Spacecraft ng NASA, pupunta sa Venus

ni Mary Gutierrez Almirañez | June 3, 2021

Dalawang bagong misyon papuntang Venus ang inianunsiyo ng National Aeronautics and Space Administration (NASA) nitong Miyerkules, June 2.

Ayon kay NASA Administrator Bill Nelson, "These two sister missions both aim to understand how Venus became an inferno-like world, capable of melting lead at the surface."

Paliwanag pa niya, "They will offer the entire science community the chance to investigate a planet we haven't been to in more than 30 years."

Ang nabanggit na 2 misyon ay paglalaanan ng tig-$500 million sa ilalim ng NASA's Discovery Program at inaasahang ilo-launch sa 2028-2030.

"It is astounding how little we know about Venus, but the combined results of these missions will tell us about the planet from the clouds in its sky through the volcanoes on its surface all the way down to its very core,” dagdag naman ni Tom Wagner, NASA’s Discovery Program scientist.

Matatandaang nag-landing kamakailan ang spacecraft ng NASA sa planetang Mars na layuning maghanap ng fossilized bacteria at microbes upang patunayan ang pagkakaroon ng buhay na nilalang doon.

Bagyong Dante, ramdam sa Metro Manila

ni Mary Gutierrez Almirañez | June 2, 2021

Patuloy na nananalasa ang Bagyong Dante sa bahagi ng Luzon at Visayas, batay sa bulletin report ng Philippine Atmospheric, Geophysical and Astronomical Services Administration (PAGASA) ngayong umaga, June 2.

"Posible po itong magkaroon ng pangatlong landfall d'yan sa may bahagi ng Romblon ngayong hapon," giit ni PAGASA Weather Forecaster Ana Clauren.

Dagdag niya, "Kung mag-westward pa po ang kanyang pagkilos, possible rin po nitong daanan ang bahagi ng Oriental Mindoro pagkatapos dumaan sa bahagi ng Romblon."

Sa ngayon ay nakataas ang Signal No. 2 sa mga sumusunod na lugar:

• southern portion ng Quezon (San Francisco, Mulanay, Catanauan, General Luna, Macalelon, Pitogo, Unisan, Agdangan, Padre Burgos, Pagbilao, Sariaya, City of Tayabas, Lucena City, Dolores, Lucban, Candelaria, Tiaong, San Antonio, San Andres, San Narciso)

• Batangas

• southern portion ng Laguna (Majayjay, Liliw, Nagcarlan, Rizal, San Pablo City, Calauan, Bay, Los Baños, Alaminos)

• Marinduque

• Oriental Mindoro

• northern portion ng Occidental Mindoro (Abra de Ilog)

• Romblon

• western portion ng Masbate (Aroroy, Milagros, Mandaon, Balud) including Burias Island

• northern portion ng Capiz (Sapi-An, Ivisan, Roxas City, Panay, Pontevedra, President Roxas, Pilar)

• northern portion ng Aklan (Malay, Nabas, Ibajay, Tangalan, Makato, Lezo, Numancia, Kalibo, New Washington, Batan)

• northeastern portion ng Iloilo (Balasan, Estancia, Carles)

Samantala, ramdam din ang hagupit ng Bagyong Dante sa Metro Manila, kung saan kasalukuyang nakataas ang Signal No. 1.

Kabilang din sa Signal No. 1 ang mga sumusunod na lugar:

• Ilocos Norte

• Ilocos Sur

• La Union

• Pangasinan

• western portion ng Kalinga (Pasil, Tanudan, Lubuagan, Balbalan, Tinglayan)

• Mountain Province

• Ifugao

• Benguet

• southern portion ng Isabela (Ramon, Cordon)

• Nueva Vizcaya

• western portion ng Quirino (Nagtipunan, Cabarroguis, Diffun, Aglipay, Saguday)

• central at southern portion ng Aurora (Dipaculao, Maria Aurora, Baler, San Luis, Dingalan), Zambales

