World champions Mangin, Colonia at Inan una sa Siklab Youth Awards

ni MC @Sports News | Dec. 5, 2024

File Photo: Tachiana Mangin - File FB

Pangungunahan nina Tachiana Mangin ng taekwondo at weightlifters Angeline Colonia at Lovely Inan ang mga bigating awardees sa Nickel Asia Corporation Siklab Youth Sports Awards 2024 ngayong Huwebes sa Market! Market! Activity Center Ayala Malls BGC matapos ipagmalaki ng bansa sa hatid na karangalan sa world stage.

Nagkampeon si Mangin sa women’s -49 kilogram class ng World Taekwondo Junior Championships sa Chuncheon, South Korea, na kauna-unahang nagawa ng Pinoy sa halos 3 dekada mula nang magwagi si Alex Borromeo sa men’s -47kg division noong 1996 worlds sa Barcelona, Spain.

Nanguna naman sina Colonia at Inan sa women’s 45kg at 49kg categories para sa 2 gold medals para sa ranked 3rd overall ng Pilipinas sa may 28 bansa ng 2024 International Weightlifting Federation World Junior Championships sa Leon, Spain.

Kasama nila sina 2024 US Junior Girls champion Rianne Mikhaela Malixi ng golf at wushu’s Alexander Gabriel Delos Reyes at Asian junior gymnastics gold medalist Karl Eldrew Yulo at table tennis youth champion Kheith Rhynne Cruz sa awards ceremony na sinuportahan ng Philippine Sports Commission, MVP Sports Foundation, Ayala Malls at Smart.

Una naman sina Muay thai world-beaters Janbrix Ramiscal at Lyre Anie Ngina, chess Olympiad gold medalist Ruelle Canino sa listahan ng Super Kids Award category sa gala ng Philippine Sports Commission-Philippine Paralympic Committee-Philippine Olympic Committee (PSC-PPC-POC) Media Group.

May kabuuang 30 awardees ang nakalinya sa Youth Heroes Award kabilang sina Ana Bhianca Espenilla (athletics), John Andre Aguja (cycling), JR Pandi (badminton), Brandon Sanchez (baseball), Kieffer Alas (basketball), Marc Dylan Custodio (bowling), Nick Anjelo Payla (boxing) at Naina Dominique Tagle (archery), Gavin Moses Bangayan Ti (obstacle course racing), Micaela Jasmine Mojdeh (swimming), Jonathan Reyes (squash), Jeniva Consigna (sambo) and Joseph Godbout (modern pentathlon).

Samantala, sina Ella Olaso (wrestling), Danielle Escolano (bowling), Xian Baguhin (boxing) Elaiza Yulo (gymnastics), Sebastien Mañalac (karate), Julia Claret Bintulan (karate), Zyche Mae Cruz Jizmundo (pencak silat), Shai Nitura (volleyball), Mariam Grace Balisme (wrestling), Paul Sondrei Capinig (wrestling), Andreas Lucho Aguilar (wrestling), Johanna Jeiel Barbero (wushu), Mark John Lazo (wushu), Carlstein Jade Dulay (sailing), Josa Gonzales (sailing), Marvin Mandac (cycling) at Thirdy Mana-ay (cycling) ang kumumpleto sa roster ng Super Kids accolade. (MC)

Tolentino, nanatiling POC prexy at 'Working Team' nagwagi rin

ni MC @Sports News | Dec. 1, 2024

Kinamayan ni Chito Loyzaga bilang pagbati sa nagwagi niyang katunggali na si Abraham 'Bambol' Tolentino sa pagpili ng pamunuan ng Philippine Olympic Committee. (pocpix)

Apat na taon muling termino ang haharapin ni Abraham “Bambol” Tolentino nang muling mahalal na pangulo at ang kanyang buong “Working Team” sa idinaos na halalan sa Philippine Olympic Committee (POC) sa East Ocean Garden Restaurant sa Parañaque City.

