Napapaligiran ng senior citizen, pahiwatig ng financial success

ni Estrellia de Luna @Panaginip gabay ng buhay | Ika-11 Araw ng Abril, 2024

Analisahin natin ang panaginip na ipinadala ni Romeo ng Bohol.

Dear Maestra,

Napanaginipan ko na napapaligiran ako ng mga senior citizen. Lima ‘yung matatandang lalaki habang apat naman ‘yung mga babae. 

Inabutan ako ng perlas ng isang matandang babae. Samantalang ‘yung iba naman ay binigyan ako ng isang basket ng peras. 

Ano ang ibig sabihin ng panaginip ko?

Naghihintay,

Romeo

Sa iyo, Romeo,

Ang panaginip mo na napapaligiran ka ng mga senior citizen ay nagpapahiwatig ng financial success. Malapit ka nang yumaman. Kaya lang, ang bilang na limang ay nagpapahiwatig na maaari kang mabiktima ng budul-budol. Huwag ka basta-basta magtitiwala sa mga nakakausap mo, dahil ang iba sa kanila ay mga scammer.

Ang apat na matandang babae ay babala ng sunud-sunod na kamalasan, ngunit sunud-sunod na suwerte rin naman ang nakalaan sa iyo. 

Ang numerong kuwatro ay spiritual number na ang ibig sabihin, bago mo makamit ang iyong pangarap, dapat ay nagsisimba ka o kaya nama’y gumagawa ka ng mga gawaing kalugud-lugod sa Diyos.

Ang inabutan ka ng perlas ng matandang babae ay senyales na paparangalan at yayaman ka dahil sa iyong pagsusumikap. 

Samantala, ang binigyan ka ng isang basket ng peras ng matandang babae ay pahiwatig na tataas ang antas mo sa lipunan, at makakapag-asawa ka na ng babaeng tapat magmahal, malambing at mahusay sa mga gawaing bahay.

Matapat na sumasaiyo,

Maestra Estrellia de Luna

Kahulugan ng nasa abroad at oat trees

ni Estrellia de Luna @Panaginip gabay ng buhay | Ika-10 Araw ng Abril, 2024

Analisahin natin ang panaginip na ipinadala ni Joy ng Pangasinan.

Dear Maestra,

Napanaginipan ko na nasa abroad ako. Nakatayo ako sa taniman ng oats, habang naglalakad ako may natanaw akong tatlong oak tree. Ang lago ng dahon, ngunit ‘yung isa ay lanta at tuyot na.

Ano ang ibig sabihin ng panaginip ko?

Naghihintay,

Joy

Sa iyo, Joy,

Ang ibig sabihin ng panaginip mo na nasa abroad at nakatayo ka sa taniman ng oat ay paglalakbay, magkakapag-abroad ka sa lalong madaling panahon. Ito rin ay nagpapahiwatig na roon mo makikilala ang magiging husband mo. Pakakasalan ka niya at magiging matagumpay ang pagsasama n’yo. Mabait, tapat magmahal at maaasahan siya sa lahat. 

Samantala, ang dalawang oak tree na may malagong dahon ay senyales na uunlad na ang pamumuhay mo. Papalarin ka sa negosyo at magiging masaya na ang pamilya mo. 

Ang lanta na mga dahon sa oak tree ay paalala na hindi lagi magiging maaliwalas ang iyong kalagayan dahil masisingitan ka rin paminsan-minsan ng mga suliranin.

Matapat na sumasaiyo,

Maestra Estrellia de Luna

Kahulugan ng nanalo sa marathon

ni Estrellia de Luna @Panaginip gabay ng buhay | Ika-9 Araw ng Abril, 2024

Analisahin natin ang panaginip na ipinadala ni James ng Marinduque.

Dear Maestra,

Napanaginipan ko na sumali ako sa sports festival dito sa amin.

Nanalo ako sa marathon, ngunit natalo naman ako sa swimming competition. Kaya naisipan ko naman na maglaro ng roleta, at nag-spin ako tatlong beses sa spinning board. 

Ano ang ibig sabihin ng panaginip ko?

Naghihintay, 

James

Sa iyo, James,

Ang ibig sabihin ng panaginip mo na sumali ka sa sports festival d’yan sa lugar n’yo, nanalo ka sa marathon ay kabaligtaran ang ipinahihiwatig, makakaranas ka ng kamalasan sa darating na mga araw. 

Ang natalo ka sa swimming competition ay nangangahulugan na lalago ang kita ng negosyo mo kung magtitiyaga kang tutukan ito.

Samantala, ang naisipan mong maglaro sa roleta ay paalala na mag-ingat ka sa mga bago mong kaibigan. May posibilidad na sila ang maging sanhi ng kapahamakan mo. 

Ang tatlong beses kang nag-spin ay senyales na dadaan ka muna sa unang baitang, bago mo marating ang tagumpay. Maraming pagsubok ang kakaharapin mo, pero magiging mayaman at kikilalanin ka rin sa inyong lugar.

Matapat na sumasaiyo,

Maestra Estrellia de Luna