Iba’t ibang dahilan para makipag-break sa dyowa

ni Jersy L. Sanchez - @Life & Style| March 7, 2022

‘Pag sobrang labs n’yong mag-dyowa ang isa’t isa, ‘di ba, parang ang hirap isipin na maghihiwalay din kayo?

Pero mga besh, sa totoo lang, marami pa ring long-term relationships na nauuwi sa hiwalayan kahit gaano pa nila naipakitang mahal na mahal nila ang isa’t isa.

Awww!

Well, napakahirap talagang i-let go ng taong mahal mo, lalo pa’t naging parte na siya ng buhay mo, pero may mga valid reasons para tapusin na ang relasyon. At kahit pa punumpuno ng pagmamahal ang inyong pagsasama, ‘di ito sapat para ma-sustain ang healthy at happy partnership sa mahabang panahon.

Anu-ano nga ba ang mga rason para tapusin ang isang relasyon?

1. ‘DI SIYA HONEST SA ‘YO. Tila normal na para sa atin ang magsabi ng ‘white lies’, pero ‘pag napansin mong naging habit na ng iyong partner ang pagsisinungaling or worse, mas malalaki at seryosong pagsisinungaling ang ginagawa niya, valid reason ito para tapusin na ang inyong relasyon.

2. ‘DI KASUNDO SA PINANSIYAL NA ASPETO. Isa ang pera sa mga karaniwang isyu para sa mga magkarelasyon. Ayon sa mga eksperto, ang isang tao na mas gumagastos sa luho kaysa sa necessities ay senyales na siya ay hindi magkaroon ng financial stability. Bagama’t hindi lahat ng mag-partner ay gusto ng ‘combined finances’, pero kung gusto mo itong gawin kasama ang iyong partner, kailangang nasa ‘same page’ kayo pagdating sa financial goals. Kumbaga, pareho kayo ng gusto at paniniwala pagdating sa paghawak ng pera.

3. WALA KANG TIWALA SA KANYA. Alam nating lahat na ang tiwala ay mahalagang parte ng relasyon at ‘pag nasira ito ng partner mo, lalo na kung maraming beses na, posibleng senyales ito na pag-isipan mong mabuti kung itutuloy pa ba o hindi ang iyong relasyon.

4. MAGKAIBA KAYO NG GOALS. Ang hirap ‘pag umabot sa puntong mahal na mahal mo ang partner mo, pero hindi pala kayo pareho ng pinaplanong future. Pero bes, ‘pag malinaw sa ‘yo kung ano ang gusto mo, hindi ka dapat mag-settle sa taong ibang-iba ang goals sa mga bagay na gusto mong ma-achieve.

5. ‘DI KAYO NAGKAKAINTINDIHAN. Tulad ng tiwala, ang healthy communication ay mahalagang sangkap ng magandang relasyon, pero ‘pag ipinapakita ng partner mo na hindi siya willing makipag-communicate at ‘di niya ito kayang baguhin, valid reason ito ng paghihiwalay.

6. FEELING MO, DAPAT KANG MAGPOKUS SA IYONG SARILI. Kahit pa gaano ka-perfect ang inyong relasyon, mayroong posibilidad na kailangan mo ng panahon para mag-grow on your own sa halip na magpokus sa inyong relasyon. At bes, ‘di ka dapat ma-guilty, lalo na kung sa tingin mo ay ito ang makabubuti sa ‘yo.

‘Pag ‘di ka na masaya sa relasyon, ‘di mo na kailangan ng iba pang rason para mag-initiate ng breakup. Tandaan, dapat mong gawin ang bagay na sa tingin mo ay makatutulong para mas sumaya ka pa.

Gets nating mahirap talagang makipag-break, pero kung alam mong hindi na talaga magwo-work ang inyong relasyon, kakapit ka pa ba?

Single sa Valentine’s Day? No problem! 14 Perks of being single

ni Mharose Almirañez | February 13, 2022

Alam mo bang hindi lang mga ‘in a relationship’ ang puwedeng maging masaya tuwing Valentine’s Day? Iba’t iba man ang pananaw ng bawat tao sa pakikipagrelasyon, kailanman ay hindi naging kapintasan ang pagiging single.

Sabi nga nila, happiness is a choice. If you will never be happy being single right now, you will never be happy when you get married. Oh, ha! English ‘yan!

Kaya kung single ka man ngayon, dapat mo ‘yang ipagdiwang, sapagkat narito ang labing-apat na dahilan kung bakit kailangan mo ‘yang i-take as an advantage:

1.MAS MARAMING PERA NA MAI-SPEND PARA SA SARILI. Siyempre kapag may dyowa, required kang magbigay ng regalo at gumastos para sa date n’yo. Pero dahil single ka, aba’y napakalaking tipid nu’n!

