Pasado ang Foundling Welfare Act sa ikatlo at panghuling pagbasa

by Bulgar Online - @Brand Zone | February 16, 2022

Sadyang napakahirap ang ipanganak at mamulat ng mag-isa sa mundo. Yan ang bungad na kapalaran ng isang ulila at abandonadong sanggol. Walang magtatanggol, walang mag-aaruga at walang mag-aasikaso. Ang hindi alam kung sino ang iyong mga magulang ay isang trahedya na walang sinuman ang dapat makaranas. Idagdag pa ang pagkakaitan ng mga karapatan at pagkakilanlan na nararapat para sa iyo.

Ilan lamang ito sa mga pagsubok na kinakaharap ng maraming inabandonang sanggol na Pilipino. Sa halip na alagaan at mahalin, ang mga sanggol na ito ay pinagkaitan ng kanilang mga karapatan at maraming iba pang mga pagkakataon sa sandaling sila ay dumating sa mundo dahil lamang sa sila ay iniwan at hindi na kinaya pang alagaan ng kanilang magulang.

Dahil sa pangangailangang tugunan ang mga isyung ito, inakda ng AP partylist first nominee na si Congressman Ronnie Ong ang House Bill 7679 o ang panukalang "Foundling Welfare Act." Ang isang napabayaan o inabandunang bata na hindi natukoy ang mga magulang at ang panahon o mga pangyayari ng kapanganakan sa teritoryo ng Pilipinas ay hindi alam at hindi naiulat ay tinutukoy bilang isang foundling sa panukalang batas.

Ipinaliwanag ng kinatawan ng AP Partylist na nilayon ng panukalang batas na tugunan ang isyu ng citizenship status ng mga foundling, na inilarawan niyang sensitibo pa rin at nanganganib na pagkaitan ng mga karapatan at pribilehiyo.

Sa kabutihang palad, ang nasabing panukalang batas ay naaprubahan sa ikatlo at huling pagbasa nito sa House of Representatives. Ang iminungkahing Foundling Welfare Act ay inaprubahan ng kamara na may 220 boto na pabor sa pagpasa nito. Layunin ng panukalang batas na awtomatikong kilalanin ang mga foundling bilang natural-born Filipino citizens.

Sinabi ni Cong. Ronnie na ang inspirasyon para sa nasabing panukalang batas ay isang mabuting kaibigan at kasamahan na si Senator Grace Poe. Inilarawan niya ang pagpasa ng panukalang batas bilang tadhana na nataon noong Pista ng Our Lady of Candelaria Jaro Cathedral sa Iloilo.

Ito rin ang lugar kung saan natagpuan si Senator Poe noong sanggol pa siya. Siya ay pinangalanang "Grace" dahil siya ay itinuturing na isang "grasya mula sa Diyos." Isa ring biyaya nating maituturing ang pagpasa ng Foundling Welfare Act.

Sa halip na isang Foundling Certificate, binibigyan ng HB 7679 ang lahat ng foundling ng Certificate of Live Birth. Ang proseso para sa pagbibigay ng birth certificate sa mga foundling ng Philippine Statistics Authority's Office of the Civil Registrar ay naibalangkas na din.

Ang HB 7679 ay retroactive din, na nangangahulugan na ang mga taong nakatanggap ng Foundling Certificate ay makakatanggap na rin ng Birth Certificate, kahit na hindi pa sila naa-adopt. Bilang resulta, ang panukala ay magbibigay sa mga foundling ng lahat ng karapatan na mayroon ang bawat mamamayang Pilipino.

Ang pantay na pag-access sa mga programa at serbisyo ng pamahalaan, tulad ng pagpapadali sa mga dokumento ng pag-aampon, edukasyon, at proteksyong legal at pulisya, gayundin ang mga pangunahing serbisyong panlipunan kabilang ang edukasyon, pangangalaga sa kalusugan, at nutrisyon, ay kabilang sa mga ito.

Notice to the Public - PowerSource Philippines

by PowerSource Philippines, Inc - @Brand Zone | February 4, 2022

PowerSource Philippines, Inc

YASSI PRESSMAN NAGDONATE NG MGA PORTABLE WATER FILTER SYSTEM SA BOHOL KASAMA ANG AP PARTYLIST

by Bulgar Online - @Brand Zone | January 31, 2022

Si Yassi Pressman ay nagpunta sa bayan ng Talibon,isa sa mga matinding naapektuhan ng bagyong odette sa lalawigan ng Bohol, upang magbigay ng mga portable water filter systems kasama ang AP Partylist. Si Yassi ay sinamahan ni Rep. Ronnie Ong, ang first nominee ng AP Partylist at doon ay ipinakita nila kung gaano kadali gamitin ang portable water filter system.

“Malaki ang naging pinsala sa lalawigan ng Bohol dahil sa bagyong Odette, nung December ay nakapagdala na tayo ng libu-libong mga kahon ng distilled bottled water upang ipamahagi sa mga residente doon. Ngunit nakaita nating hindi iyon sapat kaya’t naghanap pa kami ng pang masmatagalang uri tulong. Itong mga portable water systems ay maaaring gamitin ng paulit-ulit at makakatulong sa tuwing may kakulangan sa supply ng tubig,” paliwanang ni AP Partylist nominee Rep. Ronnie Ong.

Ang mga donasyon na mga portable water filters ay nakakapag-filter ng maruming tulad ng ilog tubig at ginagawa itong malinis at ligtas na inumin. Ipinakita ng representante ng AP Partylist na ang itaas na bucket ay ipinupuno ng tubig na nalilinisan ng filter system, ang nalinis at filtered water naman ay bumababa sa pangalawang lalagyan at ready na itong inumin. Ang filter ay maaaring gamitin hanggang sa 7,000 liters bago ito kailangan palitan. Ayon naman sa punong bayan ng Talibon na si Mayor Janette Garcia, malaki ang pasasalamat nila kay Pressman at AP Partylist Rep. Ong sa kanilang pagbisita at ang donasyon ng portable water system ay makakatulong sa mga taga-Talibon dahil hindi kailangan ng kuryente para gumana ang mga water filter system.

Dagdag pa ni Yassi Pressman, “Gusto natin silang matulungan maging handa para sa mga bagyo dahil nakatira sila sa typhoon-prone area, at naniniwala kami na ang pagkakaroon ng portable water filter sa lahat ng mga barangay center ng Talibon ay makakatulong sa kanila sa panahon ng water shortage.” Ang aktres ay matagal nang kaibigan at suporter ng mga proyekto ni Rep. Ronnie Ong. Noong nakaraang taon, si Pressman ay nagbigay ng donasyon sa Philippine General Hospital kasama ni Ong nuong nagkaroon ng sunog sa isang bahagi nito.

Ang AP Partylist ay nakapagdala na ng libo-libong bote ng tubig, sako ng bigas, food packs at mga tinapay para sa mga Bol-anon ilang araw makalipas ang bagyong Odette noong Disyembre. Ang donasyon ng mga portable water system sa Talibon, Bohol ay bahagi ng serye ng mga aktibidad pang-bayanihan na pinangunahan ng AP Partylist sa kanilang patuloy na pagtugon sa pinsalang dulot ng bagyong Odette sa Visayas.