Sawa na sa mall o travel? Read mo ‘to! Alamin: Simple at nakaka-kilig na date ideas

ni Mharose Almirañez | August 7, 2022

Madalas ba kayong lumabas ng dyowa mo? Saan-saang museums, zoos, concerts, at out-of-town trips na ba ang napuntahan n’yo? ‘Yung ang saya-saya n’yo together, tapos biglang malulungkot kasi wala na kayong pera after? So, ano ‘yan, bonggang date now, pulubi later?!

Sabi nga ng financial expert na si Chinkee Tan, “Hindi natin kailangang magpanggap na may pera tayo kasi kung ganito na rin lang, sa bandang huli, tayo rin ang magigipit at mahihirapang magpaliwanag kung bakit hindi na natin ginagawa para sa kanila ‘yung nakasanayan na.”

Kaya naman, shout out sa beshies natin na namumroblema sa kanilang next date dahil sa kapos na budget! Narito ang ilang date ideas na tiyak na makakapagpakilig at makakahuli sa kiliti ng inyong dyowa with a twist:

1. ROOFTOP DATE. Puwede kang mag-set-up ng dining table for two sa rooftop ng bahay n’yo or sa rooftop ng acquaintance mo. Maglagay ka ng decorations tulad ng balloons, fairy lights, petals, candles, confetti, pictures or anything, kung saan masasabing pinag-effort-tan mo talaga ang date na ito.

2. DATE SA GARAHE. Same set-up with rooftop date. Ikaw na ang bahala kung paano mo pagagandahin ang garahe n’yo. Nakaparaming DIY ideas at tips sa YouTube na puwedeng makatulong sa iyo sa pagde-decorate, beshie.

3. IPAGLUTO SI DYOWA. Busugin mo lang siya sa iyong homemade meals ay paniguradong hindi lang siya mabubusog sa pagmamahal, kundi literal na mabubusog mo rin ang tiyan niya. Puwede ring ikaw na ang magluto ng mga ihahaing pagkain sa inyong rooftop, garahe o picnic date. Puwede mo rin siyang ipagluto ng baon niya sa trabaho.

4. MAGLARO NG BOARD GAMES. Subukan n’yong maglaro ng chess, dama, snake and ladder, atbp. Napakagandang quality time nito para sa inyong mag-dyowa. Nakaka-healthy ng utak.

5. MOVIE MARATHON SA BAHAY. Hindi naman required manood sa sinehan tuwing may bagong release na pelikula, sapagkat napakarami nang online streaming platforms na puwedeng mapanooran ng HD movies. Another tips, puwede kayong bumili ng projector para kunwari ay big screen pa rin ang pinanonooran n’yo. Bumili na rin kayo ng popcorn and drinks para feel na feel talaga ang panonood, mapa-movie o series man ‘yan.

6. PICNIC SA GARDEN. ‘Yung tipong, maglalatag lang kayo ng sapin o tent sa sahig at mayroong dalang fruit basket na may kung anu-anong pagkain. Sa picnic date, maliban sa panonood ng movie, paglalaro ng board games o pagpapagulung-gulong n’yo sa damuhan ay puwede rin kayong maglaro ng badminton o mag-bike.

7. MAG-KARAOKE. Hindi n’yo kailangang mag-rent ng KTV room dahil puwedeng-puwede naman kayong magkaraoke sa sala o kuwarto ng inyong bahay. Puwede rin kayong mag-inuman. ‘Yun nga lang, kailangan n’yo talaga ng personal space para walang makaistorbo sa inyong bonding. Mahirap din kasi kung nagka-karaoke kayo sa sala, habang may nag-o-online class sa kusina, ‘di ba?

8. MANOOD NG SUNSET, SUNRISE, STAR GAZING AT FIREWORKS. Napaka-romantic nito, beshie. ‘Yun bang, aakyat lang kayo sa rooftop o bubong habang inaabangan ang sunset at sunrise. Alamin n’yo rin ang schedule kung kailan magkakaroon ng meteor shower upang makapag-rent ng telescope na puwede n’yong gamitin sa star gazing. Kung fireworks naman ay madalas lamang ito tuwing New Year’s countdown or may pa-event sa isang lugar. Knows mo bang may kasabihan na kapag nag-kiss kayo ng dyowa mo habang sumasabog ang fireworks sa kalangitan ay kayo na ang magkakatuluyan? Puwede ka ring mag-wish sa bulalakaw o tuwing 11:11.

9. LONG RIDE. Sa ngayon ay hindi ito affordable, sapagkat napakamahal ng gasolina. Gayunman, kabilang pa rin ito sa mga puwedeng gawin ng magkasintahan dahil the more na mahaba ang biyahe, the more na mahaba ‘yung time n’yo together. Bumiyahe lang kayo, magkuwentuhan at magmahalan. Saanman kayo dalhin ng biyahe n’yo, make sure makakarating kayo sa gusto n’yong puntahan at magkasama pa rin kayong uuwi sa inyong tahanan.

