Para 'di puro hilata at tutok sa gadgets... Mga aktibidad na oks subukan tuwing kasama ang pamilya

ni Seigusmundo Del Mundo - @Panaginip, salamin ng inyong buhay | January 24, 2021

Salaminin natin ang panaginip ni Myra na ipinadala sa Facebook Messenger.

Dear Professor,

May itatanong ako sa panaginip ng anak kong babae na kasama ko rito sa Dubai. ‘Yung ngipin niya ay unti-unting lumuwag at naglaglagan, pero may natira na isang bagang sa dulo at bandang kaliwa.

Kaya nang magising siya, ikinagat niya agad ‘yung ngipin niya sa unan at kahoy para hindi mangyari ang bad omen kapag nanaginip ng ngipin na nalalagas. Ano ang kahulugan ng panaginip na ito ng anak ko? Sa totoo lang, kinakabahan ako.

Naghihintay,

Myra

Sa iyo, Myra,

Alam mo, ngipin ang pinakamatigas na bahagi sa katawan ng tao at ang panga naman ang pinakamalakas na parte ng katawan. Hindi ba, nakakatuwa na ang panga na pinakamalakas ay may hawak naman ng bahagi ng katwan pinakamatigas at ito nga ay ang ngipin?

Kaya ang mga taong kung tawagin ay “pangahin” o malaki ang panga ay ang mga pinakamalakas na tao sa mundo. Samantala, ang mga taong malalaki ang ngipin ay ang mga tigasin, at pinaniniwalaan din na ang may malalaking ngipin ay mahaba ang buhay at ang may maliliit na ngipin ay maiksi ang buhay. Hindi ba, nakakatuwa dahil makikita na may kaayusan o maayos na maayos ang pagkakalikha sa tao?

Eh, ano naman kaya ang mangyayari sa mga taong magulo ang mga ngipin? Kaya mo bang hulaan? Ano pa nga ba, kundi magulo rin ang buhay.

Maraming nakakatuwang bagay tungkol sa mga ngipin, at ang isa pang nakakatuwa ay kapag napanaginipan na nalalagas ang ngipin, ang sabi, may mamamatay. At para mapigilan ito, ang nanaginip ay dapat kumagat sa unan o kahoy.

Parang hindi naman nakakatuwa ang ganu’ng bagay kundi nakakatakot. Dahil ang kamatayan sa lahat ng bagay na nangyayari sa mundo ay pinaka-kinatatakutan, dahil ang lahat ay takot sa kamatayan.

Pero alam mo, may isang Pinoy na kamakailan lang ay inalala natin ang kanyang kamatayan at ito ay si Gat. Jose Rizal. Alam mo, sabi niya, “Kung sa langit nabubuhay, bakit kinatatakutan ang oras ng kamatayan?”

May sense ang sinabi ni Rizal, hindi ba? Kasi tuwing haharap ang mga pari sa misa sa isang patay, palaging binanggit ng pari ang tungkol sa “muling pagkabuhay.”

Pero pagmasdan mo ang mga taong nakikinig, tahimik lang dahil siguro, hindi sila bilib sa pari dahil may sense ang sinabi ng Dakilang bayani na “Kung sa langit nabubuhay, bakit kinatatakutan ang oras ng kamatayan?”

Bago tayo maligaw at baka sobrang matuwa si Pangulong Duterte dahil mukhang kakampi niya si Rizal sa pagbatikos sa aral ng simbahan, balikan natin ang iyong panaginip.

Ang panaginip na nalalagas ang ngipin ay nagbababala na ang nanaginip ay humihina, as in, she or he will be weak.

Puwedeng hihina ang kanyang katawan, pero puwede ring mapabibilang siya sa mga taong mahina ang pagkatao na hindi kayang ipilit ang kanyang will o kagustuhan, kaya siya ay makikitang sunud-sunuran sa mga taong aalipin sa kanya.

Hanggang sa muli,

Professor Seigusmundo del Mundo

Nalagasan ng ngipin, babala na hihina ang kalusugan

ni Seigusmundo Del Mundo - @Panaginip, salamin ng inyong buhay | January 23, 2021

Salaminin natin ang panaginip ni Rowena na ipinadala sa Facebook Messenger.

Dear Professor,

Bakit madalas akong managinip ng nalalagasan ng ngipin?

Kagabi, napanaginipan kong natanggal ‘yung bulok na ngipin ko, tapos pagkakita ko sa ngipin, ang daming uod na puti at naggagalawan, gayundin, payat ang mga ito.

Tapos nakita akong patay ako sa panaginip ko. Hinihila ako ng bata, tapos lumapit ako at pagtingin ko sa aking sarili, patay nga ako at naging mannequin ako. Ano ang ibig sabihin ng mga nakakatakot na panaginip kong ito?

Naghihintay,

Rowena

Sa iyo, Rowena,

Malinaw na malinaw na ang iyong panaginip ay nagbababala ng paghina ng kalusugan mo, kaya puwede kang magkasakit in a day or two.

