Maski maliit na bagay pinagtatalunan… Dalaga, ‘di liligaya sa piling ni BF

ni Maestro Honorio Ong @Kapalaran ayon sa Palad | October 27, 2023

KATANUNGAN

1. Kapag ba maganda ang Marriage Line, ibig sabihin, magkakaroon ng maligayang pag-aasawa ang isang tao? May boyfriend ako ngayon, madalas kaming mag-away at kahit maliit na bagay ay pinagtatalunan namin. Kaya naisip ko na baka ‘pag siya ang napangasawa ko, baka hindi rin kami magkaroon ng maligayang pamilya.

2. Pero bakit ganu’n? Maayos at maganda naman ang kaisa-isang Marriage Line ko, na ayon sa inyo ito ay indikasyon ng masaya at matagumpay na pag-aasawa. Ibig sabihin ba nito hindi ang kasalukuyan kong boyfriend ang makakatuluyan ko, kahit na siya ang first boyfriend ko at magdadalawang taon na ang relasyon namin?

3. Sa ngayon, naguguluhan ako kung siya na ba o may darating pang ibang lalaki sa buhay ko. 25-years old na ako kaya medyo kinakabahan na rin ako.

KASAGUTAN

1. Alam mo, ang Marriage Line na ‘yan (Drawing A. at B. 1-M arrow a.) ay lalagyan ng isang quality relationship o long and meaningful engagement. Kaya kung hindi naman “meaningful” ang samahan n’yo at wala namang kabuhay-buhay ang inyong pagsasama, kahit gaano pa kayo katagal mag-on, paniguradong hindi pa rin ‘yan ang kaisa-isang magandang Marriage Line o Guhit ng Pag-aasawa (Drawing A. at B. 1-M arrow a.) na nakikita sa kaliwa at kanan mong palad.

2. Kung hindi siya ang Guhit ng Pag-aasawa (arrow a.) eh, sino ngayon ‘yang boyfriend mo sa kasalukuyan at saan siya iginuhit ng tadhana? Tama ka, nasa ibang guhit ng palad ang lalaking ‘yan, at ito ay ang tinatawag na “fling” (Drawing A. at B. f-f arrow b.) sa kaliwa at kanan mong palad. Maaaring malito ka na naman, dahil sinasabi nga nating “fling” gayung ayon sa iyo ay magdadalawang taon na kayo. Alam mo sa daigdig ng panaginip at sa mundo ng unconscious, walang panukat ng oras d’yan. Sa makatuwid, kapag umiibig ang isang tao, tulad ng naipaliwanag na, para na rin siyang unconscious - walang sukatan ng time, matter and space ang kanyang daigdig, kaya ‘yung sinasabi mong isang taon o dalawang taong relasyon, ay walang kabuluhan ‘yun. Bagkus, ang tunay na nangyari sa buhay mo ay umibig ka sa isang lalaki, kaya dinaramdam mo ang inyong samahan na wala namang kabuhay-buhay o kabuluhan, dahil sa kasalukuyan, wala ka sa sarili mo o nasa unconscious state ka, na akala mo ay nasa conscious ka pa rin. Mahirap ipaliwanag, pero ganito ang karaniwang nangyayari sa mga babae na nagiging biktima ng hangal na pag-ibig o pag-ibig na hindi naman nila masyadong ginusto.

MGA DAPAT GAWIN:

1. Samantala, hindi mo naman aabutin ang ganu’ng senaryo na inilarawan dahil sa kasalukuyan, unti-unti kang mamumulat na hindi mo talaga mahal ang iyong nobyo, na hindi ka talaga masaya sa kanya, at hindi talaga siya ang gusto mong makasama habambuhay at higit sa lahat, hindi rin siya ang nakaguhit nang maayos at maganda sa kaisa-isang Marriage Line (Drawing A. at B. 1-M arrow a.) sa kaliwa at kanan mong palad. Kaya sa lalong madaling panahon, kapag ganap ka nang nakabalik sa katinuan, makikipag-cool off ka na sa kanya hanggang sa tuluyang matuldukan ang relasyong na hindi ka naman naging maligaya kahit kailan.

2. Habang ayon sa iyong mga datos, Daisy, matapos kang makabalik sa matinong pag-iisip at malayang pagpapasya, sa puntong ‘yun, darating ang lalaking under sa zodiac sign na Libra sa susunod na taong 2024. Siya na ang makakasama mo habambuhay, na siya ring inilarawan ng maganda, maaliwalas at makapal na Marriage Line (Drawing A. at B. 1-M arrow a.), na indikasyon din ng maligaya at panghabambuhay ng pag-aasawa.

Playboy na mister, takot ipahiya ni misis

ni Maestro Honorio Ong @Kapalaran ayon sa Palad | October 25, 2023

KATANUNGAN

1. May babae ako ngayon, pero hindi ito alam ng misis ko, wala siyang alam tungkol sa trabaho ko. Gayunman, napapansin ko sa mga tanong niya na parang nakakahalata na siya.

2. Mahal ko ang asawa at mga anak ko, kaya ayokong mawasak ang aming pamilya. Oo, nambababae ako, pero wala akong planong mainlab sa kanila. Natatakot din ako na baka ito ang pagmulan ng malaking iskandalo at pagkawasak ng aming pamilya.

3. Hindi n’yo man naitatanong, mataray, kontrabida at palaban ang misis ko. Kaya kapag nabisto niya ang kalokohan ko. Tiyak na magkakagulu-gulo ang tahimik naming buhay.

