Sign na susuwertehin sa love life at negosyo

ni Maestra Estrellia de Luna @Panaginip Gabay ng Buhay | Oct. 26, 2024

Analisahin natin ang panaginip na ipinadala ni Ronald ng Masbate.

Dear Maestra,

Napanaginipan ko na pinagawa ko ang bahay ko malapit sa military camp, subalit may bigla akong narinig na tunog ng trumpeta, nang tingnan ko kung saan nagmula ang tunog, nakita ko ‘yung kaibigan ko pala at tinry niya lang umano hipan ang trumpeta.

Ano ang ibig sabihin ng panaginip ko?

Naghihintay,

Ronald

---

Sa iyo, Ronald,

Ang ibig sabihin ng panaginip mo na pinagawa mo ang bahay mo malapit sa military camp ay susuwertehin na ang negosyo mo. Babalik na sa iyo ang puhunang inilabas mo at tuluy-tuloy ka na kikita ng malaki.

Pero kung namamasukan ka, ito ay nagpapahiwatig na tataas na ang iyong suweldo, at may chance ka pang suwertehin sa pag-ibig.

Ang narinig mo ang tunog ng trumpeta ay nangangahulugang makakaaway mo ang kaibigan mo, hanggang sa ipahiya ka niya sa harap ng maraming tao.

Ang hinipan ng kaibigan mo ang trumpeta ay senyales na magiging matagumpay ang pakikipagrelasyon mo sa iyong minamahal at magtatagumpay ka pa sa negosyo.

Matapat na sumasaiyo,

Maestra Estrellia de Luna

Kahulugan ng horse at horseshoe

ni Maestra Estrellia de Luna @Panaginip Gabay ng Buhay | Oct. 24, 2024

Analisahin natin ang panaginip na ipinadala ni James ng Roxas City.

Dear Maestra,

Ano ang ibig sabihin ng horse at horseshoe sa panaginip?

Naghihintay,

James

---

Sa iyo, James,

Kung sa panaginip mo ay nakasakay ka sa puting kabayo, ang ibig sabihin nito ay malapit ka nang ikasal. Puwede rin namang isa sa mga kaibigan mo ay malapit nang ikasal.

Kung sa panaginip mo ay nalaglag ka sa kabayo ito ay senyales na makakaranas ka ng mga hindi kanais-nais na mga pangyayari.

Samantala, ang horseshoe ay nangangahulugan ng pagbabago sa takbo ng negosyo. Hindi sa lahat ng oras ay malaki ang kita, dahil minsan ay sadyang mahina talaga ang pasok ng pera. Ito rin ay nagpapahiwatig na posibleng mabaliktad ang takbo ng kabuhayan mo. Mula sa pagiging mayaman, may posibilidad na maghirap ka.

Matapat na sumasaiyo,

Maestra Estrellia de Luna

Kahulugan ng kotse, kanyon at lobo

ni Maestra Estrellia de Luna @Panaginip Gabay ng Buhay | Oct. 24, 2024

Analisahin natin ang panaginip na ipinadala ni Joy ng Bataan.

Dear Maestra,

Napanaginipan ko na nakasakay ako sa kotse, nang bigla akong nakarinig ng putok ng kanyon, at kasabay nu’n ay ang pagpapalipad ng mga lobo sa langit. 

Ano ang ibig sabihin ng panaginip ko?

Naghihintay,

Joy

---

Sa iyo, Joy,

Ang ibig sabihin ng panaginip mo na nakasakay ka sa kotse ay posible kang maghirap. Mas makakabuti kung iiwasan mo muna ang pagbili ng mga mamahaling kagamitan na hindi naman mahalaga, para ‘di na rin maubos ang iyong kabuhayan.

Ang may narinig kang putok ng kanyon ay nagpapahiwatig na mag-aaway kayo ng dyowa mo. Ito rin ay nangangahulugang makakatanggap ka ng balita mula sa kaibigan mo na nagtatrabaho sa abroad.

Samantala, ang lobo ay nangangahulugan na ang inaasahan mong magandang resulta ng pinagkakaabalahan mo ay hindi gaanong magtatagumpay.

Matapat na sumasaiyo,

Maestra Estrellia de Luna