Caldwell-Pope, pasok sa Magic, Paul sa San Antonio Spurs na

ni MC @Sports | July 2, 2024

Sumang-ayon si veteran guard Kentavious Caldwell-Pope sa three-year, $66 million deal sa Orlando Magic, ayon sa iba't ibang media outlets.

Ang ikatlong taon ng kontrata ay naiulat na pinili ng player. Naglaro si Caldwell-Pope sa nakaraang dalawang seasons sa Nuggets at naging starter player nang magwagi ang Denver sa 2023 NBA Finals. Naging bahagi rin siya ng  Los Angeles Lakers' 2020 championship team.

Si Caldwell-Pope, sa edad 31 ay may average na 10.1 points, 2.4 rebounds, 2.4 assists at 1.3 steals sa 76 na laro lahat mula sa Denver season. May 40.6 percent shot mula sa 3-point range at kilala sa lakas dumepensa. 

Siya rin ay may career averages ng 11.4 points, 3.0 rebounds, 1.8 assists at 1.1 steals sa 835 games (693 starts) sa loob ng 11 seasons sa Detroit Pistons (2013-17), Lakers (2017-21), Washington Wizards (2021-22) at Nuggets. Nakapagtala na siya ng kabuuang 1,420 sa 3-pointers.

Kailangan ng  Nuggets backcourt help ngayon nang lisanin ni  Caldwell-Pope, kaya naman si Los Angeles Clippers guard Russell Westbrook ang isa sa players na pinag-iinteresan ng team.

Samantala naiulat namang nailipat din ang free agent point guard player Chris Paul mula sa Golden State Warriors at nakatakdang maglaro sa  San Antonio Spurs para sa  one-year contract worth $11 million-plus ayon sa ESPN. Ayon sa  Bleacher Report, hindi tinanggap ng Golden State ang alok na si guard Zach LaVine ang ipapalit kina Paul at Andrew Wiggins. 

Si Paul, edad 39, ay 12-time All-Star ay nai-trade din noong nakaraang summer mula sa Phoenix Suns tungo sa  Washington Wizards pero matapos ang dalawang linggo ay nalipat ito sa Warriors.

SCC naka-ginto sa 5x5 Basketball ng ROTC Games Mindanao leg

ni MC @Sports | July 1, 2024

Nagpakitang-Gilas sa Philippine Air Force ang Southern City Colleges matapos tambakan ang Western Mindanao State University, 108-42 at sikwatin ang korona sa men's 5x5 Basketball ng 2nd Philippine ROTC Games 2024 Mindanao Qualifying Leg, kahapon sa University of Zamboanga - Summit Centre, dito.  

Maagang ipinaramdam ng SCC cagers ang kanilang lakas nang hawakan agad ang 48-point lead, 67-19 sa unang dalawang periods kaya naman hindi ito nahirapan para sungkitin ang gold medal.

Kuminang naman sa Philippine Army men's basketball ang Josefina Cerilles State College matapos kalusin ang Southern City Colleges, 92-60.

Diretso sa national finals sa Indang, Cavite sa Agosto ang basketball teams ng SCC at JCSC para puntiryahin ang ginto sa event na katuwang ang Philippine Sports Commission, (PSC) sa pamumuno ni chairman Richard Bachmann. 

Matinding buntalan naman ang nasaksihan sa Philippine Army boxing event kung saan ay nasikwat ni Rolando Evangelista ng Jose Rizal Memorial State University - Tampilisan ang gintong medalya sa men's 51-54 kg Bantamweight.

Nasapol ni Rey John Paul Apale ng Makilala Institute of Science and Technology ang gold medal sa 54-57 kgs. Featherweight matapos gulpihin si Ian Jeffer Banyogan ng PHINMA - Cagayan De Oro College, nakopo ng huli ang silver medal.

Ang ibang boksingero ng Army na nakakuha ng gold ay sina Joebert Yacapin ng PHINMA - Cagayan De Oro, (57-60kgs. Lightweight) at Wilmark Agosto ng La Salle University (60-63.6kgs Light Welterweight).

Si Gabriel Gonzales ng Western Mindanao State University naman ang naka-ginto para sa Philippine Air Force sa (60-63.6kgs Light Welterweight).

Sa women's Arnis, kumalawit ng gold medal para sa Air Force sina Bernalyn Jhoy Nicdao (Featherweight), Sarah Oraciano (Lightweight) at Maricar Cautivar (Welterweight), lahat nag-aaral sa Western Mindanao State University. 

Gilas girls angat sa Division A nang talunin ang Lebanon

ni MC @Sports | July 1, 2024

Umangat sa Division A ng FIBA U18 Women's Asia Cup ang Gilas Pilipinas Women Under-18 basketball team. Nakuha ng Filipinas ang promosyon matapos dominahin at muling talunin ang Lebanon, 95-64 sa kanilang bakbakan sa Division B Finals kahapon sa Futian Sports Park sa China.

Pinangunahan ni Alyssa Rodriguez sa gabay ni coach Julie Amos ang squad sa bisa ng 22 points, 18 ang mula sa 6-of-10 shooting ng three-point line kasama ang three steals, assist,  block, at rebound.

Pumoste si Alicia Villanueva ng 15 markers habang si Naomi Panginiban ay may 13 points, four assists, three steals, at two rebounds, habang si team captain Ava Fajardo at Sophia Canindo ay may tig-10 puntos.

Nakakamada rin sila ng 15 three-pointers sa 39 na tangka (38.5%) at ipinakita ang impresibong laro sa depensa kaya nagresulta sa 31 turnovers ng Lebanon at pinahirapan sa 21 steals.

Pumatas sa  20 puntos sa kaagahan ng laro nang bumanat si El Ghali ng three-points, ginanahan agad ang Gilas at umalagwa ng 17 puntos na hindi nasagot ng kabilang team mula sa tres ni Rodriguez, Panginiban at 15-foot-line shot nina  Fajardo at Villanueva.

Ang mainit na kamay ni Panginiban ay nagpatuloy hanggang sa final canto para itarak ng Gilas ang 89-48 na pananambak para makasampa sila sa Division A.

Ito ang ikaapat na diretsong panalo ng Gilas girls nang unang gapiin ang Maldives at Lebanon sa group stage at ang Samoa sa semifinals. 

Sa kabilang banda, namuno si El Ghali ng Lebanon sa 31 markers  habang nag-ambag si Maygen Naassan ng 19 points.  Samantala, pinakapos ng Samoa ang Iran sa Battle for Third Place game, 64-59.