Gilas woman de Jesus, out sa U.S. NCAA, tinamaan ng injury

ni MC @Sports | August 3, 2023

Hindi makakasama ang Duke senior na si Vanessa de Jesus para sa Blue Devils sa darating na U.S. NCAA season dahil sa injury sa tuhod.

Si De Jesus, na naglaro para sa Philippine team sa Fiba Women’s Asia Cup noong unang bahagi ng taong ito, ay nag-anunsyo sa social media na siya ay uupo sa 2023-24 campaign dahil sa injury na natamo niya sa practice. Hindi ibinahagi ni De Jesus ang mga detalye ng kalubhaan ng kanyang injury ngunit malamang na hindi rin ito makalaro sa mga paparating na Gilas Pilipinas women tournaments.

Nag-average siya ng 12.8 points, 1.8 rebounds, at 3.2 assists para sa Pilipinas sa Asian meet.

“Kailan lamang, nagkaroon ako ng injury sa tuhod habang nag-eensayo na magpapatigil sa akin para sa paparating na season,” isinulat ng Fil-Am guard sa Instagram. “Ito pa rin ang pakiramdam na hindi totoo kung paano biglang magbago ang mga bagay. It has been hard to digest especially with what I thought this year will hold and all the work I’ve put in to this point,” dagdag nito.

Sa 2022-23 campaign, naglaro siya sa 32 laro, at starter player, na may average na limang puntos, 2.1 rebounds, at 1.5 assist para sa Blue Devils ni Coach Kara Lawson.

Sinisikap ni De Jesus na sulitin ang kanyang oras sa paglalaro. “I have trust in the process and will keep my head up, not letting these circumstances keep me down or alter the dream.

This is just another trial I must go through, that I’ll learn from and come back even stronger.”

Nagbahagi ng mensahe ng suporta ang mga kasamahan ni De Jesus sa Gilas Women sa kanyang post.

Esports, dagdag na demo games sa Palarong Pambansa

ni MC @Sports | July 25, 2023

Idinagdag ang Esports sa listahan ng events na lalaruin sa 2023 Palarong Pambansa sa Marikina sa Hulyo 29. Tanging isang titulo, Mobile Legends Bang Bang (MLBB) ang itatampok sa inaugural Palaro esports tournament.

Ang mismong alkalde ng Marikina ang nagsagawa ng anunsiyo sa national meet's press launch sa Marikina Sports Center noong nakaraang Biyernes. Ang Esports ay magsisilbing demonstration sport.

"We chose the most accessible game for the Palaro. Most of the Filipinos right now use their mobile phones to actually play the game, so Mobile Legends muna ang ni-recommend namin sa board (so it is the first game we recommended to the board)," ayon kay Marlon Marcelo, ang executive director ng Philippine Esports Organization (PESO).

Ang PESO ang babalikat para tulungan ang Marikina City government, ang Department of Education, at ang Philippine Sports Commission sa pag-organisa ng Palaro MLBB event.

Idinagdag pa ni Marcelo na ang ibang esports titles, tulad ng Defense of the Ancients (DOTA) 2 at Valorant ay idadagdag sa event oras na ang esports ay maging opisyal nang bahagi ng Palaro, maaring sa susunod na torneo sa isang taon.

Nagbi-bid na ang Cebu City, Antique, at Negros Occidental para makuha ang hosting rights ng 2024 Palaro habang kinokonsidera ang kakayahan ng kanilang ekonomiya.

Ang capital city ng Cebu at Negros Occidental - ang Bacolod ay maaring magpagamit ng mas malaking venues ng esports event at marami pang titulo ang lalaruin.

Sa ngayon, ayon kay Marcelo, ang layunin ay mapagtagumpayan ang pagdaraos ng 2023 Palaro MLBB event. "Since this is a demo sport, we would want to make sure that everything is smooth as possible on the first try. Mas madali kasing i-organize yung MLBB, to be honest, just because Valorant and DOTA 2 require PCs (personal computers) and a very stable Internet connection, so it's really one of the optics na kailangang ayusin (that we have to fix)," aniya.

E-Painters sakalam vs. BWB, Filipinas suportado sa FIFA

ni MC / Clyde Mariano @Sports | July 24, 2023

Kahit anong panahon, tag-ulan o tag-init man ay hindi napigilan ang second running Rain or Shine E-Painters at pininturahan ang Blackwater Bossing, 131-108 para sa 7 panalo sa siyam na laro sa malapit nang magtapos na dalawang buwan na tune up games sa PBA Preseason on Tour sa FilOil EcoOil Center sa San Juan City kagabi.

Ito ang pangalawang blowout na panalo ng RoS at dinuplika ang 117-88 panalo sa NLEX Road Warriors. Kinontrol ng ROS ang laro mula simula at kunin ang pangatlong sunod na panalo matapos yumuko sa Beermen at ipalasap sa Bossing ang pang-apat na kabiguan sa 10 laro.

“We wish the ‘Filipinas’ women’s team the best of luck as they make history in their FIFA World Cup debut!”

Ito ang mensahe ni Pangulong Ferdinand Marcos Jr. sa Philippine national women’s football team na gagawa ng historic debut sa FIFA World Cup.

Samantala, sinimulan na ng Filipinas ang kanilang kampanya sa Group A sa FIFA Women’s World Cup sa pakikipagtipan sa Switzerland bagamat nabigo noong Biyernes sa Forsyth Barr Stadium sa Dunedin.

Kasalukuyang ranked No. 46 sa FIFA women’s world rankings ang tropa ni Australian coach Alen Stajcic ay hahapin pa na kasunod ang mataas pa sa kanila na ika-20 puwesto at titiisin din ang malamig na panahon na may average na 7-degree Celsius (44.6-degree Fahrenheit) sa mga nakalipas na araw.

Baon ang international seasoning at experience kung saan nagsanay sila sa US, Europe, Asia at South America, ang Filipinas ay tiwala pa rin sa sandaling sumalang kontra New Zealand larong suportado ng Philippine Sports Commission.

Ang mga Pinay ay nanalo sa lima sa kanilang huling mga laro, habang ang kanilang huling talo ay ang 1-5 setback sa Sweden sa isang closed-door unofficial friendly dito noong Lunes at sa Swisso.