Khloe Kardashian, ibinulgar na sinasayang ni Kendall ang buhay niya

ni Angela Fernando @Entertainment News | June 14, 2024

Pinatutsadahan ni Khloé Kardashian ang kanyang nakababatang kapatid na supermodel na si Kendall Jenner sa kung paano nito sinasayang ang buhay na meron siya.

Sa episode ngayong linggo ng The Kardashians, tinanong si Khloé ng isang producer kung sino sa kanyang mga kapatid ang nais niyang makapalitan ng buhay o ang tinatawag nilang ‘Freaky Friday’.

Agad naman itong sinagot ni Khloé at sinabing si Kendall ang gusto niyang makapalitan ng buhay. "I could be a supermodel going around town. I could hook up with this person -- not that Kendall does that — but I would be doing that," dagdag pa ni Khloé. Ayon pa kay Khloé, hindi raw ganu’n mamuhay ang supermodel kaya sinasayang daw nito ang kanyang buhay.

“She definitely doesn't do any of those things. That's why she's wasting her life. You're wasting it, Kendall. Let me be you for a second,” saad ni Khloé tungkol sa 28-anyos na kapatid.

Matatandaang si Kendall, na piniling itago ang kanyang personal na buhay mula sa reality series ng kanilang pamilya sa Hulu, ay umamin nu'ng mga naunang season na mas boring talaga siya sa harap ng kamera ngunit marunong daw siyang magsaya sa likod nito.

Kahit iniisip ni Khloé na sinasayang ni Kendall ang kanyang kabataan, kamakailan ay muling nakipagbalikan ang supermodel sa kanyang Puerto Rican boyfriend at singer na si Bad Bunny.

Luis, duda kung anak niya si Peanut

ni Angela Fernando @Entertainment News | June 13, 2024

Nag-takeover si Jessy Mendiola sa YouTube channel ng asawang si Luis Manzano para sa Father's Day special ng ‘Luis Listens’ at upang ipakita ang sacrifices ng mister para sa kanilang pamilya.

Sa episode na ito ng vlog ni Luis, nausisa ni Jessy kung may advice at kung ano ang natutunan ng mister bilang ama sa anak nilang si Isabella Rose Tawile "Peanut" Manzano. Pagbabahagi naman ni Luis sa mga katulad nilang magulang at provider, “A provider has to do what a provider has to do.”

Ipinakita rin ni Luis ang respeto niya sa ibang mga magulang na kailangang malayo sa kanilang pamilya upang maibigay ang pangangailangan ng mga ito, lalo pa't he's speaking from experience at hati ang oras sa pamilya at trabaho.

Humirit din ng biro si Luis sa vlog at sinabing kung minsan ay nagdududa na siya kung anak niya ba talaga si Peanut dahil sa mga biruan nilang kapitbahay lang siya ng mag-ina. Ngayon daw ay promoted naman na siya dahil hinahanap na rin ni Peanut ang lambing ng kanyang papa.

Nagbigay naman ng mensahe si Jessy para sa mister na tila naging emosyonal pa. Sey kasi ng aktres, nakikita niya ang hardwork ng asawa upang mapunan nito ang kanilang pangangailangan at makapaglaan ng oras sa pamilya at sobrang naa-appreciate niya ito.

Dagdag ni Jessy, si Luis daw ang tipo ng taong hahatiin ang katawan kung pwede para lang magkaroon ng oras sa work at sa kanila ni Peanut.

Pinuri naman ng netizens ang mag-asawa dahil kita kung gaano nila inirerespeto ang kanilang pagsasama. Sey ng madla, mas nakita raw nila ngayong bagay na bagay talaga sina Luis at Jessy dahil mutual na mataas ang tingin nila sa isa't isa.

Apple, ipinakilala ang 'Apple Intelligence' AI

ni Angela Fernando @Technology News | June 11, 2024

Ipinakilala ng Apple kamakailan ang "Apple Intelligence," na nagbibigay ng artificial intelligence sa software na nagpapatakbo sa kanilang mga gadgets at devices.

"Recent developments in generative intelligence and large language models offer powerful capabilities that provide the opportunity to take the experience of using Apple products to new heights," saad ni Apple chief executive Tim Cook.

Binigyang-diin din ng mga executive ng Apple na naglalaman ang Apple Intelligence ng mahigpit na seguridad upang mas bigyang kaalaman ang Siri digital assistant at iba pang mga produkto nito, nang hindi kinakailangang mangalap ng data mula sa users.