Gustung-gusto nang magka-baby… IBINULGAR NG MISTER: ALEX, WILD NOON, MAS MAY PUSO NA NGAYON

ni Jemuel C. Salterio @Talbog | Dec. 10, 2024

Mikee at Alex - Instagram Cathy Gonzaga, NP

Sa isang intimate event na dinaluhan ng mag-asawang Alex Gonzaga at Mikee Morada kamakailan, ibinahagi ni Alex ang kanyang bagong journey. At hindi lang basta journey, kundi ang pagiging full-time support system ni Alex sa kanyang asawa na kasalukuyang tumatakbong vice-mayor ng Lipa City, Batangas.

Ipinakilala ni Alex ang mister sa lahat ng people na present sa gathering na kanilang dinaluhan. 

“This is my first time introducing my husband to you, guys. We got married during the pandemic,” ani Alex.

Sa mga kasalukuyang kaganapan, tila ‘chill na’ si Alex sa kanyang showbiz career, ‘laying low’ daw siya ngayon, at mas pina-prioritize ang asawa. Kaya naman tumatanggi siya sa mga offers. 

“Of course, I’m thankful,” pagpapasalamat ni Mikee sa desisyon ng misis.

Nagbigay ng isang nakakatuwang detalye si Mikee tungkol sa kanilang plano bilang mag-asawa. 

“My wife and I are trying to have a baby. I don't want to lose focus either... Family is our priority.” 

Nakooo, mukhang seryoso na ang mag-asawa sa pagbuo ng kanilang pamilya!

‘Starting a family, building a family is tough,” sey pa ni Alex. 

Pero dagdag pa ni Mikee, “Alex will always be Alex... But she’s more careful now.” 

Dati raw kasi, medyo ‘wild’ si Alex, pero ngayon, ‘mas may puso na’ sa lahat ng desisyon.

Ngayon, hindi na lang basta vlogger si Alex, masaya siya sa pagiging supportive wife kay Mikee sa kampanya nito. Hindi raw niya balak mag-showbiz comeback, kundi mas gusto niyang mag-focus sa pamilya. 

“I’m not saying it with finality... As of the moment, I enjoy supporting Mikee in his bid,” ani Alex.

Pati ang mga isyu at kontrobersiya na patuloy na ibinabato sa kanya, hindi na raw siya apektado. 

“It’s part of the consequence of my being childish and immature,” sey ni Alex.  

Dagdag niya, “What’s important, my husband and family remind me, ‘You know your mistakes, and you’re trying to improve, trying your best not to repeat them. And we see that you've changed for the better…’”

Diin niya, “I feel I've matured… I can’t forever be a teenager, forever a jerk.” 

Well, hindi mawawala ang walang-humpay na pasasalamat ni Alex sa kanyang ina at manager na si Mommy Pinty. 

“I will forever be grateful and thankful to Mommy Pinty for all her wisdom and the things she taught me. Hindi lang siya mom and manager ko, but she's also my bestie,” madamdaming paglalahad ni Alex. 

Mukhang nag-level-up na nga si Alex Gonzaga! 

‘Yun na! Ambooolancia! #ChairmanNgChikahan #MaritesInChie #Talbog

---

Mga Ka-BULGARians, handa na ba kayong ma-shookt? Dahil si Nico Locco, a.k.a. Nicholas Timothy Fowler ay nagbigay ng pasabog sa katatapos lang na Ima Wa Ima Asian International Film Festival sa Japan. 

Nanalo ang ating heartthrob ng prestihiyosong ‘Breakthrough Performance Award’ para sa kanyang role bilang Jessie sa paparating na pelikulang Kolektor ng VMX.  

Ito ang unang international win ng Kolektor ngayong taon, at besh, ano'ng bonggang panimula naman ‘to! 

Ang pelikulang ito ay mula sa direksiyon ng fabulous na si Direk Nijel De Mesa at produced ng visionary team sa NDM Studios. 

Sa Ima Wa Ima Film Festival pa lang, lahat ng critics ay napa-gasp. Ang feedback? 

“Emotional depth, nuanced portrayal, and magnetic screen presence.” 

True naman!

Sa acceptance speech niya, nagpasalamat si Nico sa buong Kolektor team at siyempre, kay Lord. 

“To God be the glory!” sigaw niya.

Well, ang Kolektor sa direksiyon ni Direk Nijel De Mesa ay isang gripping psychological thriller na magpapaiyak, magpapakaba at magpapa-wow sa inyo mula umpisa hanggang dulo. 

Si Nico Locco ang standout talaga. Lahat ng mata, nasa kanya, at base sa mga reviews, ang karakter niya bilang si Jessie ay unforgettable. 

