Kanta sa Disney animated film na “Encanto”… “We Don’t Talk About Bruno”, No. 1 sa Billboard Hot 100

ni Jasmin Joy Evangelista | February 2, 2022

Nanguna sa Billboard Hot 100 chart ang “We Don’t Talk About Bruno”, ang kanta sa Disney animated film na “Encanto”.

Ang kantang ito na isinulat ni Lin-Manuel Miranda ay umangat sa top spot mula sa pagiging No. 2 sa chart nitong February 1, 2022.

Ito rin ang kauna-unahang No.1 para sa American singer-songwriter at “Hamilton” star.

Ang “Encanto" (2021) ng Disney ay isang musical animated film tungkol sa isang extraordinary na pamilya sa Colombia na mayroong magical gifts maliban sa isang bata, si Mirabel.

Ang “We Don’t Talk About Bruno” ay itinanghal ng Madrigal family sa tinig nina Carolina Gaitán (Pepa), Mauro Castillo (Felix), Adassa (Dolores), Rhenzy Feliz (Camilo), Diane Guerrero (Isabela), Stephanie Beatriz at (Mirabel).

Minnie Mouse nagsuot ng pantsuit sa kauna-unahang pagkakataon

ni Jasmin Joy Evangelista | January 29, 2022

Sa kauna-unahang pagkakataon ay nagsuot ng pantsuit si Minnie Mouse sa selebrasyon ng ika-30 anibersaryo ng Disneyland Paris.

Ipinakita ng Disneyland Paris ang suot ni Minnie Mouse sa isang tweet nitong Biyernes kung saan sa halip na ang kanyang signature red-and-white dress ay blue-and-black polka-dotted pantsuit at bow na likha ni Stella McCartney ang kanyang suot.

"Stella McCartney has designed Minnie Mouse's very first pantsuit, and it's gorgeous," ayon sa tweet na may hashtag na #DisneylandParis30.

Habang isinusulat ito ay umabot na ito sa mahigit 21,900 likes at 3,200 retweets

Coachella 2022, inanunsiyo na ang lineup

ni Jasmin Joy Evangelista | January 15, 2022

Inanunsiyo ng Coachella, ang isa sa world's largest music and arts festivals na magbabalik ito sa April 2022.

Ayon sa kanilang pinakabagong announcement, ang featured musical acts ngayong taon ay kinabibilangan nina Harry Styles, Billie Eilish, at Ye (formerly known as Kanye West).

Kabilang din sa lineup sina Daniel Caesar, Phoebe Bridgers, Big Sean, Megan Thee Stallion, Doja Cat, Carly Rae Jepsen, 21 Savage, at Joji.

Ipi-feature sa festival ang 88 Rising’s “Head in the Clouds Forever” at Swedish House Mafia’s “return to the desert.”

Ayon pa sa announcement, ang Coachella 2022 ay nakatakdang ganapin sa April 15 to 17 at April 22 to 24 sa Empire Polo Ground sa Indio, California.

Naglabas na rin ito ng mga teaser simula noong nakaraang taon matapos ang mga kanselasyon bunsod ng COVID-19 pandemic.

Gayunman, inilabas na ng festival ang lineup sa kabila ng nakaaalarmang surge ng COVID-19 cases sa United States.

Ayon sa kanilang post, ang presale para sa first weekend ay sold out na. Ang presale naman para sa Weekend 2 ay binuksan nitong Biyernes, Jan. 14, 10 a.m. PT.