Sa isang relasyon, hindi naman basehan ang presyo ng lugar, pagkain, o dami ng activities para masabing mahal n’yo ang isa’t isa. Time and effort lang ay sapat na.

Ilan lamang ang mga nabanggit na puwede n’yong gawin together sa loob ng bahay. Gayunman, huwag makuntento na puro ganyan na lamang ang gagawin n’yo habambuhay dahil nakaka-boring ang paulit-ulit na routine. Siyempre, lagyan mo rin ng twist.

Wala namang nagbabawal sa inyong mag-date nang madalas sa mall, manood sa sinehan, um-attend sa concert, magpunta sa museum, at mag-travel kung saan-saan, basta tiyakin n’yo lang na may extra budget kayo para r’yan at hindi iiyak ang inyong mga bulsa matapos ang bonggang-bonggang date.

Okie?

Paraan ng panliligaw noon, kaya pa ba ngayon?

ni Mharose Almirañez | August 4, 2022

“Uso pa ba ang harana?” ‘Yan ang tanong ng Parokya Ni Edgar. Makaluma man sa pandinig at paningin ng iba, hindi natin maitatangging isa lamang ‘yan sa mga pinapangarap na maranasan ng bawat kababaihan hanggang ngayon.

Minsan ba ay nasubukan mong itanong kay nanay kung paano sila nagka-ibigan ni tatay? Paano nila nalusutan ang butas ng karayom? Anong klaseng pangangaliskis ang ginawa nina lolo’t lola kay tatay para lamang makuha ang mga kamay ni nanay? Alam mo ba ‘yung pamamanhikan? Marunong ka bang manligaw?

Marahil ay hindi ka makaka-relate dahil— hello, it’s 2022! Ang gusto mo ay ‘yung instant, ‘yung easy to get o ‘yung one swipe away. Kaya bago mo pa tuluyang makalimutan kung paano manligaw, narito ang ilang paalala upang makuha ang loob ng iyong napupusuan:

1. SUMULAT NG LIHAM. Napakalaking bagay para sa mga kababaihan ang makatanggap ng handwritten poems, essays o love letters mula sa kanilang manliligaw. Sa ngayon kasi ay puro chat, text and call na ang nangyayari at bonus points na lamang ang handwritten letters.

2. DUMALAW SA BAHAY. ‘Yun bang, palaging may dalang pasalubong si boy sa tuwing aakyat ng ligaw. Dito ay matiyaga niyang kikilalanin, pakikisamahan at kakaibiganin ang buong angkan ng nililigawan. Ultimo pag-iigib ng tubig at pagsisibak ng kahoy ay bahagi rin ng panliligaw noon. Kumbaga, todo-effort silang magsilbi sa pamilya ng dalaga. Sa ngayon kasi ay nagaganap na ang ligawan sa mall, school at kanto. Minsan nga, wala nang ligawan, diretso one night stand na. ‘Yun bang, hindi pa man sila magkarelasyon ay may pa-kiss, hug and HHWW (holding hands while walking) na. Nakakalungkot mang isipin, pero dumarating sa puntong saka lamang nakikilala ng mga magulang ang karelasyon ng anak kung kailan buntis na ito.

3. PANGHAHARANA. Katulad ng nabanggit, napakalaking impact talaga ng panghaharana. Bahagi ito ng panliligaw na hindi dapat mawala noon. ‘Yun bang, sa kalaliman ng gabi ay biglang may tutugtog sa labas ng bahay n’yo at pagdungaw mo sa bintana ay matatanaw mo ‘yung manliligaw mo na nakatingala sa iyo, habang kinakanta ang Paraluman kasama ang tropa. Naku, beshie, deserve mo ma-feel ‘yan, kaya don’t settle for less.

4. MAGING GENTLEMAN. ‘Yun bang, pagbubuksan nila ng pintuan o ipaghihila ng upuan ang kanilang nililigawan. Hindi sila nangangawit sa paghawak ng payong at pagbibitbit ng mga dala ni ate girl. Sila ‘yung literal na gentleman, like hindi touchy at hindi nagte-take advantage, partikular na sa nililigawan. Kumpara ngayon, bihira ka na lamang makakita ng lalaki na maggi-give way ng upuan sa punuang jeep para mapaupo ang isang babae o senior citizen.

5. LALAKI ANG NANLILIGAW. Sa mindset ng mga Pinoy, lalaki naman talaga ang dapat manligaw. ‘Yung tipong, kahit gustong-gusto na umamin ng babae sa kanilang natitipuhan noon ay pilit nilang inililihim ang damdamin. Hinding-hindi sila nagpapakita ng motibo. Pero ngayon, babae na rin ang gumagawa ng paraan para mapansin ng lalaki.