Hindi lang ito panalo ni Nico, ito’y isang bonggang panalo ng buong Filipino cinema.

Imagine, besh, homegrown talent na kumakabog sa international stage. 

Congrats, Nico Locco at #TeamKolektor! Keep slaying, dahil, gurl, the world is your runway. Charaught!

Ilang negosyo, nalugi raw… NERI, NAGBEBENTA NA NG PROPERTIES PAMBAYAD-UTANG

ni Jemuel C. Salterio @Talbog | Dec. 9, 2024

Neri Miranda - IG

Mga ka-BULGARians, heto na nga ang latest chika ng inyong Chairman ng Chikahan. 

Sa isang nakakagulat na ganap, ang kilalang aktres at businesswoman na si Neri Naig-Miranda ay napaulat na ibinebenta ang kanyang mga ari-arian upang ma-settle ang kanyang mga utang. 

Pero ang balitang ito ay mabilis na nag-spark ng chismisan at espekulasyon sa hanay ng kanyang fans at publiko. 

Kilala si Neri bilang pribadong tao pagdating sa kanyang personal at financial na buhay, kaya ang pangyayaring ito ay talaga namang ikinagulat ng marami.

Ayon sa mga sources na malapit kay Neri, ang desisyon niyang magbenta ng properties, kabilang na ang ilang real estate ay resulta ng matinding pressure mula sa lumalaking financial obligations. Keri lang daw, pero ramdam ang bigat ng sitwasyon kaya’t napilitang mag-take ng drastic measures ang aktres para maresolba ang kanyang mga utang.

Si Neri, na kasal kay Chito Miranda ng Parokya ni Edgar, ay kilala bilang isang madiskarteng negosyante, wais na wais. Sa katunayan, matagumpay niyang napalago ang ilang negosyo tulad ng sa beauty, fashion, at real estate. 

Pero ayon sa mga haka-haka, tila hindi naging pabor ang tadhana sa ilan niyang investments. May tsismis na ang ilan sa kanyang ventures ay nalugi o hindi nag-deliver ng inaasahang returns.

Bagama’t walang official na pahayag mula kay Neri, may nagsasabing ang financial na problema ay dulot ng ilang maling desisyon o hindi inaasahang setbacks sa negosyo.

Sabi ng ilang Marites, “Baka naman na-overwhelm sa dami ng sabay-sabay na negosyo?” 

Pero knowing Neri, tiyak na pinag-iisipan niyang mabuti ang bawat hakbang para makabangon.

Sa gitna ng kontrobersiya, always on point ang support ng kanyang family and closest friends. 

Ang lahat sa paligid ni Neri ay nananatiling supportive. Ang mister niyang si Chito ay present na present daw bilang strong support system. 

Ayon pa sa source, “Neri is doing everything she can to handle this with grace and professionalism.” 

Kaya sa kabila ng intriga, kitang-kita ang pagiging fighter ni Neri. As usual, hindi mawawala ang sari-saring reaksiyon mula sa mga tao. Ang ilan, todo-suporta at simpatya. Ang iba naman, medyo “hmmm...” at ang tanong, kung ang pagbebenta ng properties ay dahil ba sa sapilitang pangangailangan o under duress ba ito? 

Ang tanong ng ilan, “Gaano kalaki ang utang na kailangan pa ng bentahan ng properties?”

Sa kabila nito, marami pa rin ang humahanga sa pagiging transparent at responsible ni

Neri. 

Ang sabi pa ng isang fan, “Hindi madaling magdesisyon nang ganito, pero saludo ako na inuuna n’ya ang pagkakabawas sa utang.”

Ang ganitong ganap ay isang hamon sa mga celebrities at reminder na kahit mga sikat na personalidad ay hindi ligtas sa financial struggles. Kahit successful sa maraming aspeto, ang maling diskarte sa investments o biglaang setbacks ay puwedeng magdala ng malaking problema.

Habang wala pang detalyeng inilalabas si Neri tungkol sa pagbebenta ng kanyang properties, malinaw na ginagawa niya ang lahat para makaahon. 

Kaya abangers na lang tayong lahat sa mga susunod na ganap sa teleserye ng totoong buhay ni Neri Naig-Miranda.

‘Yun na! Ambooolancia! #ChairmanNgChikahan #Talbog

---

Isang bonggang paalala ang iniwan ni Maricar Reyes-Poon sa kanyang post kamakailan. Minsan nang napasabak si Maricar sa kontrobersiya at iskandalo noon ngunit ngayon ay kinikilala na siya bilang inspirasyon sa mga taong gustong bumangon mula sa kanilang mga pagkakamali.