2. MAS MARAMING ORAS PARA MATULOG. As usual, hindi ka mapupuyat mag-countdown para sa Valentine’s Day, monthsary, anniversary at birthday kasama ang isang tao. Hindi ka rin mapupuyat kale-late night talk, kumbaga, 8 hours of sleep is unlocked.

3. WALANG DYOWA NA KAILANGANG I-UPDATE. Hindi ka required mag-chat o text kung nakauwi ka na, kung nasaan ka na, kung sinong kasama mo at kung ano’ng ginagawa mo from time to time. Wala kang babatiin ng “good morning” everyday at tatanungin kung kumain na ba siya 3 times a day.

4. WALANG MAGAGALIT ‘PAG HINDI KA NAKAPAG-REPLY. Dahil single ka, puwede ka magreply kapag na nasa mood ka na. Malaya kang maging snober. No more “Sorry late reply, babe.”

5. WALANG MAKIKIALAM SA GUSTO MO. Para sa girls, kung gusto mong magsuot ng maikling palda, shorts, sleeveless or labas-cleavage na damit, oks lang. Walang magagalit. Para naman sa boys, walang makikialam sa gusto mong haircut. ‘Yung ibang girls kasi ay nagiging controlling, to the point na pati hairstyle ng guy, dapat may sey din sila.

6. MAS MARAMING TIME SA FRIENDS/FAMILY. Kapag nagyaya silang mag-bonding, makakasama ka agad. Take note, walang curfew. Wala ring magbabawal sa iyong magpakalasing at pumunta kung saan-saan nang hindi siya kasama

7. PUWEDENG GUMALA NANG HINDI NAGPAPAALAM. Masarap kaya sa feeling na hindi ka guwardyado. ‘Yung iba kasi, tumatakas kapag hindi pinayagan ng dyowa, eh!

8. PUWEDENG MAKIPAG-USAP SA KAHIT SINO. ‘Yung ibang dyowa kasi ay malisyoso. Kinausap mo lang saglit ‘yung guy or girl, akala agad ay may ginagawa na kayong milagro. At least, kung single ka, walang may karapatang magselos.

9. PUWEDENG MAKIPAG-FLIRT/DATE KAHIT KANINO. Ito ‘yung pinakamasayang part sa pagiging single. You may flirt or date as many as you want, but don’t forget to play your cards right.

10. MAY MASAYANG MENTAL HEALTH. Ito ‘yung hindi ka mai-stress sa kaiisip kung bakit ang tagal niyang magreply at kung sino ang kasama niya. In short, hindi ka mapa-paranoid kaiisip kung nagtsi-cheat ba siya sa ‘yo.

11. STRONG INDEPENDENT PERSON. Puwede ka mag-decide nang hindi dumedepende sa isang tao. Kumbaga, kapag gusto mo ‘yung isang damit, bibilhin mo na agad at hindi mo na kailangang magtanong ng, “Babe, bagay ba sa ‘kin ‘to?” Hindi mo rin kailangang magpabebe sa boyfriend mo para lang buhatin ‘yung mga pinamili mo kasi strong ka. Kayang-kaya mong umuwi mag-isa nang walang inaasahang susundo sa ‘yo.

12. MAS MARAMING OPORTUNIDAD. Dito mo madi-discover kung saan ka ba talaga magaling. Anu-ano ba ang skills na puwede mong i-develop? Maraming career opportunity na puwede mong tanggapin. Halimbawa, job offer abroad. Siyempre, kung may dyowa ka, iisipin mo pa kung paano na ang relationship n’yo ‘pag umalis ka, unlike kapag single ka.

13. SANAY KA NA. Nati-trigger ka lang naman tuwing Valentine’s Day o kapag may nakita kang mag-dyowa sa mall, o kapag nag-“flex” dyowa ‘yung Facebook friends mo. Maiinggit ka lang saglit, but after that, back to singlehood ka na, tapos mare-realize mo na masarap pa rin talagang maging single.

14. ALAM MO ‘YUNG WORTH MO. Hindi ka kasi nagse-settle for less. Hindi ko naman sinasabing hindi masaya maging in a relationship. Siyempre, given na ‘yung may nagpapakilig sa ‘yo, ‘yung itinatrato kang special, ‘yung ramdam mong siya na talaga ang ‘the one’.

Kaya para sa lahat ng single, Happy Valentine’s Day! ‘Wag mainip dahil hindi ka naman habambuhay na magiging single. Deserve mo maging masaya, kasi jowable ka. Gets mo?

Nagmahal, nasaktan, nag-move on… Tips para maka-get over sa break up

ni Mharose Almirañez | December 2, 2021

Bakit nga ba may mga taong pinagtagpo, pero hindi naman itinadhana?

Masakit man pakinggan pero kailangan mong ma-realize na hindi lahat ng love story ay mala-Disney movies na puro happy ending, sapagkat ang reyalidad ay isang napakalaking tragedy. In real world, maraming nagsusulputang kontrabida at surprising plot twists.

