Lumba Tamo cycling race sa Zambales Mango Festival

ni Clyde Mariano @Sports | April 27, 2024

Isa sa magiging highlights ng pamoso sa buong mundo na selebrasyon ng Dinamulag Mango Festival 2024 ang paglahok ng mga elite at up-and-coming riders para sa ikalawang edisyon ng Lumba Tamo Zambales 2024 sa Mayo 7.

Pangungunahan ni gobernador Hermogenes Ebdane ng lalawigan ang pag-welcome sa may 500 riders ng Elite, Junior at Youth categories na inaasahang lalahok sa 150-km road race na magsisimula ang ruta at pabalik sa Zambales Sports Complex sa provincial capital ng Iba—lahat ay magkakamit ng medalya at cash prizes.

“Cycling tourism is growing increasingly popular, not only in Zambales province, but throughout the country,” saad ni Ebdane. “And, through our ingenuity, we have combined cycling and trail tourism and along this line, I welcome all the athletes taking part in the Lumba.”

Napanatili ng lalawigan ng Zambales ang pagiging aktibo sa Philippine sporting map, bilang venue ng cycling, triathlon, off-road races at iba pang multi-sport competitions tulad ng mga regional athletic meets sa nakaraang 15 taon.

Ang Lumba Tamo (karera tayo o let’s race) ay sanctioned ng PhilCycling bilang isa sa ranking races ng national championships at tatahakin ng riders ang magandang tanawin sa coastline ng Zambales, isa sa pinakamahabang baybayin sa bansa, kasabay din ng matinding pagsubok sa mainit na panahon at unpredictable crosswind na malaking paghamon din para sa riders.

Ang karera ay pangunahing inorganisa ng Provincial Government ng Zambales sa tulong ng Zambales Youth and Development Office sa pamumuno ni Eric Matibag.

Ang Dinamulag Mango Festival 2024 celebrations ay magsisimula sa Mayo 2 at magtatapos sa Mayo 11 na may serye ng araw-araw na piyesta at aktibidad.

Pacatiw hindi kinalawang sa pagbabalik sa ONE c'ship

ni MC @Sports | April 15, 2024

Nagbunga ang paghihintay ni Jeremy "The Juggernaut" Pacatiw. Bagamat walang laban sa nakaraang 16 na buwan, nakapagtalo ang  Lions Nation MMA standout ng nakagugulat na  first round submission win kontra kay "Little Whirlwind Wang Shuo sa ONE Fight Night 21:Eersel vs. Nicolas.

Impresibo ang naging laban na ito ni Pacatiw dahil napatunayan niyang mayroon siyang iisang salita at at talagang ipinakita ang kanyang kahandaan sa kabila ng

pagkakabakante sa laban.   “Sinabi ko nga before the fight, I’m prepared in any aspect.

I think this is the time, the perfect time na binigay ni Lord for me,” aniya matapos na pasukuin ang kalabang Tsino sa bisa ng rear naked choke sa   2:07 minuto ng round one.

Magandang panalo ito para  kay Pacatiw na balak umakyat sa bantamweight division sa ONE Athlete Rankings. Wala man siyang nabanggit sa susunod niyang mga plano, determinado siyang sumagupa laban sa mga top five sa ngayon.   “Maybe I’ll start with the top five muna, and then if we’re able to get the win, then bababa sila,” aniya. 

“Tingnan natin kung sino ang ibibigay ng ONE Championship, they have the decision kung sino ibibigay. I hope to be able to compete against the top five.”

Kabilang sa potensiyal niyang makakasagupa sina no. 3 "Pretty Boy" Kwon Won II,  no. 4 Artem Belakh at no. 5. Enkh-Orgil Baatarkhuu.  Sa  ngayon, nais muna ni Pacatiw na ipagdiwang ang panalo dahil alam hindi lang ito isang simpleng panalo kundi ito ang simula ng kanyang upstart stable. “Yun ang maganda kasi we’re already setting the momentum of Lions Nation MMA which is good and hopefully, we’re praying na tuloy tuloy na,” aniya. “This is a victory for the team at nating lahat.”                          

New Zealand at Germany sokpa na sa FIVB Q'Finals

ni MC @Sports | April 14, 2024

Kinapos sina Gen Eslapor at Kly Orillaneda para sa  quarterfinals nang magmartsa ang tambalan nina New Zealand's Katie Sadlier at Meile Rose Green tungo sa 21-18, 16-21, 15-12 victory kahapon sa FIVB Volleyball World Beach Pro Tour Futures sa Nuvali Sand Courts ng Ayala Land sa City of Santa Rosa.

Unang nakontrol pa ng  lady spikers ng Philippine Air Force ang napakainit na bakbakan at dominante hanggang second set pero nangibabaw na ang husay ng New Zealanders at tapusin ang laban sa loob ng 55 minuto.

Sinikap pa ng 5-foot-6 na si Orillaneda na makabawi sa third set. “It was mostly because of our errors,” saad ni Orillaneda.  “We gave them some crucial points and it’s disappointing because we knew we could pull it off, we just didn’t execute."

“We need to be able to convert points in transition,” ayon sa 5-foot-7 na si Eslapor.   

Habang sina Sadlier at Green, na maagang tinalo sa 24-26, 21-13, 15-4, sina Rēzija Puškundze at Loreta Cabule ng Latvia sa Round of 12 ay mahaharap sa quarterfinal showdown kontra German pair na sina Chenoa Christ at Anna-Lena Grüne.

Habang napasuko sina Alexa Polidario at Jenny Gaviola sa kompetisyon sa 10-21, 7-21 kontra sa Lithuanians Marija Karaliute at Urte Andriukaityte.

Sa men’s play, maganda ang laro ng Philippines’ AJ Pareja at Ran Abdilla sa second set matapos ang mabagal na simula pero malakas pa rin sina Banlue Nakprakhong at Wichaya Wisetkan ng Thailand para manalo, 12-21, 17-21.

Giniba nina Yusuf Özdemir at Batuhan Kuru ng Turkey ang New Zealanders na sina James Sadlier at Juraj Krajci, 21-13, 21-15, nanaig sina Germany’s Philipp Huster at Bennet Poniewaz kontra Ryo Tatsumi at Shiro Furuta ng Japan, 21-11, 21-14, pinaluhod nina  Csanád Petik at Domonkos Dóczi sina Bence Tari at Bence Attila Stréli  sa all-Hungarian match-up, 21-18, 21-14.