4. Maestro, nais kong malaman kung ano’ng mga kasagutan sa aking mga katanungan, para maihanda ko rin ang aking sarili sa mga susunod na mangyayari.

KASAGUTAN

1. ‘Yan ang tinatawag na fling. Kung saan, malinaw na makikita ang Guhit ng Pambababae o Guhit ng Panandaliang Pakikipagrelasyon (Drawing A. at B. f-f arrow a.) sa kaliwa at kanan mong palad. Ibig sabihin, mabisto man niya o hindi ang ginagawa mong kalokohan, ang nasabing pambababae ay siguradong hindi magtatagal. Hindi ito makakaapekto sa inyong pamilya, gayundin sa relasyon n’yong mag-asawa. Pero hindi ‘yun ang delikado, bagkus, ang mas nakakatakot ay baka dumating ang sandali na mawili ka sa pambababae dahil hindi ito nabibisto ng iyong misis, na siya namang huwag na huwag mong gagawin.

2. Sapagkat, kahit matino at maganda ang kaisa-isang Marriage Line (Drawing A. at B. 1-M arrow b.) sa kaliwa at kanan mong palad, hindi mo naman dapat panghawakan ang pag-aanalisa na habambuhay na magiging matatag ang inyong pamilya. Dapat mo ring pansinin ang medyo nagulo o nabiyak na Heart Line (Drawing A. at B. h-h arrow c.) sa kaliwa at kanan mong palad, malinaw na indikasyon o tanda na bagama’t nakakalusot ang pambababae na ginagawa mo ngayon, ngunit kapag ito ay inulit-ulit mo pa, may tendency na manganib ang relasyon n’yo at tuluyang masira ang iyong pamilya.

DAPAT GAWIN

Ayon nga sa kasabihan, “One is enough, two is too much, three is poison that can kill a person.” Sa kaso mo, Andy, ang isang pambababae ay ayos na, at pupuwede rin dumalawa, pero ‘di na para gawing tatlo at maraming beses pa. Tandaan mo, may mga bagay na nakatakda na, ngunit ‘wag mong hamunin ang kapalaran upang 'di na ito masira at mawasak pa!

Bebot, ‘di na dapat umasa sa ex-husband, dahil next year na matatagpuan si “The One”

ni Maestro Honorio Ong @Kapalaran ayon sa Palad | October 22, 2023

KATANUNGAN

1. Mag-iisang taon na kaming hiwalay ng mister ko. Maestro, magkakabalikan pa kaya kami? Kung sakaling hindi na kami magkabalikan, may lalaki pa kayang darating sa buhay ko?

2. Nakita ko kasi sa guhit ng aking palad ang ikalawang guhit ng Marriage Line. Sa pagkakaintindi ko ay may chance pa akong makapag-asawa. Kung sakaling oo, kailan ito magaganap?

KASAGUTAN

1. Tama ka, Annalyn, may namataan ngang ikalawa at mas malinaw na Marriage Line (Drawing A. at B. 2-M arrow b.) matapos mabiyak at tuluyang mawasak ang unang Marriage Line (Drawing A. at B. 1-M arrow a.) sa kaliwa at kanan mong palad. Ito ay malinaw na tanda, kung nabigo ka sa unang pag-aasawa at nauwi ito sa hiwalayan. Umasa kang sa ikalawang pag-aasawa, tiyak na ang magaganap – magiging maligaya at panghabambuhay na ito, na kinumpirma ng pumangit na Heart Line (Drawing A. at B. h-h arrow c.) sa una hanggang gitnang bahagi, ngunit sa gitna hanggang dulong bahagi ng Heart Line (Drawing A. at B. h-h arrow d.), ang nasabing guhit ng pag-ibig o emosyon sa kaliwa at kanang palad ay gumanda rin na nagbabadya o nagpapahiwatig ng isang panghabambuhay at maligayang pag-aasawa.

2. Kung saan, nangangahulugan lamang na sa pagtuntong mo sa edad na 41 pataas, kung pangit man ang napasok mong pag-aasawa, tunay ngang sa ikalawang pagkakataon, magiging matagumpay at panghabambuhay na ito.

MGA DAPAT GAWIN

1. Tunay ngang sa aktuwal na karanasan hindi lahat ng pag-aasawa ay humahantong sa isang maligaya at panghabambuhay na pagsasama, dahil may mga pagkakataon sa buhay ng mag-asawa na hindi naiiwasang mambabae ang lalaki at kung minsan naman ‘yung mismong ilaw ng tahanan ang naliligaw ng landas.

2. Ngunit, hindi ibig sabihin nito ay matatapos na ang buhay o tapos na ang kapalaran sa pag-aasawa. Sapagkat, maaaring sa susunod na pagliko ng kasaysayan ng buhay, maaaring sa ikalawa o sa ikatlong pakikipagrelasyon ay makasama mo na ang isang nilalang na itinakda para sa iyo.

3. Habang ayon sa iyong mga datos, Annalyn, ang nasabing senaryo o pangyayaring tinuran sa itaas, tulad ng nabanggit na ay tiyak namang mangyayari at matutupad na sa susunod na taong 2024 sa buwan ng Oktubre sa edad mong 41 pataas, isang maligaya at panghabambuhay na pag-aasawa, hatid ng isang lalaking isinilang sa zodiac sign na Libra.