Nat'l U21 Men's Volleyball Championship simula na

ni MC @Sports News | Jan. 29, 2025

Photo: PNVF

Ang daan patungo sa FIVB Volleyball Men’s World Championship (MWCH) 2025 ay ipapatag sa Setyembre at tatahakin ng dalawang idaraos na international at dalawang local competitions tampok ang national teams ng indoor at beach volleyball na aaksiyon sa ilang dosenang kompetisyon sa labas ng bansa.

Magsisimula ang aksiyon ngayong araw ng Miyerkules kung saan walong koponan ang lalarga sa inaugural Philippine National Volleyball Federation (PNVF) Under-21 Championship National Men’s Division sa Ninoy Aquino Stadium.

Hinati ang teams sa 2 grupo ng preliminary round tampok ang Volleyball Never Stop (VNS) Club at Silay Volleyball Club (SVC) na magbabanggaan sa unang laro ng 9 a.m. kasunod ng 11:30 a.m. na duwelo sa pagitan ng Zamboanga City at Lingayen sa Group A. Maglalaban sa Group B ang Umingan Volleyball Club (UVC) at Notre Dame of Dadiangas University (NDDU) sa 2 p.m. habang ang City of Naga-Cebu Volleyball Club (CNV) at University of East (UE) ng 4:30 p.m.

“The Under-21 championship is part and parcel of the national team program that aims to maintain the production line of talents for international competitions,” ayon kay PNVF head Ramon “Tats” Suzara, pangulo ng Asian Volleyball Confederation (AVC) at executive vice president ng International Volleyball Federation o FIVB.

Tuloy sa Biyernes ang preliminaries habang ang semifinals ay nakatakda sa Sabado at ang final ay sa Linggo na suportado ng Philippine Sports Commission at Philippine Olympic Committee.

Idaraos din ang National Beach Volleyball Championships sa Pebrero at ang Second AVC Beach Tour-Nuvali Open sa Abril parehong sa Nuvali Sand Courts sa Santa Rosa City. Ang Nuvali na rin ang venue ng FIVB World Beach Pro Tour Futures. Nakatakdang mag-host ang Pilipinas ng men’s world championship sa unang pagkakataon mula Set. 12 hanggang 28 sa Smart Araneta Coliseum at SM Mall of Asia Arena.

PBA stars Castro at Thompson sulong sa adbokasiya ni Romero

ni MC @Sports News | Jan. 25, 2025

Photo: Castro at Thompson / PBA

Nagsumula sa isang 'humble beginnings' sina Scottie Thompson at Jayson Castro bago naging mga big stars ng PBA. Mga nagsimula sa wala pero nagsikap at sa tulong na rin ng ibang tao ay natupad nila na umangat ang karera at sumikat. Sa ngayon ay panahon naman para sila ang tumulong.

Sina Thompson at Castro, kasama si Filipino-Ivorian Olympian Maxine Esteban ay sumusuporta ngayon sa mga baguhang kinakalinga ni Milka Romero ng 1Pacman Partylist. “They're into sports. Alam natin, sa Pilipinas, sobrang need natin ng support sa sports, not just basketball, not just the Gilas but all kinds of sports na talagang tutulungan natin para umunlad,” ani Thompson tungkol sa pag-agapay ni Capita1 co-owner Romero.

Magkatuwang ang Barangay Ginebra guard at 1Pacman sa adbokasiya na matulungan ang mga kabataan lalo na ang mga walang kaya tulad ng ginagawa ni Esteban na suportado ang programa ni Romero na tumutulong sa mga atleta sa Olongapo na naging bahagi ng Batang Pinoy 2024.

“I think kasama na sa generation natin ngayon, alam naman natin na as long as tumutulong and as long as doing the right way, 'yung intentions nila maganda para sa sports so truly blessed 'yung mga athletes na may mga ganun, tumutulong para sa amin,” dagdag ng one-time PBA MVP.

“Maraming mga atleta na mga less privileged na hindi nabibigyan ng mga opportunity na ipakita o i-showcase yung talent nila. So, at least nariyan ‘yung 1Pacman para tulungan sila," dagdag ng two-time best point guard ng Asya.

Para kay Esteban, “It’s really my advocacy kasi kahit naman di ako pinalad na ma-represent yung Pilipinas sa Olympics, ipinangako ko talaga sa sarili ko na I want to be relevant in Philippine sports and really to help athletes here in the Philippines.”

Olympic Committee hindi magpapahinga ngayong 2025

ni MC @Sports News | Jan. 9, 2025

Photo: Mula ngayong Enero 2025 hindi magpapahinga ang buong miyembro ng Philippine Olympic Committee (POC) Executive Board members na sina Atty. Wharton Chan, Dr. Jose Raul Canlas, Alvin Aguilar, Donaldo Caringal, Alexander Sulit, Ferdinand Agustin and Jessie Lacuna, Leah Gonzales, Al Panlilio, Mikee Cojuangco-Jaworski at Leonora Escollante sa pamumuno ni POC prexy Abraham “Bambol” Tolentino dahil sa sunud-sunod na international competition na lalahukan ng national athletes. (pocpix)

Inisa-isa na ni Philippine Olypic Committee (POC) president Abraham "Bambol" Tolentino ang mga aatupaging trabaho para sa mga nalalapit na kompetisyon na unang nakatakda ang Harbin Winter Games sa Pebrero hanggang sa Chengdu sa Agosto at Bahrain sa Oktubre bago ang pinal na SEA Games sa Thailand sa Disyembre.

“It’s a busy year marked with major international competitions,” ayon kay Tolentino na pinakaabalang taon ito para sa mga atleta matapos pulungin ang bagong Executive Board sa unang major POC function sa Makati City kahapon.

Sasabak sa bungad ng 2025 ang Ninth Asian Winter Games sa Harbin, China sa Peb. 7 -14, 12th World Games sa Chengdu at sa China mula August 7 -17, ang Third Asian Youth Olympics Games mula Okt. 22 -31 sa Bahrain at ang 33rd Southeast Asian Games sa Chonburi, Songkhla at Thailand mula Dis. 9 -20.

“We’re aiming to send as many capable and qualified athletes as possible to these games and we’re targeting the best possible results,” dagdag ni Tolentino, kung saan ang Harbin Games ang magbibigay-lakas para sa kampanya sa first Winter Olympics medal.

Naroon sa pulong sina first vice president Al Panlilio (basketball), treasurer Dr. Jose Raul Canlas (surfing) at auditor Donaldo Caringal (volleyball) at board members Leonora Escollante (canoe-kayak), Alvin Aguilar (wrestling), Ferdinand Agustin (jiu-jitsu,), Alexander Sulit (judo), Leah Gonzales (fencing) at Jessie Lacuna (Athletes Commission).

Dumalo rin sina International Olympic Committee Representative to the Philippines Mikee Cojuangco-Jaworski habang di nakadalo si vice president Richard Gomez (modern pentathlon) na hindi nakabiyahe mula Ormoc City kaya muling idaraos ang POC first General Assembly sa susunod na linggo.

Ang Asian Indoor and Martial Arts Games, ayon kay Tolentino na kagagaling lang mula sa trangkaso ay iniskedyul ng early 2026 ng host Riyadh. Bago ang pulong, nanalangin muna ang board para sa kaluluwa ni dating secretary-general Atty. Edwin Gastanes na namayapa nitong nakaraang buwan.