina City Police Director Col. Allen Rae Co at City Health Services Office Chief Dr. Rowena Galpo.

Sa ilalim ng general community quarantine (GCQ), required ang medical certificate at travel authority sa mga border checkpoints papasok ng Baguio City dahil sa COVID-19 pandemic. Samantala, nasa kustodiya na ng awtoridad ang 2 suspek at nahaharap sa kasong falsification of public documents.

Magalong, tuloy bilang contact tracing czar hangga't oks kay P-Du30

ni Lolet Abania | February 2, 2021

Matapos magpasa ng irrevocable resignation bilang contact tracing czar kaugnay ng dinaluhang kontrobersiyal na party kung saan nalabag ang COVID-19 health protocols, nilinaw ni Baguio City Mayor Benjamin Magalong na mananatili siya sa naturang posisyon kung nanaisin ni Pangulong Rodrigo Duterte.

Nauna nang sinabi ni Presidential Spokesperson Harry Roque na hindi tinanggap ng Malacañang ang kanyang pagbibitiw at ayon kay Magalong, magkakaroon sila ng pagpupulong ni Secretary Carlito Galvez Jr. at Deputy Chief Implementer Secretary Vince Dizon tungkol sa kanyang resignation.

Aniya, "I'm due to meet with Secretary Galvez this week together with Secretary Vince and again I would like to reiterate that my resignation is irrevocable. I will continue to help in the contact tracing.”

Inamin naman ni Magalong na hindi niya mahihindian si P-Duterte kung ito na mismo ang magsasabi sa kanya na manatili sa puwesto bilang contact tracing czar ngunit umaasa siya na hindi na ito makarating pa sa pangulo.

Aniya, "It is a situation that no one can refuse if the President tells you to stay and perform your job. I cannot refuse the President. Pero hindi naman na siguro aabot 'yan kay Presidente, sa dami ng problema ng Presidente. Siguro at the level ni Secretary Galvez, makapagdesisyon na.”

Samantala, sa ngayon ay pinangungunahan pa rin ni Magalong ang contact tracing efforts sa Bontoc at La Trinidad.

Aniya pa, "I continue to perform my job as contact tracing lead, in fact mina-manage pa rin namin 'yung situation doon sa Bontoc and La Trinidad and I just met with Asec. France Laxamana yesterday of DOH and we are due to meet with her team on Wednesday para nga turuan namin ng aming analytical tools, especially on the aspect of link analysis.”