Kahulugan ng naglakbay at naging sailor ang GF

ni Maestra Estrellia de Luna @Panaginip Gabay ng Buhay | July 22, 2024

Analisahin natin ang panaginip na ipinadala ni Leony ng Davao.

Dear Maestra,

Napanaginipan ko na naglalakbay kami ng dyowa ko sa dagat habang nakasakay sa binili niyang sasakyan pandagat. 

Noong sumunod na gabi, napanaginipan ko naman na naging sailor ‘yung dyowa ko, at umalis siya sakay ng barko.

Ano ang ibig sabihin ng panaginip ko?

Naghihintay,

Leony

---

Sa iyo, Leony,

Ang panaginip mo na naglalakbay kayo ng dyowa mo ay depende sa tubig ang kahulugan.

Kung malinis at malinaw ang tubig sa dagat, ito ay nangangahulugan ng kaunlaran, kayamanan at magandang pamumuhay. 

Kung marumi at malabo ang tubig, ito ay nagpapahiwatig ng masamang kapalaran. Ang naging sailor naman ang dyowa mo ay senyales na makakapangibang-bansa siya. 

Ang sumakay ang dyowa mo sa barko ay depende rin sa barko ang kahulugan. Kung ang barko ay pangit, luma at hindi kaaya-ayang tingnan, ito ay babala na hindi siya magtatagumpay sa abroad. Pero, kung maganda ang barko na kanyang sinakyan, ito ay nagpapahiwatig na magkakaroon kayo ng anak na batang lalaki na magbibigay sa inyo ng karangalan na may kinalaman sa tubig.

Matapat na sumasaiyo,

Maestra Estrellia de Luna

Kahulugan ng malubhang sakit

ni Maestra Estrellia de Luna @Panaginip Gabay ng Buhay | July 21, 2024

Analisahin natin ang panaginip na ipinadala ni Tony ng Ilocos Sur.

Dear Maestra,

Napanaginipan ko na may malubha akong sakit, at maaari itong mauwi sa cancer kung hindi ito maaagapan. 

Nang malaman ng aking kaibigan ang aking kondisyon, inalok niya ako na magbenta ng shabu upang magkaroon ako ng pera na maaari kong magamit sa pagpapagamot ko. Pumayag ako noong umpisa, pero kalaunan ay agad din akong tumanggi. 

Ano ang ibig sabihin ng aking panaginip?

Naghihintay,

Tony

---

Sa iyo, Tony,

Ang ibig sabihin ng iyong panaginip na may malubha kang sakit na maaaring mauwi sa cancer ay may posibilidad na matukso kang gumawa ng isang bagay na labag sa iyong kalooban, malaki rin ang tsansa na ika’y mapahamak. 

Ang pag-alok sa iyo ng kaibigan mo na magbenta ng shabu upang magkaroon ka ng sapat na pera para sa iyong pagpapagamot ay babala na maaari kang madamay sa isang kaguluhan. Pero, dahil sa umpisa mo lang ito tinanggap, at sa dakong huli ay tinanggihan mo rin ang alok, ito ay nagpapahiwatig na mapagtatagumpayan mo ang mga pagsubok mo sa buhay, at makakamit mo rin ang iyong minimithi sa buhay.

Matapat na sumasaiyo,

Maestra Estrellia de Luna

Kahulugan ng minalas at pumunta sa monasterio

ni Maestra Estrellia de Luna @Panaginip Gabay ng Buhay | July 20, 2024

Analisahin natin ang panaginip na ipinadala ni Helen ng Tanay Rizal. 

Dear Maestra,

Napanaginipan ko na nagkamalas-malas ako sa buhay, at para ba akong binagsakan ng langit at lupa sa sobrang kamalasan ko. Nagtungo ako sa Monasterio malapit sa amin, humingi ako ng tawad sa mga nagawa kong kasalanan, at hiniling ko rin sa Diyos na hanguin niya na ako sa kamalasan. 

Makalipas ang ilang saglit, may narinig akong magandang musika. Very solemn ang tunog at makapanindig balahibo ang musikang iyon. 

Ano ang ibig sabihin ng panaginip ko?

Naghihintay,

Helen

---

Sa iyo, Helen,

Kabaligtaran ang ipinahihiwatig ng panaginip mo na nagkamalas-malas ang buhay mo, ito ay nangangahulugang uunlad na ang buhay mo. Makakaramdam na kayo ng kaginhawaan at lalago na rin ang kabuhayan n’yo. 

Ang pumunta ka sa Monasterio upang magdasal at humingi ng tawad sa Diyos ay senyales ng kapayapaan, kalayaan at kaligayahan ng puso't isipan. 

Samantala, ang may narinig kang magandang musika na solemn ang dating ay tanda na hahaba pa ang buhay mo.Ito rin ay nagpapahiwatig ng pagmamahal mula sa iyong mga kaibigan. Kung wala ka pang asawa, ito ay senyales na liligaya ka sa buhay may asawa. Giginhawa at magsasama rin kayo habambuhay.

Matapat na sumasaiyo,

Maestra Estrellia de Luna