Mangyayari lamang ito kung hindi mo pakikinggan ang babala ng panaginip mo. Dahil dito, narito ang ilang paalala para sa iyo:

1. Humihina ang im-mune system ng dahil sa pagpupuyat.

2. Magkakasakit ang tao dahil sa wala sa lugar na pagdidiyeta.

3. Ang kakulangan sa ehersisyo ay malakas makapanghina ng katawan.

4. Ang pagkain ng mga walang kuwentang pagkain ay sanhi ng sangkatutak na karamdaman.

5. Ang kulang sa saya ay magkakasakit.

6. Ang kulang sa paki-kipagsosyalan ay hihina rin ang katawan dahil ang pamamalagi sa bahay ay sanhi ng pananamlay.

7. Ang kinikimkim ang galit at sama ng loob ay dahilan din ng pagkakasakit.

8. Ang bihirang umawit o kumanta kapag nag-iisa ay puwedeng pagsimulan ng paghina ng resistensiya.

Maaring narinig mo na ang lahat ng nasa itaas maliban sa huli. Ang totoo nga, sa una hanggang sa ika-pito ay epektibo sa maraming tao, pero kung magkataon na walang bisa ito sa iyo, ikonsidera mo ang huli.

Umawit ka kapag ikaw ay nag-iisa. Gawin mo, dahil ang mahirap paniwalaang ito ay ikagugulat mo kung saan mabisa palang panlaban sa anumang karamdaman ang pag-awit kahit nag-iisa.

Bakit kaya ang maitatanong mo sa iyong sarili? Ang sagot ay dahil “Music has a healing properties.”

Muli, umawit ka kapag ikaw ay nag-iisa! Kung dadapuan ka ng sakit, hindi na ito matutuloy at kung may natatago kang karamdaman, puwede kang gumaling.

Super beneficial ang music sa mga may mahinang immune system.

Kaya umawit ka kapag nag-iisa ka! Hindi naman mahalaga kung sintunado ka o hindi dahil kapag nag-iisa ka, wala ring ma-karirinig sa iyo kapag mali ang pagkanta mo.

At pagkatapos mong umawit, makikita at mararamdaman mo na “There is magic in music.”

Hanggang sa muli,

Professor Seigusmundo del Mundo

Kahulugan ng nakita si Mama Mary at God

ni Seigusmundo Del Mundo - @Panaginip, salamin ng inyong buhay | January 22, 2021

Salaminin natin ang panaginip ni Myla na ipinadala sa Facebook Messenger.

Dear Professor,

Last year, napanaginipan kong nag-uusap kami ng kapatid ko nang biglang nagliwanag ang kalangitan at nakita ko ang buwan na bilog na bilog at maliwanag, tapos nagpakita si Mama Mary, pero ang imahen ay si Our Lady of Fatima.

Nakita ko kasi ang kanyang kasuotan na may light blue. Nu’ng nakita ko si Mama Mary, pumikit ako at nagdasal at humiling ako na bigyan kami ng malaking biyaya.

Ang pangalawa kong panaginip ay noong unang linggo lang ng January. Napanaginipan kong nagpakita sa akin si God at nasa probinsiya ako noon kasama ang aking limang kapatid.

Habang naglalakad ako sa kalsada, nakakita ako ng bulalakaw, hindi ako gaanong nakapag-wish sa unang bulalakaw, tapos may sumunod pang isa at humiling ulit ako.

Pagkabanggit ko ng wish ko, sabi ko sa aking kapatid, “Si God, si God!” Nagpakita Siya sa kalangitan, ‘yung ulap ay nag-form ng mukha ni God at kitang-kita sa panaginip ko ang mukha Niya sa ulap.

Nagdasal ako nang taimtim, tapos narinig ko ang boses ni God at sabi Niya, “Your wish is my command,” tapos noong binanggit ko sa dasal na manalo kami sa lotto, sinagot ni God sa akin, “Your wish is granted.”

Noong narinig ko ‘yung sinabi ni God, lumuhod ako sa kalsada at nagpuri ako sa kanya, kasama ko ang dalawa kong kapatid at sabay-sabay kaming nagpuri at nagpasalamat sa Panginoon. Pagkatapos namin magpasalamat, bigla na akong nagising.

Ano ang kahulugan ng mga panaginip kong ito? May chance ba na manalo kami sa lotto? Maraming salamat!

Naghihintay,

Myla

Sa iyo, Myla,

Oo, iha, napakalaki ng tsansa na manalo kayo sa lotto at dahil ang lotto ay pakikipagsapalaran sa mga numero, ang payo ay tayaan mo ang mahahalagang petsa sa buhay mo, lalo na ang mga petsa kung kailan sinuwerte ka o sa mga petsang natupad ang mga hiling mo.

At dahil ang ilan sa mahahalagang petsa sa isang tao ay ang mismong kaarawan niya, tayaan mo ang date of birth mo.

Gayundin, dahil mahalaga sa buhay ng tao ang kanyang mga magulang at kapatid, tayaan mo rin ang kanilang date of births.

Ganundin sa mahahalagang tao na naging bahagi ng buhay mo, tayaan mo rin ang kanilang date of births.

Pero ang huwag na huwag mong kalilimutan ay ang numero ni Mama Mary na numerong 8 tulad ng 8 mismo,17, 26, 35, 44 at iba pang mga numero na kung tawagin ay 8s.

Hanggang sa muli,

Professor Seigusmundo del Mundo