• Bataan

• Tarlac

• Nueva Ecija

• Pampanga

• Bulacan

• Rizal

• the rest of Quezon

• the rest of Laguna

• Cavite

• Occidental Mindoro

• Calamian Islands

• Cuyo Islands

• western portion ng Camarines Norte (Labo, Capalonga, Santa Elena),

• western portion ng Camarines Sur (Del Gallego, Lupi, Ragay, Sipocot, Libmanan, Pasacao, Pamplona, San Fernando, Minalabac, Bula, Nabua, Balatan, Bato, Cabusao, Milaor, Canaman, Gainza, Camaligan, Magarao)

• western portion ng Albay (Polangui, Libon, Oas, City of Ligao, Pio Duran, Guinobatan, Jovellar)

• natitirang bahagi ng Masbate kabilang ang Ticao Island

• western portion ng Sorsogon (Donsol, Pilar, Castilla, Magallanes, Bulan, Matnog)

• Antique

• natitirang bahagi ng Aklan

• natitirang bahagi ng Capiz

• natitirang bahagi ng Iloilo

• Guimaras

• northern portion of Negros Occidental (La Castellana, Pontevedra, Hinigaran, Moises Padilla, Pulupandan, Valladolid, San Enrique, La Carlota City, San Carlos City, Bago City, Bacolod City, Murcia, Salvador, Benedicto, Calatrava, City of Talisay, Silay City, Enrique B. Magalona, City of Victorias, Manapla, Cadiz City, Sagay City, City of Escalante, Toboso)

• northern portion of Negros Oriental (Canlaon City, Vallehermoso)

• northwestern portion of Cebu (Pinamungahan, Toledo City, Balamban, Asturias, Tuburan, Tabuelan, Medellin, San Remigio, Daanbantayan) including Bantayan Islands

Ang mga barangay at mga komunidad na prone sa pagbaha at rain-induced landslides ay pinapayuhang patuloy na mag-monitor at magsagawa ng mga kaukulang paghahanda at posibleng paglikas kung kinakailangan.

Bahagya namang pumihit ang bagyo sa direksiyon na kanluran hilagang-kanluran kaya inaasahan na tatahakin nito ang mainland Luzon na posibleng dahilan para humina ang bagyo.

COVID cases sa Kyusi, tumaas dahil sa inuman

ni Mary Gutierrez Almirañez | June 2, 2021

Itinuturong dahilan ang inuman session kaya mabilis ang hawahan ng COVID-19 sa Quezon City, batay sa datos ng QC Public Affairs and Information Services Department.

Ayon dito, "They then went on to contaminate community members in other super spreader events. A drinking session and wedding in Bgy. Matandang Balara for example, yielded 69 confirmed cases with 25 still pending as of June 1."

“We are doing our best to control our numbers and yet some individuals continue to violate our protocols. We do not condone this disastrous behavior and will immediately impose legal sanctions on all those involved,” dagdag pa.

Sa ngayon ay 1,017 pamilya na ang sumailalim sa swab test at apektado sa ipinatutupad na special concerned lockdown, matapos maging close contact ng mga nagpositibo sa COVID-19 buhat nang maganap ang super spreader events sa kanilang barangay.

Kabilang sa mga nakumpirmang kaso ay mga nakatira sa: Del Mundo St. ng Barangay Talipapa, K-10th St. ng Barangay East Kamias, Harvard St. ng Barangay E. Rodriquez, Manggahan Citizen St. Interville III ng Barangay San Agustin, Area 5 ng Barangay Capri, Labordo Compound ng Barangay Tandang Sora, Area 7 Luzon Avenue ng Barangay Matandang Balara, at Geronimo St. ng Barangay Sta. Monica Quezon City.

Nagtalaga naman si Mayor Joy Belmonte ng local law enforcement units at foot patrol sa bawat barangay upang ma-monitor kung may nagaganap na namang malawakang inuman o mass gatherings sa bahay-bahay at kalsada na posibleng pagmulan ng mabilis na hawahan.

Ang mahuhuling residente o organizer na nagsasagawa ng nabanggit na pagtitipon ay maaaring maharap sa paglabag sa Republic Act 11332 o Mandatory Reporting of Notifiable Diseases and Health Events of Public Health Concern Act, at iba pang city ordinance.

Maiisyuhan din sila ng show-cause orders at iba pang kaso, hinggil sa nilabag na health protocols habang umiiral ang pandemya.