Upang maka-get over sa iyong epic fail relationships, narito ang ilang tips para maka-move on sa iyong ex-dyowa:

1. TORTURE-RIN ANG SARILI. I-stalk mo ang social media accounts niya at paulit-ulit mong tingnan ang pictures n’yo hanggang maumay ka. I-stalk mo rin ang profile nu’ng bago niya kung mayroon man.

2. STRESS EATING. Kumain ka nang kumain. ‘Di baleng broken basta hindi malnourished.

3. MAGWALWAL. Nakapagbibigay ng lakas ng loob ang alak. Pansamantala kang magiging strong, but siyempre, maaalala at maaalala mo pa rin siya at mapapa-emote ka ulit. Iiyak mo lang ang lahat with matching background music hanggang gumaan ‘yang pakiramdam mo.

4. ‘WAG MAG-DRUNK CALL. ‘Di porket matapang ang alak, magiging matapang ka na rin. Itigil mo ‘yan, girl!

5. GENERAL MAKE OVER. ‘Di puwedeng broken ka na nga, panget ka pa. Try mong magpa-salon or mag-gym para sa balik-alindog program.

6. MAG-SHOPPING. Bumili ka ng mga bagong damit, sapatos, bag at skin care products. Siyempre, dapat mo pa ring i-maintain ang iyong lifestyle. Hindi puwedeng broken ka na nga, broke pa ang bulsa mo.

7. MAG-TRAVEL. Makatutulong ang outdoor activities para makalanghap ng sariwang hangin at panibagong ambience. Mag-beach, mag-hike, mag-museum, mag-arcade o mag-road trip. Kayanin mong bumiyahe mag-isa.

8. SOCIAL MEDIA DETOX. Mag-deactivate ka muna ng iyong social media accounts. Tandaan na ang gamot sa toxic ang pagdi-detox.

9. LOVE YOURSELF. Hindi masama ang maging selfish, pero oras na para isipin ang sarili, sapagkat paano ka mamahalin ng iba kung hindi mo mahal ang sarili mo?

10. MAKIPAG-BONDING SA IBA. Mali na pinaikot mo ang mundo mo kay ex. This time, make time for your family and friends dahil sila ang dadamay sa ‘yo sa mga oras na ito.

11. MAGSULAT. Ang pagsusulat ay isa sa mabisang paraan dahil inaayos nito ang nerve cells natin sa tuwing nag-iisip tayo ng sentences. Malay mo, maging katulad ka rin ni Taylor Swift na naging successful dahil sa mga kantang isinulat para sa mga ex niya.

12. MAGDASAL. Ipasa-Diyos na lamang ang nangyari sa relasyon ninyo ng ex mo. Kung niloko ka ni ex, si God na ang bahala sa kanya. Kumapit ka lang kay Lord dahil malalagpasan mo rin ang lungkot na pinagdaraanan mo ngayon.

13. I-DISPOSE ANG MGA GAMIT NA BIGAY NI EX. Puwede mong ibalik sa kanya ang mga ito, sunugin, ibasura or ipa-garage sale. Extra income rin ‘yan.

14. ‘WAG MAGBA-BACK READ SA CONVO. Alam naming name-miss mo siya, pero ‘di ‘yun dahilan para balikan ang inyong nakaraan.

15. ‘WAG MAGMAMAKAAWA PARA BUMALIK SIYA. ‘Pag gusto ka niyang balikan, babalik ‘yan. Hindi mo kailangang magpakababa para lang mahalin ulit.

16. CLOSURE. Tanggapin mong tapos na kayo.

17. FACE YOUR FEAR. Kapag nakasalubong mo siya sa daan, taas-noo ka lang at tumango. Just act naturally.

18. MAGPOKUS SA CAREER. Kailangan mong ituon ang atensiyon sa ibang bagay. Tandaan, ‘wag na ‘wag mong idadamay ang career mo sa pagmu-move on, kung ayaw mong maging broke pati bank account mo.

19. TIME HEALS WOUND. I-enjoy mo lang ang pain, sapagkat makaka-move on ka rin pagdating ng araw.

20. MAG-INSTALL NG DATING APP. Make sure naka-move on ka na dahil hindi mo puwedeng paglaruan ang damdamin ng mga taong makaka-talking stage mo. ‘Wag kang maging unfair sa iba.

Matapos mong basahin ang ilan sa aking tips, the best advice pa rin ang makinig sa payo ng iba. Magbasa ng mga inspirational and motivational books o article na makatutulong para maghilom ang sugat sa ‘yong puso.

Sabi nga nila, kung naging masaya ka sa maling tao, what more kung sa tamang tao na, ‘di ba? Move on, ka-BULGAR! You deserve someone better.

Tingnan mo kami, 30 years and going strong at patuloy sa pag-arangkada. Copy?