“The General Assembly has spoken,” ayon kay Tolentino na nakatipon ng 45 boto na kumatawan sa 75 percent ng 61 voting members ng POC. Nakakuha ang kanyang katunggali na si Chito Loyzaga ng 15 boto.

“I think performance was the basis [of landslide victory],” ani Tolentino, 60, sa reporters matapos ang pilian ng pamunuan na pinamahalaan ni Atty. Teodoro Kalaw IV kasama si Philippine Sports Commission commissioner Olivia “Bong” Coo at Letran-Calamba Rector at President Fr. Napoleon Encarnacion, OP, bilang members. Landslide din sa 53 votes si basketball head Al Panlilio maging ang kapwa “Working Team” bet na si Rep. Richard Gomez na nanguna bilang second vice president, at manaig kay skateboarding Carl Sambrano, 37-22. May 54 votes si Dr. Jose Raul Canlas (surfing) habang si Donaldo Caringal (volleyball) ay may 47 points para sa “Working Team.”

Kumumpleto sa team ni Tolentino para sa lopsided victory sina bagong Executive Board members Leonora Escollante(canoe-kayak, 45 votes), Alvin Aguilar (wrestling, 44 votes, Ferdinand Agustin (jiu-jitsu, 41 votes), Alexander Sulit (judo, 41 votes) at Leah Gonzales (fencing, 40 votes). “For the athletes, athletes, athletes …,” ani Tolentino.

Sa bilang na 61 voters, 58 ay mula sa national sports associations at 2 mula sa Athletes Commission at isa mula sa International Olympic Committee representative Mikaela Cojuangco Jaworski. Wala sa okasyon ang Rugby.

Fan favorite Gonzales-Carro at Bello twins, matibay sa BPT Challenge

ni MC @Sports News | Dec. 1, 2024

Photo: Ang fan favorites na sina Sofia Gonzalez at Maria Belen-Carro ng Spain.

Makapigil-hiningang laban ang nalampasan ng fan favorite na sina Sofía González at María Belén Carro ng Spain laban kina Piper Ferch at Madison Shields ng US, 21-18, 14-21, 20-18 nitong Sabado sa Round of 12 sa Volleyball World Beach Pro Tour Challenge Nuvali Santa Rosa City.

Ang world No. 66 na mula sa kampeonato sa Copa de La Reina Madrid, nangunguna ang Spaniards sa bakbakan sa Nuvali Sand Courts kung saan nagtala si Gonzalez ng 24 attack points at si Carro ay may 11 kontra Shields’ 24 at Ferchs’ 11.

Isang magarang laro ang ipinakita nina Gonzalez at Carro laban kina world No. 84 Malgorzata Ciezkowska at Urszula Lunio ng Poland na tumalo kina Hailey Harward at Kylie DeBerg ng US, 21-14, 21-15.

Napanatili pa rin ng top-rated men’s pair nina Javier at Joaquin Bello ang kanilang tikas at nagpatuloy na maging paborito ng fans lalo na nang idispatsa ng English twins ang Dutch rising stars na sina Leon Luini at Ruben Penninga, 21-18, 21-19, sa torneo na inorganisa ni Philippine National Volleyball Federation head Ramon “Tats” Suzara, na pangulo rin ng Asian Volleyball Confederation and Executive Vice President of the world governing body Federation Internationale de Volleyball.

Kumamada si Javier ng 26 attack points habang si Joaquin ay umiskor ng 4 at five blocks.

“Whenever you’re the No. 1 seed in any international tournament and to have a target on your back is sometimes difficult but for us we think of the same way every tournament,” ani Joaquin.

“Regardless of what seed we are or what the expectation is if we go game by game, point by point, stay together united and just fight point by point, that’s what we do,” dagdag niya.

Ginapi muna nina Germany Sagstetter brothers Jonas at Benedikt ang Alas Pilipinas pair nina James Buytrago at Rancel Varga bago isinunod na biniktima sina No. 44 Vinicius at Heitor ng Brazil, 21-13, 21-18. Unang tinalo nina Ferch at Shields sia Aleksandra Wachowicz at Julia Radelczuk, 21-16, 17-21, 15-13.