New MMA Warriors, hanap ng Team Lakay

ni MC - @Sports | September 22, 2022

Paghahanap ng bagong mga hahangaang bituin mula sa serye ng Philippine Mixed Martial Arts ang pakay ni coach Mark Sangiao, ang master ng Team Lakay habang tinutupad ang bagong papel sa ONE Warrior Series Philippines.

Planong maging bahagi sa 16 na MMA artists mula sa umaangat na stable ng mixed martial arts (MMA) scene na Team Lakay ang bagong tutuklasin kasabay ng pagtupad ng mga pangarap na makasabak sa ONE Championship.

Malaking tulong ayon kay dating fighter at coach ang serye sa mga nangangarap na fighters na mapabilang sa Team Lakay at magkaroon ng mga laban sa Circle.

Kaya naman binuksan ang ONE Warriors Series upang magbukas ng oportunidad sa mga promising athletes at magkaroon ng pagkakataon na makilala at sumikat sa MMA. "Apart from that, OWS also shows the harsh reality of being an MMA athlete -- that it's not easy, it's not just a test of physical strength and endurance but a supreme test of character, spirit, and of how far you can go and do to fight for your dream," saad ni Sangiao sa ABS-CBN news.

Hindi maikakailang pinaka-astig ngayong MMA coach si Sangiao hindi lang sa Pilipinas kundi sa buong mundo kung saan lima sa kanyang mga hawak na mandirigma ay nakapagwagi na ng ilang world titles sa ONE Championship.

Unang naging kampeon sa Team Lakay si Honorio Banario sa ONE Championship sa Featherweight division. Habang noong 2016, sinimulan naman ni Eduard Folayang na maghari sa ONE Lightweight World Champion.

Pagdating ng 2018, apat na kampeonato mula sa Team Lakay ni Sangiao ang nasungkit sa ONE Championship. Nagkampeon sa ikalawang pagkakataon ni Folayang sa lightweight, si Joshua Pacio ay naging ONE Strawweight World Champion, nakopo ni Geje Eustaquio ang ONE Flyweight World Title, habang si Kevin Belingon ay ONE Bantamweight World Champion.

Laurio, naleksiyunan sa pag-exit sa ONE Warrior Series

ni MC - @Sports | September 21, 2022

Kinapos man, ang panahon na inilaan ni Christian Paul Laurio sa ONE Warrior Series Philippines ay isang magandang karanasan na kanyang dadalhin sa buhay niya.

Si Laurio ang unang fighter na na-eliminate sa programa bunga ng mahirap na elimination process na isinagawa nina Team Lakay patriarch Mark Sangiao kasama sina coaches Joshua Pacio at Geje Eustaquio ng Team Passion at Team Gravity.

Isa rin sa panel ng deliberation si dating ONE Bantamweight World Champion Kevin Belingon na siyang coach sa unang episode. Sumabak ang 24- anyos ng Quezon City laban kay Anacleto “L.A.” Lauron sa isang sparring match sa pagtatapos ng unang episode. Bilang skilled striker, nakabanat pa si Laurio sa choke ground ni Lauron’s D’Arce sa unang round.

Sa kanyang pag-exit, alam ni Laurio na makakabawi siya at sisikaping maging mixed martial artist.

“Of course, I’m sad first of all. I will miss my teammates,” ayon kay Team Gravity fighter.

“Coach [Geje] told me that my journey doesn’t end here, more opportunities will come. You have to keep on improving on what you started.” “I want to encourage my teammates to continue fighting, carry on and welcome every opportunity.”

Pahirapan din ang landas ni Laurio sa unang episode at natalo kay JM Guntayon sa Bultong match, isang Igorot-style wrestling martial art.

Ipalalabas muli sa Linggo sa GTV, sa ONE Super App, at watch.onefc.com. Ang weekly replays ay ipalalabas sa Tap Go, ONE Championship Philippines sa Facebook at ONE Championship official YouTube channel.

Canelo Alvarez, tinalo si Golovkin sa super m' weight

ni MC - @Sports | September 19, 2022

Napanatili ni Canelo Alvarez ang kanyang pagiging undisputed super middleweight championship sa T-Mobile Arena sa matapos niyang talunin via unanimous-decision ang kanyang karibal na si Gennadiy Golovkin, sa isang trilogy fight.

Dalawang judge ang nagbigay ng 115-113, habang ang ikatlong judge ay nakakuha ng 116-112 para kay Alvarez. Pagkatapos ng huling kampana, at 36 na round na magkasama, ang dalawang magkaribal ay nagbahagi ng mahabang yakap, na tila nagtapos sa isang away na naging personal sa paglipas ng mga taon.

Si Golovkin, sa edad na 40, ay nagsimulang bumagal at bahagya pang inihagis ang kanang kamay sa unang dalawang quarter ng laban, ngunit sa huli na ang kanyang lakas at nagdomina sa huling apat na round.

Ang dalawang magkaribal ay nagsagupa kung saan nauwi sa draw ang una nilang laban noong 2017. Nanalo si Alvarez sa majority decision noong 2018.

Si Alvarez (58-2-2, 39 KOs) ay nagmula sa isang upset loss kay Dmitry Bivol noong Mayo nang hinamon siya para sa isang 175-pound na titulo.