Sa kanyang post, binigyang-diin ni Maricar ang kahalagahan ng pag-ako sa mga pagkakamali at paggamit nito bilang hakbang tungo sa pagbabago. 

Aniya, “The pain & shame of a mistake can be the first step towards the best & wisest version of yourself. Life is a marathon, not a sprint. Take full accountability, learn well & finish strong.”

Ang mga netizens, of course, hindi nagpahuli sa pagsuporta. Isa na rito ang nagkomento ng, “Well said, Maricar Reyes-Poon. Continue to be a guiding voice and inspiration for women, especially those who need second chances. Our mistake in life does not define us nor is the final chapter. Being accountable of our action is a courageous thing to do. Learning and moving forward is the only way to go!”

Tila may koneksiyon ang mensahe ni Maricar sa current situation nina Maris Racal at Anthony Jennings. Usap-usapan din kasi ngayon ang naging isyu ng cheating. Ang dalawa ay nadawit sa mga tsismis at kontrobersiya na umikot sa kanilang pagkaka-link at nagdulot ng mga chika sa social media. 

Kung titingnan, swak na swak ang mensahe ni Maricar para sa ganitong sitwasyon. Ang kanyang paalala ay nagbibigay-liwanag na ang mga pagkakamali—kung mananatiling responsable at matututong humakbang palayo rito—ay hindi dapat magtakda ng kung sino tayo bilang tao.

Ito ay real-talk para sa mga ‘beshie’ na nalalagay sa kahiya-hiyang sitwasyon.

Para sa mga atengs at ninis nating dumadaan sa mabibigat na pagsubok, gustong iparating ni Maricar na hindi overnight ang pagbabago. Kung ma-feel mo na ang ‘Katrina’ vibes o kahihiyan, tandaan na ang buhay ay isang mahabang karera. Walang perfect sa unang takbo, ngunit sa tamang diskarte at pag-ako ng responsibilidad, you can still finish strong!

Maraming fans ngayon ang kinikilala si Maricar bilang isang ehemplo ng pagbabalik-loob at pagbabago. 

‘Ika nga nila, “Keri lang ang pagkakamali, basta may kasunod na growth at accountability!” 

Sa huli, tama ang sabi ni Maricar—ang bawat hakbang ay oportunidad para maging mas mabuting bersiyon ng iyong sarili. 

‘Yun na! Ambooolancia! #ChairmanNgChikahan #Talbog

Ang bago at 2 ex ng aktres… KIM, PAULO, GERALD AT XIAN, SAMA-SAMA SA MOVIE

ni Jemuel C. Salterio @Talbog | Dec. 8, 2024

Kim, Paulo, Xian at Gerald - IG Kim Chiu

Kapit na mga Ka-BULGARians, dahil ito ang tsikang inaabangan nating lahat! 

Ang Chinita Princess na si Kim Chiu ay magbibida sa isang pelikula na tiyak na magpapakilig, magpapaiyak, at magpapasabog ng intriga. 

Pero ang mas nakakabaliw dito? Kasama niya sa proyekto ang rumored boyfriend niyang si Paulo Avelino at ang kanyang dalawang ex-boyfriends na sina Gerald Anderson at Xian Lim! Ano na lang ang eksena sa set, ‘di ba?

Unang nagliyab ang balita tungkol sa tambalan nina Kim at Paulo nang gumawa sila ng kanilang unang serye. 

Ang fresh ng pairing, agad na kinilig ang mga fans. Ang chemistry nila, besh, hindi lang

pang-screen, sabi nga ng ilan, parang may something real sa likod ng kamera. 

Dahil sa tagumpay ng kanilang tambalan, dalawang major networks ang nagkaisa para buoin ang proyekto—isang pelikulang pagsasama-samahin sina Kim, Paulo, Xian at Gerald!

“Ang lakas maka-makjang drama!” ang sabi ng mga netizens na unang nakarinig ng tsismis. Kuwento ng pelikula? Si Kim ay gaganap bilang isang babaeng nahaharap sa matinding desisyon: pipiliin ba niya ang kanyang kasalukuyang pagmamahal na ginagampanan ni Paulo, o ang dalawa niyang ex na biglang bumalik sa kanyang buhay? 

Beshie, ‘di ba ang hirap mamili kung ganyan kaguguwapo ang options mo?

Si Gerald Anderson, na unang nakilala bilang ka-love team ni Kim noong kanilang Pinoy Big Brother (PBB) days, ay may malaking papel sa pag-usbong ng karera ni Kim. Young love, first heartbreak, at lahat ng feels na ‘yan, sigurado kaming dadalhin ulit sa screen. 

