3 ginto sa Olympics mula sa ‘My Working Team’ ng POC

ni MC @Sports News | Nov. 3, 2024

Photo: Abraham Bambol Tolentino - FB

Naging tulay ang tatlong gintong medalya mula sa Olympics kasunod ang apat pang Asian Games gold medals—kasama na ang natatanging men’s basketball title—na binigyang-diin ni Abraham “Bambol” Tolentino sa loob ng 4 na taon niya bilang pangulo ng Philippine Olympic Committee (POC).

Dagdag pa ang overall championship sa matagumpay na pag-host ng bansa sa 30th edition ng Southeast Asian Games noong 2019 kung saan nagwagi ang Pinoy athletes ng 149 gold, 117 silver at 121 bronze medals sa may 56 sports—higit sa 50 golds nang sumegunda sa Vietnam.

Sa administrasyon ng POC administration na pahirapan nang mahigitan lalo't may Carlos Yulo na naka-2 gymnastics gold medals sa Paris 2024 at bago iyan ay si weightlifter Hidilyn Diaz-Naranjo na unang naka-ginto sa Olympics noong Tokyo 2020.

“It’s about teamwork, it’s about setting and achieving goals, it’s about cooperation,” ani Tolentino na ayon sa kanyang video tinawag niyang “My Working Team” para sa muling halalan ng POC sa Nob. 29 sa East Ocean Palace Restaurant sa Paranaque City.

Tuwing apat na taon maghalal ng pamunuan sa POC kasabay ng Olympic cycle. Sa Nobyembre, ani Tolentino pinuno rin ng cycling federation mula 2008, pakay ding muling pamunuan ang pinakamataas na sports-governing body sa bansa kasama ang “Working Team” na sina Alfredo “Al” Panlilio (basketball) First Vice President, Rep. Richard Gomez (modern pentathlon) 2nd Vice President, Dr. Jose Raul Canlas (surfing) Treasurer at Donaldo “Don” Caringal (volleyball) bilang Auditor at Alexander “Ali” Sulit (judo), Ferdinand “Ferdie” Agustin (jiu-jitsu), Leonora “Len” Escolante (canoe-kayak) at Alvin Aguilar (wrestling) at Leah Jalandoni Gonzales (fencing) bilang miyembro ng Executive Board.

Ang pag-file ng kandidatura ay nagsimula noong Okt. 15 at magtatapos ngayong Okt. 30.

Prayoridad, layong iangat ng Ilokano ang estado ng sports

ni MC @Sports News | Oct. 25, 2024

Sina Chavit Singson at anak na si Richelle Singson

Buung-buo ang magiging suporta sa sports upang lalo pang mapaangat ang antas ng palakasan sa Pilipinas dahil na rin sa hindi na bago sa kanya ang pagsuong sa mundong ito. Bilang nagsilbing lider sa Philippine sports si Ilokano man, businessman at sports patron Luis “Chavit” Singson, dating gobernador, congressman at alkalde sa Ilo¬cos Sur, nagsilbi rin siyang lider ng Philippine National Shooting Association (PNSA).

Ang pangakong tulong na ito ni LCS sa sports ay para iangat pa ang antas ng estado ng ahensiya maging ng mga atleta. Una niyang patututukan ang Pinoy athletes na nangangailangan ng sapat na suporta para mas lalo pang umangat ang kalidad ng paglalaro sa international competitions. Inihalimbawa niya sina gymnast Carlos Yulo at weightlifter Hidilyn Diaz-Naranjo na talaga namang umangat sa international scene.

“World class,” ani LCS na kasama ang anak na si Ako Ilokano Ako Partylist Richelle Singson sa isang simpleng press conference sa Solaire Resort and Casino sa Parañaque.

Pinapurihan ni LCS si Diaz-Naranjo na unang nagbigay ng gintong medalya para sa Pilipinas sa Olympic Games noong 2021 sa Tokyo, Japan.

Sinaluduhan din ni Singson si Yulo na naka- dalawang ginto sa Paris Olympics noong Hulyo. Bumalikat din si LCS sa mundo ng boxing dahil hinawakan niya sina boxing icon Manny Pacquiao at Charly Suarez.

Alam ni Singson na kinakapos sa pondo ang mga atleta. “The government should always support our athletes. Given the chance, I will help,” ani LCS. Kinatigan naman ito ni Richelle.

“On sports development, he will be for increase of budget for the athletes. Due to lack of funding, we struggle to produce top-notch athletes who can represent our country well,” aniya.

“We will be in full support of increase of budget for our athletes especially in sports that we’re good at like boxing, now weightlifting. We can see some rising talents, and we need to support them to have more Olympic medalist for the Philippines.”aniya pa.

Mendoza naghari sa elite ng Go For Gold Criterium Race Series 3

ni MC @Sports News | Oct. 25, 2024

Nangunguna si MTB standout John Andre Aguja (dulong kaliwa) ng Go For Gold Cycling Team sa men’s junior MTB category ng Go For Gold Criterium Race Series 3. Naroon din sa award ceremony si Go For Gold founder Jeremy Go (nakatayo, dulong kaliwa. Photo: (G4Gpix)

Pinagharian ni Aidan James Mendoza ang makasabog-bagang madulas na ruta para kunin ang men’s elite title ng Go For Gold Criterium Race Series 3 na idinaos sa General Santos City. Ang matapang na sprinter ng Go For Gold Continental Cycling Team ay agad kumalas sa peloton bagamat kasagsagan ng malakas na ulan hanggang sa unahan ang isa pang sprinter na si Jun Rey Navarra sa makapigil-hiningang pagtatapos.

Pumangatlo si Marc Ryan Lago, isa ring Go For Gold Continental Cycling Team standout, 4 na segundo ang agwat sa kampeon na nakatawid sa meta, kaya doble ang selebrasyon ng squad sa podium.

"Masarap ang pakiramdam na naipanalo namin itong karera para sa Go For Gold,’’ sabi ni Mendoza nang maorasan ng 45 minutes at 56 seconds at makumpleto ang 1.4-kilometer loop sa harap ng city hall kung saan 40 minutong inikutan ng peloton sa dagdag na 3 laps.

"Sa umpisa pa lang alam kong magiging mahirap kaya ginawan ko agad ng paraan para kumawala,’’ dagdag ng 25-anyos na multiple podium finisher sa international races, kabilang na ang katatapos na 3rd place sa Tour of Thailand.

Ipinagmalaki rin ang MTB junior rider na si John Andre Aguja ng Go For Gold nang kunin ang MTB junior men’s crown habang si Kate Yasmin Velasco ng Standard Insurance ay nagreyna sa women’s open matapos ang 25 minutes plus three laps race.

"Our races are organized to give more opportunities for our local riders. For sure we will have more legs next year where we can hopefully find more upcoming cyclists,’’ ani Go For Gold founder Jeremy Go.

Nanguna rin si Go For Gold’s Marvin Mandac sa men’s junior race sa loob ng 20 minutes at 47 seconds, tinalo si teammates Aguja (10 seconds na kabuntot) at Justhene Navaluna na may agwat na 12 seconds. Magilas si Kathlene Dela Vega sa women’s junior division sa kanyang high-speed finish.