Ang totoo, wala namang kaso kung babae ang magpi-first move. Wala ring kaso kung gaano katagal na kayong nagliligawan o kung gaano n’yo na kakilala ang isa’t isa, sapagkat ‘yun ngang mga dumaan sa proseso at inabot nang isang taon ang pagliligawan ay nauwi rin sa wala, kaya anong sense kung patatagalin n’yo pa?

Sabi nga ni late President Ferdinand Marcos Sr., “Just love me now, and I will court you forever.”

Gayunman, iba pa rin talaga ang pakiramdam kapag itinatrato ka nang tama. ‘Yun bang, hindi lamang siya puro salita kundi suportado rin nang pagiging dedicated, passionate, faithful at consistent niya. Kumbaga, sigurado kang seryoso talaga siya sa ‘yo at walang halong pag-o-overthink.

Gets mo?

Paraan para makaiwas sa overthinking

ni Mharose Almirañez | July 21, 2022

Madalas ka bang mag-overthink? ‘Yung tipong, natutulala ka na lamang at kung saan-saang lupalop ng multiverse ka na dinadala ng iyong imaginations. ‘Yun bang, hindi ka makatulog kaiisip ng, “Paano kung totoo?” “Sino?” “Saan?” “Bakit?” “Kailan?”

Samu’t saring katanungan na pilit mong hinahanapan ng sagot, gayung wala ka namang dapat ipag-overthink. Ikaw lang itong paranoid sa kaiisip ng kung anu-ano, na tila kinulang ka sa tiwala’t para bang hindi mo naranasang mabigyan ng assurance sa kahit ano’ng aspeto. Naku, beshie, very wrong ang ganyang mindset!

Ipagpalagay nating nagkaroon ka ng isang overthinker na dyowa. Bilang concerned citizen, narito ang ilang tips na dapat mong gawin para maiwasan ang pag-o-overthink niya at hindi mauwi sa hiwalayan ang inyong relasyon:

1. ‘WAG GAWIN ANG MGA AYAW NIYA. Halimbawa, alam mo na ngang overthinker ang dyowa mo, pero paulit-ulit mo pa ring ginagawa ‘yung mga bagay na alam mong nakakapagpa-paranoid sa kanya. ‘Yung tipong, hindi ka concern sa feelings niya kahit pa alam mong masasaktan siya kapag ginawa mo ‘yung ayaw niya.

2. ‘WAG MO SIYANG IPA-PRANK. Usong-uso ito sa mga vlogger, eh. Pero beshie, maging sensitive ka naman sa feelings ng iyong dyowa, lalo’t alam mo na ngang overthinker siya. Siyempre, bago mo pa amining, “It’s a prank” ay kung saan-saang multiverse na nakarating ang utak niyan. So kung ayaw mong mabaliw siya sa kaiisip, ‘wag mang-good time. Okie?

3. ‘WAG MO SIYANG I-PROVOKE. ‘Yung tipong, hahamunin mo siya o ikaw pa mismo ang gagawa ng paraan at dahilan para magselos siya. ‘Yun bang, pinag-o-overthink mo siya intentionally. I don’t know what you’re up to, pero beshie, ‘wag na ‘wag mo siyang ipo-provoke para lang ma-test o i-challenge ang feelings niya for you dahil sobra-sobrang ‘pag-o-overthink ang maidudulot niyan sa kanya.

4. ‘WAG MAGING INCONSISTENT. Siyempre nasanay na siya sa napakaraming bagay na nakaugalian n’yong gawin together. Kung biglang magkakaroon ng pagbabago, d’yan na siya magsisimulang mag-overthink nang malala. ‘Yung tipong, kahit wala namang problema ay iisipin niyang, “Bakit parang ang cold mo?” o “Bakit parang nagbago ka na?”

5. ‘WAG MO SIYANG ISE-SET ASIDE. Bukod sa trabaho, pamilya at kaibigan ay iprayoridad mo rin ang inyong relasyon. Very wrong kung palagi mong isinasantabi ang dyowa mo, porke nasanay ka na sa presence niya at alam mong mahal ka niya, kaya nagiging kampante ka na.

Ang pag-o-overthink ay isang gawain na hindi dapat makaugalian dahil maaari itong magdulot ng toxic, trauma at torture sa ating isip. Utak ang inaatake ng overthinking, kaya kung ayaw mong mabaliw sa kaiisip sa ‘yo ang dyowa mo ay ‘wag na ‘wag mong gagawin ‘yung mga ayaw niya. Huwag mo siyang ise-set aside at ipo-provoke. Huwag ka maging inconsistent sa pagpaparamdam at pagpapakita kung gaano mo siya kamahal kung ayaw mong mauwi sa prank ang inyong relasyon.

Nakaka-healthy ng relationship, mindset and peace of mind kapag puro positive ang dahilan ng pag-o-overthink. ‘Yung tipong, mas looking forward kayo sa future. Kumbaga, kahit saang lupalop ng mundo man makarating ang inyong imaginations, “I love you in every universe,” pa rin.

‘Di ba?