Meanwhile, si Xian naman, na matagal ding naging ka-partner ni Kim onscreen at offscreen, ay magpapakita ng chemistry na alam ng lahat na hindi matitinag.

Pero ito na ang tanong, mga teh - sino nga ba ang pipiliin ni Kim sa huli? Ang bagong pag-ibig na si Paulo, ang OG love na si Gerald, o ang malalim na koneksiyon kay Xian? 

Ang pelikula, na tinaguriang isa sa pinakamalaking proyekto ng Philippine cinema sa susunod na taon, ay garantisadong magdadala ng kakaibang kilig at drama sa mga manonood. 

Ang mga fans ng #KimErald, #KimXi, at #KimPau ay sabik nang makita ang chemistry ng apat na bigating bituin. 

Pero hindi lang para sa kanila ito, para rin ito sa mga naniniwala sa second chances, sa pagmamahal na hindi nasusukat ng panahon, at sa mga bagong simula.

Ang production team ay tila may pasabog din sa likod ng kamera. Maraming nagtataka kung magkakaroon ba ng real-life sparks sa pagitan ng alinman sa apat, lalo na sa pagitan nina Kim at Paulo na sobrang close sa isa’t isa ngayon. 

Ang mga ganitong tanong ay dagdag-intriga na tiyak magpapainit ng usapan sa social media.

Kaya mga nini, abangan natin ang pelikulang ito dahil siguradong magiging emotional rollercoaster ito na hindi natin makakalimutan.

‘Yun na! Ambooolancia! #ChairmanNgChikahan #Talbog

---

BONGGANG-BONGGA ang naging performance ng Magic Voyz sa kanilang latest show na ginanap kamakailan sa Viva Café. Talaga namang pasabog ang kanilang concert, puno ng energy, charisma, at sex appeal na kinagigiliwan ng kanilang mga tagahanga. 

Isa sa mga highlights ng kanilang show ay ang paggamit ng live band, na dagdag-chika raw sa kanilang overall performance. Ayon sa grupo, malaking tulong ang banda para mas maramdaman ang realness ng kanilang pagkanta. 

“‘Yung live na live, feel na feel mo talaga!” sey ni Johan Shane.

Hindi rin nagpahuli ang grupo sa kanilang tinitiliang opening number na literal na nagpataas ng kilay at nakapagbigay ng matinding excitement sa audience. Nagpasiklab sila sa kanilang burlesque-inspired na dance performance, na may halong machismo at sex appeal. Kaya naman, certified bet na bet sila ng kanilang mga fans.

Bukod sa kanilang pisikal na pang-akit, ipinagmamalaki rin nila ang kanilang malaking ‘talent’ sa musika at pagsayaw. 

“‘Di lang kami looks; talentado rin kami,” hirit ni Jhon Mark Marcia, sabay ngiti na nakakapagpatibok ng puso.

Ayon pa sa Magic Voyz, bawat segment ng kanilang show ay pinag-iisipan nang mabuti. Special mention nila ang kanilang manager na si Lito de Guzman, na siyang nag-conceptualize ng pagkakaroon ng live band sa kanilang mga performances.

Proud din ang grupo sa kanilang plano na mag-level-up pa lalo sa kanilang karera. Pangarap nilang makapag-perform sa mga malalaking venues tulad ng Araneta Coliseum. 

“Balita ko, next na ang Araneta. Nangangarap lang po. Libre naman po ang mangarap,” kuwento ni Jace Ramos na sinamahan pa ng pa-cute na ngiti.

Bukod sa Araneta, naghahanda na rin sila para sa mas malaking stage sa Music Museum sa susunod na taon. 

Sa kanilang Magic Voyz: The Repeat, hindi lang ang grupo ang nagpakitang-gilas, tampok din ang mga naggagandahang sex sirens tulad nina Marianne Saint, Krista Miller, Yda Manzano, Megan Marie, at Ram Castillo. Kasama rin ang Jo and D Holy Notes na nagbigay ng musical performances na lit na lit!

Ang grupo ay binubuo nina Jhon Mark Marcia, Juan Paulo Calma, Mhack Morales, Rave Obado, Jace Ramos, Ian Briones, Asher Diaz, at Johan Shane. Ang kanilang chemistry at dedication ang dahilan kung bakit sila patuloy na minamahal ng kanilang fans.

Abangan ang mas pasabog na Magic Voyz sa kanilang mga future shows.

‘Yun na! Ambooolancia! #ChairmanNgChikahan #Talbog