Quiapo church dinagsa sa unang araw ng Alert Level 2

ni Jasmin Joy Evangelista | November 5, 2021

Dumagsa ang mga magsisimba sa Quiapo Church ngayong unang araw ng alert level 2 sa Metro Manila.

Nataon ding Quiapo Day at unang Biyernes ng buwan ngayong araw.

Pinapayagan na ang hanggang 500 katao na fully vaccinated sa loob ng Quiapo Church dahil hanggang 50% na ang pinapayagan sa mga religious gathering sa Metro Manila.

Halos umabot hanggang Rizal Avenue ang pila ng mga tao sa lugar.

Mayroon namang distancing marks upang masunod pa rin ang minimum public health protocols.

NCR ibinaba na sa Alert Level 2

ni Jasmin Joy Evangelista | November 5, 2021

Inaprubahan na ng Inter-Agency Task Force (IATF) ang pagbaba ng Metro Manila mula Alert Level 3 sa Alert Level 2 simula ngayong araw, Nobyembre 5 hanggang Nobyembre 21, ayon kay Presidential Spokesperson Sec. Harry Roque.

Kasabay nito ay inihayag din ni Roque na inaprubahan na ang rekomendasyon ng Sub-Technical Working Group on Data Analytics na gamiting batayan ng pagtatakda ng mga alert level ang mga datos na pinakamalapit sa `implementation date’.

Simula Disyembre 1, 2021, ang mga alert level ay tutukuyib tuwing ika-15 at ika-30 ng buwan.

"Escalations, on the other hand, may be done at any time in the middle of the implementation period as warranted while de-escalations can only be done at the end of the 2-week assessment period," ani Roque.

Inatasan din ng IATF ang National Task Force Against COVID-19 at ang mga Regional Task Force at Regional IATF na magbigay ng weekly feedback hinggil sa progreso ng implementasyon ng mga alert level sytem.

OCTA aprubado ang pagbaba ng alert level system sa NCR

ni Jasmin Joy Evangelista | November 2, 2021

Suportado ng OCTA Research ang pagpapababa ng alert level sa National Capital Region sa Nobyembre 15.

Ayon kay OCTA Research fellow Guido David, maaari nang ilagay ang NCR sa Alert level 2 dahil sa patuloy na pagbaba ng kaso ng COVID-19.

Nagbabala naman ito na dahan-dahanin ang pagbaba at patuloy pa rin na ipatupad ang minimum health protocols.

Sa kasalukuyan ay nasa 30 percent lamang ang hospital utilization sa NCR at ang intensive care unit utilization ay nasa 39% lamang.

Malaking bahagi rin ng pagbaba ng kaso ng COVID-19 ang patuloy na pagtaas ng bilang ng mga Pilipinong nababakunahan.