PAI-Swim Series 1 ngayon sa RMSC

ni MC @Sports | Sep. 21, 2024

Tuloy ang pagtuklas ng Philippine Aquatics, Inc. (PAI) sa mga bagong talent sa grassroots level sa paglarga ng Go Full Swim Series long Course Swimming Meet Leg 1 ngayong weekend sa Teofilo Yldefonso Swimming pool sa loob ng Rizal Memorial Sports Complex Malate, Manila.

Tampok ang mga batang swimmers mula sa mahigit 30 swimming club na nasa pangangasiwa ng PAI ang magtatagisan ng kasanayan at talento sa torneo na inorganisa ng tanging national sports association sa bansa sa pagtataguyod ng Philippine Sports Commission (PSC).

“We’re blessed and grateful na muling itaguyod ang PAI-Speedo para patuloy nating maisulong ang grassroots development program.

Hindi lamang po ito sa swimming at sa Manila bagkus sa iba pang discipline ng aquatics tulad ng open swimming at nagaganap din ito sa iba’t ibang lalawigan sa pamamagitan ng ating mga regional members,” pahayag ni Buhain.

Nakataya sa torneo ang team overall championships sa mga event ng Class A, B, C at D. Nakalinya rin sa serye ang Leg 2 sa October 19-20 at Leg 3 sa Nov. 16-17 na pawang isasagawa sa RMSC venue. Bukod dito, ratsada rin ang PAI sa CARAGA Series Leg 1 sa Oct. 26-27 sa FSSU Morelos Campus sa Butuan City at ang Open Water Swim Championships sa October 26 sa Dusit Thani seaside sa Mactan City sa Cebu.

“Pinalalakas natin ang mga programa hindi lamang sa Manila pati na rin sa ating mga region. Kailangan natin ang regular meet sa mga probinsiya tulad nito para makita natin ang improvement ng ating mga swimmers bago sila mapalaban sa mas kompetitibong meet and eventually make it to the National Team,” sambit pa ni Buhain.

Nauna nang naisagawa ang Short Course Leg 1 championship sa Central and Northern Luzon Luzon nitong Setyembre 14-15 sa Lingayen, Pangasinan.

Bomogao World's No. 1 na, OCR ginto sa World C'ships

ni MC @Sports | August 29, 2024

Photo: Islay Erika Bomogao

World's no. 1 na ngayon si Islay Erika Bomogao sa International Federation of Muay Thai Associations ranking para sa -45kg female elite athlete. 

Kamakailan lang, hinirang din si Islay na unang Filipina Muay Thai champion nang manaig kay Sarah Kwa, ang Australia’s Muay Thai state champion sa isang labanan sa Kenwick, Australia.

Samantala, gintong medalya naman ang naiuwi ng  Philippine National team na sumagupa sa OCR World Championship 2024 sa San Jose and Doka Estate, Costa Rica noong August 22-25, 2024. Nakasungkit sila ng 1 gold, 3 silver at 2 bronze medals. 

Gold sa OCR 100m Elite Female si Precious Cabuya para sa bagong world record 31.389 habang silver sa  OCR 100m Juniors Boys & Girls sina Edris Dizon at Trisha Del Rosario. 

Silver sa OCR 100m Youth Boys si Gavin Moses Ti, OCR 100m Elite Male silver si Mark Julis Rodelas at bronze si Ahgie Radan. Para sa OCR 100m Mixed Team Relay, bronze sina Jose Mari De Castro, Ahgie Radan, Mecca Cortizano at Precious Cabuya. 

Dalawang bronze medals naman ang nasungkit ng  national surfing team na sumabak sa Asian Surfing Championships sa Thulusdhoo Island, Maldives noong Agosto 12 hanggang 27. Nakuha naman ng  team ang 2 bronze medals at copper sa torneo. 

Sina John Mark Tokong, Neil Sanchez, at Remar Magaluna ang bronze sa  Men's Team Shortboard habang si  Troy Espejon ay bronze din sa  U18 Boys Shortboard

Vea Estrellado, Diane Nogalos at Susan Escamilla.

Copper medalist naman bilang 4th place ang Women's Team Shortboard habang sina John Mark Tokong at Vea Estrellado ay qualified na sa Asian Games 2026 Aichi-Nagoya. 

Isleta, MOS sa PAI Nat'l Trials short course

ni MC @Sports | August 25, 2024

Photo: Chloe Isleta / IG

Nakumpleto ni Chloe Isleta ang halos perpektong kampanya sa isa pang mahusay na ratsada nang walisin ang huling dalawang kaganapan at tanghaling Most Outstanding Swimmer (MOS) awardee sa pagtatapos ng Philippine Aquatics, Inc. (PAI) National Trials 25-meter short course sa Teofilo Yldefonso Swimming Pool sa Malate, Manila.

Hataw ang 26-anyos na alumnus ng Arizona State University sa girls' 100 freestyle at 200 backstroke na nagtala ng 56.38 at 2:12.30, ayon sa pagkakasunod-sunod upang taasan ang kanyang gold medal haul sa pito sa apat na araw na torneo na sinusuportahan ng Philippine Sports Commission (PSC). Nakipagkompetensiya sa ilalim ng kanyang sariling banner na Chloe Swim Club na nakabase sa Ilocos Sur, naungusan ni Isleta ang Fil-American bet na sina Miranda Renner (56.59) at Camille Buico ng Rising Atlantis (58.30) sa freestryle bago tinalo ang kapwa National mainstay at Southeast Asian Games (2023) record holder Xiandi Chua (2:13.00) at Mishka Sy (2:22.08). Maliban sa 200 Individual Medley kung saan nag-time siya ng 2:16.35 at natalo kay Chua (2:16.22), nangibabaw rin si Isleta sa 50 back (27.83),100 back (1:00.31), 50-free (25.65), 200 free (2). :04.17), at 100 Individual Medley (1:01.64) para sa kabuuang 231 puntos para manguna sa women's division.

“Wow, I’m so happy sa performance ko. Mas maraming oras ang ginugol ko sa pagsasanay noong mga nakaraang linggo at nagbunga ito. With still more than one month before the World Series, we can go back in training and prepared,” ani Isleta, kumukuha ng masteral sa Communication and Media sa Dela Salle-Taft.

Ang kaganapan ay ginamit bilang pagpili para sa mga miyembro ng Philippine Team na nakatakdang lumahok sa World Aquatics World Series (maikling kurso) sa Oktubre 18-20 (Serye 1) sa Shanghai, China; Serye 2 ng Okt. 24-26 sa Incheon, South Korea; at Series 3 Okt. 31- Nob. 2 sa Singapore